2023 წლის III კვარტალში საქართველოში განხორციელებული პირდაპირი უცხოური ინვესტიციების მოცულობამ 316 მლნ აშშ დოლარი შეადგინა, რაც წინა წლის შესაბამის პერიოდთან შედარებით 61.5%-ით ნაკლებია.
საქართველოს სტატისტიკის ეროვნული სამსახურის თანახმად, შემცირების გამომწვევი უმთავრესი მიზეზი სავალო ვალდებულებების და რეინვესტიციის მოცულობის შემცირებაა. ამავე პერიოდში, წინა წლის შესაბამის პერიოდთან შედარებით, სააქციო კაპიტალი 2.5-ჯერ გაიზარდა და 590.3 მლნ აშშ დოლარი შეადგინა, ხოლო რეინვესტიციის მოცულობა 30%-ით შემცირდა და 329.2 მლნ აშშ დოლარს გაუტოლდა.
უმსხვილეს ინვესტორ ქვეყნებს შორის პირველ ადგილზეა აშშ 51.8 მლნ აშშ დოლარით, რაც მთლიანი პირდაპირი უცხოური ინვესტიციების 16.4% შეადგენს, მეორე ადგილზე გაერთიანებული სამეფოა 45.8 მლნ აშშ დოლარით (14.5%), ხოლო მესამეზე ნიდერლანდები – 45.3 მლნ აშშ დოლარით (14.3%).
მესამე კვარტალში უმსხვილესი ინვესტორი ქვეყნების ათეულია ამგვარია:
- აშშ – 51.8 მლნ აშშ დოლარი;
- გაერთიანებული სამეფო – 45.8 მლნ აშშ დოლარი;
- ნიდერლანდები – 45.3 მლნ აშშ დოლარი;
- თურქეთი – 23.3 მლნ აშშ დოლარი;
- ჩინეთი – 19.3 მლნ აშშ დოლარი;
- ესპანეთი – 16.5 მლნ აშშ დოლარი;
- აზერბაიჯანი – 16.4 მლნ აშშ დოლარი;
- ყაზახეთი – 15.5 მლნ აშშ დოლარი;
- დანია – 13.9 მლნ აშშ დოლარი;
- მალტა – 13.7 მლნ აშშ დოლარი.
აღსანიშნავია, რომ ამ პერიოდში ყველაზე მეტი პირდაპირი უცხოური ინვესტიცია საფინანსო და სადაზღვევო საქმიანობების სექტორში განხორციელდა და 80.2 მლნ აშშ დოლარი შეადგინა, რაც მთლიანი პირდაპირი უცხოური ინვესტიციების 25.4%-ია. მეორე ადგილს იკავებს ტრანსპორტის სექტორი 61.9 მლნ აშშ დოლარით (19.6%), ხოლო მესამეზე იმყოფება ინფორმაციის და კომუნიკაციის სექტორი 41 მლნ აშშ დოლარით (13%). ხუთი უმსხვილესი ეკონომიკის სექტორის წილი ინვესტიციების მთლიანი მოცულობის 77.3% შეადგენს.
