მსოფლიო ჩემპიონატში მონაწილე ყველაზე მდიდარი და ღარიბი ქვეყნები

რუსეთში მიმდინარე ფეხბურთის მსოფლიო ჩემპიონატში 32 გუნდი იღებს მონაწილეობას. აღმოჩნდა, რომ მსოფლიო შემპიონატის ფინალურ ეტაპზე წარმატება ქვეყნის სიმდიდრესთან ნაკლებ კავშირშია, რადგან ამ მხრივ მეორე ადგილზე მყოფი საუდის არაბეთის ნაკრები უკვე გამოეთიშა ჩემპიონატს. საუდის არაბეთში ერთ მოსახლეზე საშუალო წლიური შემოსავალი 54 777 PPP დოლარია (PPP დოლარი ნიშნავს ქვეყნებს შორის მსყიდველობითი უნარით გათანაბრებულ აშშ დოლარს). ასევე გამოეთიშა მესამე ადგილზე მყოფი ისლანდია, სადაც ერთ ადამიანს წელიწადში საშუალოდ 51 842 PPP დოლარის შემოსავალი აქვს.

მონაწილე ქვეყნებიდან პირველ ადგილზე შვეიცარიაა, სადაც საშუალო წლიური შემოსავალი 61 422 PPP დოლარია.

ტურნირის ერთ-ერთი ფავორიტი – ბრაზილიის ნაკრები 24-ე ადგილზეა. ბრაზილიაში საშუალო წლიური შემოსავალი 15 603 PPP დოლარია.

ჩემპიონატში მონაწილე ქვეყნებიდან ყველაზე ღარიბი აფრიკის კონტინენტის წამომადგენელი 5 ქვეყანაა. მათ შორის კი ყველაზე ღარიბი სენეგალია 2 727 PPP დოლარით. სენეგალი საქართველოზე შედარებით დაახლოებით 4-ჯერ ღარიბია. საქართველოზე ღარიბია მაროკო და ნიგერიაც.

ცხრილი: ერთ მოსახლეზე საშუალო წლიური შემოსავალი მსოფლიო ჩემპიონატში მონაწილე ქვეყნებში

	ქვეყანა	PPP დოლარი
1	შვეიცარია	61,422
2	საუდის არაბეთი	54,777
3	ისლანდია	51,842
4	შვედეთი	51,475
5	გერმანია	50,425
6	ავსტრალია	50,334
7	დანია	49,883
8	ბელგია	46,553
9	ინგლისი	44,118
10	საფრანგეთი	43,761
11	იაპონია	42,832
12	სამხრეთ კორეა	39,434
13	ესპანეთი	38,286
14	პორტუგალია	30,417
15	პოლონეთი	29,521
16	რუსეთი	27,834
17	პანამა	25,351
18	ხორვატია	24,424
19	ურუგვაი	22,371
20	არგენტინა	20,876
21	ირანი	20,200
22	მექსიკა	19,903
23	კოსტა რიკა	16,877
24	ბრაზილია	15,603
25	სერბეთი	15,000
26	კოლუმბია	14,485
27	პერუ	13,334
28	ეგვიპტე	12,671
29	ტუნისი	11,755
30	მაროკო	8,567
31	ნიგერია	5,929
32	სენეგალი	2,727