სახელგანთქმულმა კონიაკის სახლმა RARE CASK-ის ახალი ვერსია თბილისის სახელმწიფო სამხატვრო აკადემიაში გამართულ ექსკლუზიურ გალა-ვახშამზე წარადგინა.
ღონისძიებას უცხოელი სტუმრები, მედიის წარმომადგენლები და LOUIS XIII-ის კონიაკის მოყვარულები ესწრებოდნენ. დაუვიწყარ საზეიმო ცერემონიას ლაიტმოტივად გასდევდა თემა „გაუფრთხილდით საოცრებებს“.
ბოლო ათწლეულის განმავლობაში გამოშვებული პირველი სპეციალური გამოცემა LOUIS XIII-ს მაქსიმალურ გამოხატულებას წარმოადგენს. მიმდინარე წელს დოჟების სასახლეში (ვენეცია), უესტმინსტერის სააბატოსა (ლონდონი) და მსოფლიოს სხვა გამორჩეულ ადგილებში გამართული შთამბეჭდავი ღონისძიებების შემდეგ 18 ნოემბერს თბილისშიც გაიმართა ახალი ლიმიტირებული სერიის წარდგენა.
დროისა და ბუნების ნამდვილი სასწაული – LOUIS XIII RARE CASK 42.1 ხელმისაწვდომია შეზღუდული რაოდენობით – ერთადერთი კასრიდან ჩამოსხმული სულ 775 ბოთლში, რომელიც სპეციალურად დაამზადა კომპანია Baccarat-მ შავი ბროლისგან. თითოეული კასრი მზადდება ფრანგული მუხისგან, რომელსაც 100 წელი სჭირდება სოლიდურ ასაკამდე მისაღწევად. როგორც ამბობენ, ასეთ ხეს საკუთარი სული აქვს და ჩურჩულით გადასცემს მას eaux-de-vie-ს, ე. წ. „სიცოცხლის წყალს“.
LOUIS XIII RARE CASK – ეს არის კუპაჟი, მიღებული Cognac Grande Champagne-ის ტერიტორიაზე, საიდანაც იბადება LOUIS XIII.
ექსკლუზიური, შეზღუდული გამოცემა RARE CASK შეარჩია ბატისტ ლუაზომ – მარნების ოსტატმა მეხუთე თაობაში, რომელმაც აღმოაჩინა ერთადერთი კასრი განსაკუთრებულად არომატული პროფილით LOUIS XIII-ის საგვარეულო Domaine du Grollet-ის მარანში.
RARE CASK-ის აღმოჩენა უნიკალური მომენტია LOUIS XIII-ის მარნების ოსტატის ცხოვრებაში, რადგან ასეთი სპონტანური, იშვიათი მოვლენა შესაძლოა მხოლოდ ერთხელ დადგეს სიცოცხლის განმავლობაში.
ბატისტ ლუაზოს შთააგონებს ყველაფერი შეუცნობელი და უცხო. ის წარმატებით იყენებს შესაძლებლობებს, რომელთა მოცემაც მხოლოდ დროს შეუძლია და ოსტატურად ქმნის მომავლის საოცრებებს.
„მართალია, RARE CASK-ის უნიკალურობა ბუნების ბოძებულ სასწაულზეა დაფუძნებული, მისი შექმნისთვის აუცილებელი ნოუ-ჰაუ გაჩნდა ამ ხელოვნების თაობიდან თაობაზე გადაცემის შედეგად, რა დროსაც თითოეული ოსტატი თავისი წინამორბედების ხელწერას ინარჩუნებდა. Rare Cask 42.1 რომ აღმომეჩინა, ამისათვის მივყვებოდი ჩემს ინსტინქტებს, ემოციებს მეცნიერებაზე მაღლა ვაყენებდი, ჩემს მოგონებებს ვუხმობდი“, – ამბობს ბატისტ ლუაზო.
თითოეული ბოთლის ფორმირება – ესაა ხელოვნებისა და ნოუ-ჰაუს შერწყმის შთამბეჭდავი დემონსტრაცია, რომელსაც საფრანგეთის საუკეთესო ბროლის სახლების ოცი ოსტატი ქმნის. ძვირფასი ქვის მსგავსი იდეალური შავი ფერის მისაღწევად საჭიროა წარმოუდგენელი ტალანტი და უკიდურესი სიფრთხილე. ბოლოს ბოთლს უმაგრდება ოქროთი და როდიუმით გაწყობილი ყელი, რგოლი კი დამშვენებულია ოთხყურა ორნამენტების ნატიფი გრავიურით, რომელიც Fleur-de-lis-ს – ფრანგულ ჰერალდიკურ შროშანს მოგაგონებთ.
RARE CASK 42.1 რიტუალური ნაკრების სახით წარმოდგენილი პირველი ვერსიაა. შავი ბროლის ბოთლს თან ახლავს შავი ბროლის ბოკალები და პორციების ამოსაღები პიპეტი შავი მედალიონით.
მსოფლიოში სახელგანთქმულმა კონიაკის სახლმა საქართველო LOUIS XIII RARE CASK-ის საზეიმო პრეზენტაციისთვის შეარჩია ჩვენი მრავალსაუკუნოვანი უნიკალური მემკვიდრეობის, ტრადიციებისა და ესთეტიკური სილამაზის გამო. რადგან ჩვენი ქვეყანა დღემდე რჩება შთაგონების წყაროდ მთელი მსოფლიოს შემოქმედებითად მოაზროვნე ადამიანებისათვის.
RARE CASK 42.1-ით LOUIS XIII შეგვახსენებს, თუ რამდენად მნიშვნელოვანია ზრუნვა საოცრებებზე – დროსა და ბუნებაზე, ხელოვნებისა და ნოუ-ჰაუს მიჯნაზე, რათა სამყარომ მომავალშიც შეძლოს მათით ტკბობა.
ექსკლუზიური დეგუსტაციების საშუალებით RARE CASK-ის აღმოჩენა შესაძლებელია მსოფლიოს რამდენიმე ქალაქში, მათ შორის პარიზში, ციურიხში, დუბაიში, ბევერლი-ჰილზში, ნიუ-იორკში, მაიამიში, ლას-ვეგასში, კუალა-ლუმპურში.
თუ გსურთ გამოცადოთ RARE CASK 42.1 და შეიგრძნოთ მისი საოცრებები, ეწვიეთ ბმულს.
LOUIS XIII ლიმიტირებული გამოცემის პრეზენტაცია და საზეიმო საღამო საქართველოში, კომპანია GD Holding-ის დაკვეთით, ვიზუალურად გააფორმა და სრული ორგანიზება გაუწია „ანი პირველი ივენთსმა“.
პრემიალური ფრანგული ბრენდის ღონისძიების პიარ მხარდაჭერა და კონტენტის მომზადება უზრუნველყო სააგენტომ „სიმეტრა დიჯითალ“.
LOUIS XIII-ის შესახებ
1874 წლიდან მოყოლებული, კონიაკი LOUIS XIII მუდმივად ხელახლა იბადება თაობიდან თაობაზე გადაცემული და ოსტატურად კუპაჟირებული Cognac Grande Champagne-ის ძვირფასი საკონიაკე eaux-de-vie-სგან. დრო – არის ის, მთავარი მასალა, რომლისგანაც იქმნება ეს უიშვიათესი სული, თავისი მდგრადი არსით.
მარნის ოსტატის ბატისტ ლუაზოს ხელმძღვანელობით, LOUIS XIII წარმოადგენს ბუნებასა და ე.წ. ტერუარს შორის მჭიდრო კავშირის სიმბოლოს, დროის ანაბეჭდით კიდევ უფრო გაძლიერებულს. თითოეული წვეთი ცოცხალი მემკვიდრეობაა, თითოეული ბოთლი – დღესასწაულია შორსმჭვრეტელი გონებისა და ადამიანის ხელებისა, რომლებიც ქმნიან მომავალს, დღესვე ტოვებენ კვალს ხვალინდელ დღეში.
იფიქრეთ ასი წლით წინ.
S
