Aimbridge Hospitality, მსოფლიოში წამყვანი გლობალური სტუმარმასპინძლობის მენეჯმენტის კომპანია, Wyndham Grand Batumi Gonio-ს ოპერატორად დაინიშნა. ესაა ხუთვარსკვლავიანი საკურორტო კომპლექსი, რომელიც საქართველოში პირველი ძვირად ღირებული all-inclusive-გამოცდილების დანერგვის მიზნით შეიქმნა.
საქართველოში Aimbridge-ის ახალი ოფისის გახსნის პარალელურად, ხელშეკრულება 4 ივლისს გაფორმდა პროექტის დეველოპერ ქართულ სამშენებლო ჰოლდინგ European Village-თან.
Aimbridge Hospitality მსოფლიოში ყველაზე დიდი დამოუკიდებელი სასტუმრო ოპერატორია, რომლის პორტფელიც მოიცავს 1500-ზე მეტ სასტუმროს 20-ზე მეტ ქვეყანაში.
Wyndham Grand Batumi Gonio-ს კომპლექსში ოთხი განსხვავებული სასტუმრო განთავსდება: 20-სართულიანი სასტუმრო Aqua, Family Club-ის რეზიდენციები, სასტუმრო თაუნჰაუსები და Riviera and Villas-ს ობიექტები, შემდგომი გაფართოების გეგმებით.
სასტუმროები 2025 წელს გაიხსნება. Wyndham Grand Batumi Gonio წარმოადგენს მნიშვნელოვან ეტაპს ლუქს-სეგმენტში, საქართველოში პირველი all inclusive-კურორტის სახით. ლუქს-სეგმენტი ქვეყანაში დღეს წარმოდგენილია მხოლოდ ერთი სასტუმროთი თბილისში, ქალაქის სასტუმროს ფორმატით.
ქალაქის სასტუმროები ზოგადად უზრუნველყოფილია შედარებით შეზღუდული ინფრასტრუქტურით ხანმოკლე ვიზიტებისთვის.. ამის საპირისპიროდ, კურორტის ყოვლისმომცველი მოდელი მოიცავს დასასვენებელ და გამაჯანსაღებელ ობიექტებს, მათ შორის კვების მრავალფეროვან ვარიანტებს, ფართო აუზებს, საბავშვო კლუბებს და სხვა.
კურორტის ეს ფორმატი ხელს უწყობს უფრო ხანგრძლივ ვიზიტებს, რაც სტუმრებს საშუალებას აძლევს, სრულად დატკბნენ მრავალფეროვანი კეთილმოწყობითა და გართობის შესაძლებლობებით.
Wyndham Grand Batumi Gonio-ს მსგავსი დეველოპმენტების გაჩენა საქართველოს ტურისტულ ლანდშაფტს ცვლის. მაღალი ღირებულების კლიენტების მოზიდვით, რომლებიც ეძებენ როგორც ავთენტურ ქართულ გამოცდილებას, ასევე მსოფლიო დონის კეთილმოწყობას, ეს პროექტი ქმნის ახალ სტანდარტს რეგიონში სტუმარმასპინძლობის ძვირ სეგმენტში. მაღალი დონის ტურიზმში ამ გადასვლას განსაკუთრებით იმ მოგზაურთა შორის, რომელთა წლიური შემოსავალი $500,000-ს აღემატება, აქვს პოტენციალი, მნიშვნელოვნად გააუმჯობესოს საქართველოს, როგორც ტურისტული პრემიუმ-მიმართულების პოზიციები. ასეთი ამბიციური მიზნები საუკეთესოდ რეალიზდება Wyndham Hotels & Resorts-ისა და Aimbridge Hospitality-ს მსგავს, სტუმარმასპინძლობის სფეროს გლობალურ ლიდერებთან თანამშრომლობით, რომლებიც ცნობილი არიან სტუმრებისთვის განსაკუთრებული გამოცდილების მიწოდებით.
დევიდ ანდერსონი, ეიმბრიჯის EMEA-ის პრეზიდენტი:
„მოხარულები ვართ, რომ ოფიციალურად ვმართავთ ამ – პროექტს ბათუმში. Wyndham Grand Batumi Gonio-ს კომპლექსი მოიცავს ოთხ განსხვავებულ სასტუმროს, ერთმანეთისგან დაახლოებით 900 მეტრის დაშორებით განთავსებულს.. ჩვენ ვხედავთ უზარმაზარ პოტენციალს საქართველოს შედარებით აუთვისებელ ტურიზმის ბაზარზე, მისი თვალწარმტაცი პეიზაჟებითა და სტუმარმასპინძლობის მდიდარი ტრადიციით. ჩვენ დიდი სურვილი გვაქვს, წარმატებით შევასრულოთ ეს პროექტი და გავაფართოოთ ჩვენი ადგილობრივი გუნდი ახალ ოფისში”.
მსოფლიოში ყველაზე დიდი სასტუმროების ქსელის, ცნობილი Wyndham Hotels & Resorts-ის ფარგლებში არსებული ეს საკურორტო კომპლექსი პრესტიჟული Wyndham Grand-ბრენდის ქვეშ ვითარდება. ეს ექსკლუზიური კოლექცია წარმოადგენს Wyndham-ის პორტფელის მწვერვალს, Wyndham Grand-ის მხოლოდ 78 ობიექტით, მსოფლიო მასშტაბით მის შთამბეჭდავ 9,300 სასტუმროს შორის.
სერგეი ეგოროვი, ცენტრალური აზიის, დსთ-სა და ისრაელის, Wyndham Hotels & Resorts-ის განვითარების დირექტორი:
„ჩვენი ფლაგმანი Wyndham Grand-ბრენდი უნიკალურია ამ რეგიონში, და ექსკლუზიურადაა წარმოდგენილი საქართველოში. ჩვენ ვხედავთ ზრდის მნიშვნელოვან პოტენციალს საქართველოს სტუმარმასპინძლობის ინდუსტრიაში. ჩვენი კომპანია ამ ბაზარზე ათწლეულის განმავლობაში მუშაობს და ქვეყანა კვლავ აჭარბებს ჩვენს მოლოდინს. Wyndham Grand Residences Batumi Gonio ახალი ამაღელვებელი ეტაპია ჩვენს თანამშრომლობაში საქართველოს წამყვან დეველოპერებთან”.
Wyndham Grand Batumi Gonio-ს კომპლექსის ინფრასტრუქტურა 90 ობიექტისგან შედგება: 12 რესტორანი და ბარი, რომლებიც გთავაზობთ მრავალფეროვან სამზარეულოსა და პანორამული ლაუნჯის ზონებს, აკვაზონას, საოჯახო და საბავშვო, ასევე სპორტულ და გამაჯანსაღებელ დასასვენებელ ობიექტებს, კერძო კლინიკას, სამ სპას, ბიზნესსივრცესა და მრავალ სხვას.
არჩილ ფარტენაძე, European Village Holding-ის გენერალური დირექტორი:
„საქართველოს ძვირად ღირებული სტუმარმასპინძლობის სექტორი ჯერ კიდევ ახალ ეტაპებზეა all inclusive-შეთავაზებებში, მიუხედავად ძლიერი მოთხოვნისა, არსებობს მკვეთრად გამოხატული სიცარიელე. ვამაყობთ, რომ წარმოვადგენთ ქვეყანაში ამ ტიპის პირველ საკურორტო კომპლექსს. სასტუმროს დამოუკიდებელი მენეჯმენტის გლობალურ ლიდერთან, Aimbridge-თან თანამშრომლობა დიდი პატივია European Village-ისთვის. ეს თანამშრომლობა, პრესტიჟულ Wyndham Grand-ის ბრენდთან ერთად, საქართველოს აძლევს უბადლო შესაძლებლობას, აამაღლოს თავისი სტუმარმასპინძლობის შეთავაზებები მსოფლიო დონის სტანდარტებამდე. ესაა მნიშვნელოვანი წინ გადადგმული ნაბიჯი ქვეყნის, როგორც ძვირად ღირებული ტურიზმის მთავარ მიმართულებად ჩამოყალიბებაში. მოხარული ვართ Aimbridge-ის საპატიო ოჯახთან შეერთებით”.
საერთაშორისო სტუმარმასპინძლობის გიგანტები მზად არიან დააარსონ საქართველოში პირველი ძვირად ღირებული all inclusive-კურორტები, გამოიყვანონ ქვეყანა გლობალური სტუმარმასპინძლობის ინდუსტრიის წინა პლანზე და ის ფუნდამენტურად ახალ დონეზე წარადგინონ.
S
