საქართველოს ეროვნული ბანკის მიერ გამოქვეყნებული ანგარიშის თანახმად, მიმდინარე წლის აგვისტოში, წინა თვესთან შედარებით, ქვეყანაში მოქმედი კომერციული ბანკების მიერ გაცემული სესხების მოცულობა 0.47%-ით, ანუ 226.32 მილიონი ლარით გაიზარდა და საანგარიშო თვის დასასრულს 48.02 მილიარდ ლარს მიაღწია.
ამავე პერიოდში ეროვნული ვალუტით გაცემული სესხების მოცულობა 409.48 მილიონი ლარით, 1.57%-ით გაიზარდა, ხოლო უცხოური ვალუტით გაცემული სესხების მოცულობა 183.15 მილიონი ლარით, 0.84%-ით შემცირდა.
რეზიდენტი იურიდიული პირებისათვის კომერციული ბანკების მიერ ეროვნული ვალუტით გაცემული სესხების მოცულობამ 7.68 მილიარდი ლარი შეადგინა, წინა თვესთან შედარებით 2.32%-ით მეტი. უცხოური ვალუტით კი მათზე 13.37 მილიარდი ლარის მოცულობის სესხი გაიცა, რაც წინა თვესთან შედარებით 0.79%-ით ნაკლებია.
ამასთანავე, აგვისტოს განმავლობაში 0.55%-ით, ანუ 139.22 მილიონი ლარით გაიზარდა რეზიდენტი შინამეურნეობების სექტორის დაკრედიტების მოცულობა და აღნიშნული თვის ბოლოსათვის 25.53 მილიარდი ლარი შეადგინა.
