იმედი L-ის დაზღვეულებისთვის სიახლეა. პირველად სადაზღვევო ინდუსტრიაში, იმედი L-მა შექმნა ინოვაციური პროდუქტი – AI-ასისტენტი, რომელიც დაზღვეულებს შესაძლებლობას მისცემს, მარტივად და კომფორტულად მიიღონ მათთვის საჭირო, დაზღვევასთან დაკავშირებული მომსახურება.
ამ ეტაპზე ხელმისაწვდომია AI-ასისტენტის სატესტო ვერსია, რომელიც უკვე საშუალებას აძლევს დაზღვეულებს 24-საათის განმავლობაში, დისტანციურად, სწრაფად და მარტივად მიიღონ მათთვის სასურველი მომსახურება, მოითხოვონ ნებისმიერი სახის მიმართვა, მათ შორის სპეციალისტთან კონსულტაციისთვის, ამბულატორიული და მედიკამენტების საჭიროებების მიხედვით.
ასევე, AI-ასისტენტი მომხმარებლებს აძლევს საშუალებას შეიძინონ სამოგზაურო დაზღვევა.
მომხმარებლის მოსმენა, შესწავლა და მათი საჭიროებების მაქსიმალურად გათვალისწინება იმედი L-ის მთავარი მიზანია. მნიშვნელოვანია, რომ მომხმარებელმა რაც შეიძლება ნაკლები ძალისხმევით და მარტივი ქმედებით შეძლოს კონკრეტულად იმ მომსახურების მიღება, რაც სჭირდება.
“AI-ტექნოლოგიის დანერგვა არსებითად ცვლის მომსახურების მიწოდების სტანდარტებს და ბაზარზე ახალ შესაძლებლობებს ქმნის. თანამედროვე ტექნოლოგიების გამოყენებით, დაზღვეულებისთვის უმაღლესი დონის მომსახურების მიწოდება მნიშვნელოვანი ნაბიჯია ციფრული ტრანსფორმაციის გზაზე და გვიხარია, რომ იმედი L-ი ფეხს უწყობს, ერთი მხრივ, ტექნოლოგიების გამოყენებით პროცესების ოპტიმიზაციას და, მეორე მხრივ, მომხმარებლისთვის ხელმისაწვდომობის გაზრდას და გამოცდილების გაუმჯობესებას.
იმედი L-ის პლატფორმებზე, სხვადასხვა მიზნით, ყოველდღიურად ათასობით მომხმარებელი მოგვმართავს. მათი საჭიროებები ერთმანეთისგან განსხვავდება, თუმცა, ყველასთვის მნიშვნელოვანია, რომ საჭირო ინფორმაცია თუ სერვისი უმოკლეს დროში მიიღონ.
მიზნის მისაღწევად გამოვიყენეთ უახლესი ტექნოლოგია და ხელოვნური ინტელექტი ჩვენი სერვისის ნაწილად ვაქციეთ.” – ნოდარ გელოვანი, იმედი L-ის გენერალური დირექტორი.
აღსანიშნავია, რომ AI-ასისტენტი ადაპტირებულია მომხმარებლის საჭიროებებზე და უზრუნველყოფს მარტივ და სასიამოვნო კომუნიკაციას. მაგალითად, თუ დაზღვეულს კონკრეტული ჩივილები გამოუვლინდა, მას შეუძლია პირდაპირ AI-ასისტენტს მისწეროს და რამდენიმე წამში მიიღებს შესაბამის სპეციალისტთან მიმართვას სასურველ კლინიკაში.
AI-ასისტენტის შექმნაზე ექიმომ იმუშავა.
„ჩვენი მიზანი იყო ისეთი სისტემა შეგვექმნა, რომელიც დაზღვეულს მაქსიმალურ კომფორტს შესთავაზებდა. იმედი L-ის AI-ასისტენტის განვითარება მუდმივ პროცესად რჩება – მომხმარებლის ქცევის ანალიზისა და მოთხოვნის საფუძველზე მოხდება ფუნქციონალის დახვეწა და ახალი სერვისების დამატება.“ – ამბობენ ექიმოს წარმომადგენლები.
AI-ასისტენტთან კომუნიკაცია, იმედი L-ის მომხმარებელს ვებგვერდიდან შეუძლია. მომავალში AI-ასისტენტი ხელმისაწვდომი გახდება იმედი L-ის მობილური აპლიკაციის მეშვეობითაც, რაც მომხმარებლებს მომსახურებაზე კიდევ უფრო სწრაფ და მოქნილ წვდომას მისცემს.
S
