ლიბერთი ბიზნეს და აგრო მომხმარებლებისთვის საგაზაფხულო აქციას აგრძელებს. აღნიშნული აქციის ფარგლებში, როგორც არსებულ, ასევე ახალ მომხმარებლებს, ახალ ან სხვა ბანკიდან გადმოტანილ ბიზნეს და აგრო სესხებზე სესხის თანხაზე 2%-მდე ქეშბექით სარგებლობა შეეძლებათ.
ლიბერთის ბიზნეს და აგრო სესხების პირობები ითვალისწინებს აგრო, ინდუსტრიული თუ საოჯახო ბიზნესის საჭიროებას და სეზონურ ციკლს. გადახდის გრაფიკი ყოველთვის მორგებულია კონკრეტულ ბიზნესზე და მომხმარებელს აძლევს მაქსიმალურად ხანგრძლივი საშეღავათო პერიოდით სარგებლობის საშუალებას. აღსანიშნავია, რომ ბიზნეს და აგრო სესხების აღება შესაძლებელია როგორც ბიზნესის გაზრდისა და მეურნეობის განვითარებისთვის, ასევე პირადი მიზნებისთვისაც — 50 000 ლარამდე უზრუნველყოფის გარეშე.
„ლიბერთისთვის მნიშვნელოვანია მცირე და საოჯახო მეურნეობების მხარდაჭერა, რისთვისაც დეტალურად ვსწავლობთ მომხმარებელთა საჭიროებებს და სწორედ ამ საჭიროებებზე მორგებული პროდუქტებისა და შეთავაზებების შექმნას ვცდილობთ. მარტის თვიდან მომხმარებელს შევთავაზეთ აქცია ბიზნეს და აგრო პროდუქტებზე, რომელიც მომხმარებლების აქტივობის და გასული წლის გამოცდილების მიხედვით, აპრილის ბოლომდე გრძელდება. აღნიშნული შეთავაზებით ნებისმიერ მომხმარებელს აქვს ფინანსების ეფექტურად განკარგვის შესაძლებლობა, რაც საკუთარი ბიზნესის გაზრდაში დაეხმარება. ვფიქრობთ, ახალი შეთავაზებით ხელს შევუწყობთ ამ პროცესს, მომხმარებელი კი ქეშბექის სახით მაქსიმალურ სარგებელსაც მიიღებს“, — ვაჟა მენაბდე, ლიბერთის მცირე და საშუალო ბიზნესის მიმართულების დირექტორი. S
