ბალტიის ქვეყნებმა ქართველ მაღალჩინოსნებს სამოგზაურო შეზღუდვები დაუწესეს. მათ შორის ლიეტუვამ – 74, ლატვიამ – 16, ესტონეთმა კი 55 ქართველი დაასანქცირა.
„ლიეტუვამ 74 ქართველი მაღალჩინოსანი დაამატა პირთა სიაში, რომლებსაც ადამიანის უფლებების მძიმე დარღვევისა და საქართველოში რეპრესიებისთვის ქვეყანაში შესვლა აეკრძალათ.
ჩვენ მხარს ვუჭერთ ქართველი ხალხის დემოკრატიისა და ევროპული მომავლისკენ სწრაფვას“, – დაწერა X-ზე ლიეტუვის საგარეო საქმეთა მინისტრმა, კესტუტის ბუდრისმა.
სანქცირებულთა სიის გაფართოებასთან დაკავშირებით X-ზე განცხადება ლატვიის საგარეო საქმეთა მინისტრმა, ბაიბა ბრაჟემაც გამოაქვეყნა:
ლატვიის პერსონა ნონ გრატას სიაში მე საქართველოს 16 მოქალაქე დავამატე, მათ ლატვიაში შემოსვლა განუსაზღვრელი ვადით აეკრძალებათ“.
ესტონეთის საგარეო საქმეთა მინისტრმა, მარგუს ცაჰკნამ კი X-ზე დაწერა, რომ ქვეყანაში შესვლა 55 ქართველს, მათ შორის პროკურორებს, მოსამართლეებს, პოლიციელებსა და სხვებს აეკრძალათ:
„მე ხელი მოვაწერე ბრძანებას, რომლითაც ესტონეთი 55 ქართველ პროკურორს, მოსამართლეს, პოლიციელს, დეპუტატსა და სხვებს ქვეყანაში შესვლას აუკრძალავს.
ესტონეთი თანმიმდევრულად უჩვენებს ქართველ ხალხს, რომ მხარს ვუჭერთ მათ ძალისხმევას დემოკრატიული საქართველოს აღდგენისთვის“.
სანქცირებულთა სიაში მოხვდნენ:
მოსამართლეები – ირაკლი ხუსკივაძე, თამარ მჭედლიშვილი, ლელა მარიდაშვილი, ლევან ყოლბაია, დავით მგელიაშვილი, ნანა შამათავა, თეონა ეპიტაშვილი, არსენ კალატოზიშვილი, ლელა კალიჩენკო, დავით კურტანიძე, ირმა ტოგონიძე, გულიკო კეჟაშვილი, გიორგი გელაშვილი, ნათია გუდაძე, ნატო ხუჯაძე, ზვიად შარაძე, ირაკლი დგებურაძე, ეკა ბარბაქაძე;
პროკურორები – ვაჟა თოდუა, შმაგი გობეჯიშვილი, ზვიად გუბელაძე, ანა მეტრეველი, გიორგი მუკბანიანი, როინ ხინთიბიძე, თამარ იაკობიძე, ვლადიმერ თურმანიძე, ნუგზარ ჩიტაძე, თორნიკე გოგეშვილი, პაატა ცეცხლაძე, ზაზა მეტონიძე, ნინო სახელაშვილი, მალხაზ ოქროპირიძე, ვერა დოლიძე;
პოლიციის თანამშრომლები – გიორგი ჩარექაშვილი, თორნიკე მენაბდე, სულხან კიკნაძე, რევაზ წურწუმია, ზვიად მარგველანი, ზურაბ ჭარიბაშვილი, დავით მარუაშვილი, ოთარ გელაშვილი, ნოდარ ზენაიშვილი, ბერდია ფერაძე;
აჭარის რეგიონის პოლიციის უფროსი – გრიგოლ ბესელია, დავით ათაბეგაშვილი;
ბათუმის რეგიონის პოლიციის უფროსი – გოჩა ვანაძე;
პარლამენტის წევრები – ლაშა ტალახაძე, ირაკლი ზარქუა, ვიქტორ სანიკიძე, გელა სამხარაული, ბექა ოდიშარია;
Alt-Info-სთან ასოცირებული პირები – კონსტანტინე მორგოშია, ზურაბ მახარაძე.
