2017 წლის პირველ კვარტალში საქართველოს ეკონომიკა 5%-ით გაიზარდა. რაც 2014 წლის მესამე კვარტლის შემდეგ ყველაზე მაღალი მაჩვენებელია.
ISET ეკონომიკური ზრდის დაჩქარებულ ტემპს რეგიონში გაუმჯობესებულ ეკონომიკურ მდგომარეობას უკავშირებს. თუმცა აპრილში ეკონომიკური ზრდა 2,1%-მდე შემცირდა. მიუხედავად ამისა, ISET-ს მეორე და მესამე კვარტალთან დაკავშირებით, დადებითი მოლოდინი აქვს და წლის მეორე კვარტალში მშპ-ს 5,8%-იან, ხოლო მესამე კვარტალში კი 6,9%-იან ზრდას ელოდება.
წლიურად კი ISET საქართველოში „ცუდი სცენარის“ მიხედვით, 6,2%-იან, ხოლო საუკეთესო შემთხვევაში 6,6%-იან ეკონომიკურ ზრდას ელოდება, საშუალოდ კი ISET-ის ეკონომიკური ზრდის პროგნოზი 6,3%-ია.
აღსანიშნავია, რომ მიმდინარე წლისთვის საერთაშორისო საფინანსო ინსტიტუტები საქართველოში 3,5-3,8%-იან ეკონომიკურ ზრდას პროგნოზირებენ და მათმა ნაწილმა (ADB, IMF და WB) მიმდინარე წლისთვის საქართველოს ეკონომიკური ზრდის პროგნოზი შეამცირა. მთავრობა 2017 წელს ქვეყანაში 4%-იან ეკონომიკურ ზრდას ელოდება.
