Visual Capitalist-მა, Morning Consult-ის მონაცემებზე დაყრდნობით, მსოფლიო ლიდერების მოწონების რეიტინგი შეადგინა. ის 2025 წლის ივლისის მდგომარეობას ასახავს და 24 ქვეყანაში საზოგადოებრივი აზრის გამოკითხვის შედეგებს აჩვენებს. მსგავსი ინფორმაცია და ლიდერების მიმართ საზოგადოებრივი აზრი ხშირად ქვეყნის პოლიტიკური მდგომარეობის შესახებ მნიშვნელოვან ცნობებს იძლევა.
ანგარიშის მიხედვით, 24 ქვეყნიდან ყველაზე დიდი მხარდაჭერით ინდოეთის პრემიერ-მინისტრი ნარენდრა მოდი სარგებლობს. მას მოსახლეობის 75% უჭერს მხარს. შეგახსენებთ, რომ ნარენდრა მოდი პრემიერ-მინისტრად შარშან კიდევ ერთი ვადით აირჩიეს. მის საქმიანობას უარყოფით შეფასებას მხოლოდ გამოკითხულთა 18% აძლევს.
ანგარიშის თანახმად, ყველაზე დაბალი რეიტინგი ჩეხეთის პრემიერ-მინისტრ პეტრ ფიალას აქვს. მისი მოწონების მაჩვენებელი მხოლოდ 18%-ია, უკმაყოფილების მაჩვენებელი კი 74%. ასეთივე დაბალი მხარდაჭერა აქვს საფრანგეთის პრეზიდენტ ემანუელ მაკრონსაც (18%).
აშშ-ის პრეზიდენტის დონალდ ტრამპის მოწონების რეიტინგი 44%-ია. ტრამპის მეორე ვადით არჩევის შემდეგ, მისი მხარდაჭერის რეიტინგი პერიოდულად დიდ ცვლილებებს განიცდის, რაც ხშირად პრეზიდენტის მიერ მიღებულ გადაწყვეტილებებზეა დამოკიდებული.
| ლიდერი | ქვეყანა | მოწონება, % | ნეიტრალური, % | უარყოფითი, % |
| ნარენდრა მოდი | ინდოეთი | 75 | 7 | 18 |
| ლი ჯე მიონი | სამხრეთი კორეა | 59 | 13 | 29 |
| ხავიერ მილეი | არგენტინა | 57 | 6 | 37 |
| მარკ კარნი | კანადა | 56 | 13 | 31 |
| ენტონი ალბანესი | ავსტრალია | 54 | 11 | 35 |
| კლაუდია შაინბაუმი | მექსიკა | 53 | 7 | 40 |
| კარინ კელიე-სუტერი | შვეიცარია | 48 | 24 | 28 |
| დონალდ ტრამპი | აშშ | 44 | 6 | 50 |
| დონალდ ტუსკი | პოლონეთი | 41 | 11 | 49 |
| ჯორჯა მელონი | იტალია | 40 | 6 | 54 |
| კირილ რამაფოზა | სამხრეთი აფრიკა | 37 | 10 | 53 |
| ბარტ დე ვევერი | ბელგია | 36 | 14 | 50 |
| ფრიდრიხ მერცი | გერმანია | 34 | 8 | 58 |
| ქრისტიან სტოკერი | ავსტრია | 34 | 12 | 52 |
| იონას გარ სტორი | ნორვეგია | 33 | 6 | 60 |
| რეჯეფ თაიფ ერდოღანი | თურქეთი | 33 | 17 | 50 |
| ულფ კრისტერსონი | შვედეთი | 33 | 9 | 58 |
| ლუის ინასიო ლულა | ბრაზილია | 32 | 7 | 60 |
| დიქ შუფი | ნიდერლანდები | 32 | 18 | 50 |
| პედრო სანჩესი | ესპანეთი | 30 | 6 | 63 |
| კირ სტარმერი | დიდი ბრიტანეთი | 26 | 10 | 65 |
| შიგერუ იშიბა | იაპონია | 20 | 15 | 66 |
| ემანუელ მაკრონი | საფრანგეთი | 18 | 8 | 74 |
| პეტრ ფიალა | ჩეხეთის რესპუბლიკა | 18 | 8 | 74 |
