საქართველოს ფინანსთა სამინისტრომ პარლამენტში 2017 წლის სახელმწიფო ბიუჯეტში შესატანი ცვლილებები წარადგინა, რომლის მიხედვით ირკვევა, რომ 2017 წელს საქართველოს მთავრობა 4.5%-იან ეკონომიკურ ზრდას პროგნოზირებს. აქამდე, 2017 წლის ეკონომიკური ზრდის პროგნოზი 4% იყო.
მთავრობის პროგნოზით, 2018 წელსაც საქართველოს ეკონომიკა 4.5%-ით გაიზრდება, 2019 წელს – 5%-ით, ხოლო 2020 წელს 5.5%-ით. ინფლაცია 2017 წელს 5.5% იქნება, ხოლო 2018 წელს 3%.
2017 წელს საქართველოს ეკონომიკა 37.5 მილიარდ ლარს, ხოლო 2018 წელს 40.6 მილიარდ ლარს მიაღწევს.
