გამოვიდა Forbes Georgia-ს 2024 წლის იანვრის ნომერი, რომლის გარეკანზეც იხილავთ:
სიცოცხლის შემქმნელთა გუნდი
აქ წარმატებას თავისი საზომი აქვს – ახალშობილთა რაოდენობა. ნინო მუსერიძის, გიორგი არჩვაძისა და გიორგი ჩაბაკაურის ხელმძღვანელობით, ქართულ-გერმანული რეპროდუქციული ცენტრი GGRC რეგიონულ გაფართოებას იწყებს.
პლასტიკური ქირურგია ახალი საოპერაციოდან
პლასტიკური ქირურგი, ბრენდად ქცეული სახელითა და გვარით, ალექსანდრე კალანტაროვი, პაციენტების ცხოვრების გალამაზებას საკუთარი კლინიკიდან განაგრძობს.
მოსაზრება და ფაქტები
საქართველო 2023 წლის რეიტინგებში | ავტორი: ბესო ნამჩავაძე
„იანვრის ნომერში „ფორბსი“ ტრადიციულად წარმოგიდგენთ, თუ როგორ შეიცვალა გასულ წელს საქართველოს პოზიცია 10 საერთაშორისო რეიტინგში. ესენია როგორც პირდაპირ ეკონომიკური შინაარსის მქონე რეიტინგები, ასევე კორუფციის, დემოკრატიისა და მედიის თავისუფლების დონის მაჩვენებელი რეიტინგები.“
საქართველო და რეგიონი: წმინდა უცხოური ინვესტიციები
განვითარებადი ქვეყნისთვის პირდაპირ უცხოურ ინვესტიციებს არაერთი განზომილება აქვს. ისინი არა მხოლოდ მოკლევადიან, არამედ გრძელვადიან პერიოდშიც ეკონომიკური ზრდისთვის კრიტიკული მნიშვნელობის მქონეა.
მსოფლიო 2024 წლის ამერიკის არჩევნების მოლოდინში | ავტორი: გიორგი ცხადაია
„2024 წლის 5 ნოემბერს აშშ-ის საპრეზიდენტო არჩევნები გაიმართება. ამ თარიღმა შესაძლოა ამერიკა და დანარჩენი მსოფლიო საფუძვლიანად შეცვალოს.“
წინ რთული წელია | ავტორი: აკა ზარქუა
„გიგანტურ ეკრანზე გამოტანილი ფრაზა „გამარჯვება ჩვენი იქნება” – ეს იყო ვლადიმირ პუტინის მთავარი გზავნილი მისი გენერლებისადმი 19 დეკემბერს გამართულ თავდაცვის გაფართოებულ კოლეგიაზე. და მართლაც, სრულმასშტაბიანი კამპანიის საწყისი ფაზის შემდეგ პირველად გაჩნდა განცდა, რომ რუსეთი თითქოს იმარჯვებს ომში უკრაინის წინააღმდეგ.“
DON’T CRY FOR PESO, ARGENTINA | ავტორი: გიორგი ბაქრაძე
„2023 წლის 10 დეკემბერს არგენტინის პრეზიდენტი ოფიციალურად გახდა ადამიანი, რომელიც, ზოგადად, ეწინააღმდეგება სახელმწიფოს არსებობას, თუმცა მისი პრეზიდენტობისას იქნება უბრალოდ მინარქისტი – მცირე მთავრობის მომხრე. ეს ადამიანია ხავიერ მილეი. თუმცა იმისთვის, რომ გავიაზროთ, თუ როგორ აირჩია ქვეყანამ ლიბერტარიანელი და ანარქო-კაპიტალისტი (წინასაარჩევნოდ მან სუპერგმირის – კაპიტან ანკაპის – კოსტიუმიც კი მოირგო), საჭიროა გადავხედოთ არგენტინის ეკონომიკის ისტორიას ბოლო ასი წლის მანძილზე..“
ნეტო-აღრიცხვა და მე-4 ენერგეტიკული პაკეტის მოთხოვნები | ავტორი: დავით ნარმანია
„მარეგულირებელი კომისიის ინტერესი და ერთ-ერთი ძირითადი პრიორიტეტია, ხელი შეეწყოს განახლებადი ენერგიების ათვისებასა და განვითარებას. ნეტო-აღრიცხვის პროგრამაში, რომელიც მომხმარებელს აძლევს საშუალებას, გახდეს ელექტროენერგიის მწარმოებელი და ამავდროულად იყოს თავისივე გამომუშავებული ენერგიის მომხმარებელი, დღეისთვის 1000-მდე მიკროსიმძლავრის ელექტროსადგურია ჩართული, რომელთა დადგმული ჯამური სიმძლავრე 60 მეგავატს აღემატება.“
გასული წელი და 2024 წლის გამოწვევები | ავტორი: ბესო ნამჩავაძე
„2023 წლის მსგავსად, 2024 წელიც ბუნდოვანი მომავლით იწყება, რადგან საქართველოს ეკონომიკური განვითარება მნიშვნელოვნად არის დამოკიდებული რუსეთ-უკრაინის ომზე და არავინ იცის, ომი წელს დასრულდება თუ არა, ან რა შედეგით დასრულდება. გაურკვევლობას ზრდის ოქტომბერში საქართველოში გასამართი საპარლამენტო არჩევნები, რადგან არჩევნების წელს ყოველთვის მეტი პოლიტიკური მღელვარება და დესტაბილიზაციის გაზრდილი რისკი ახლავს.“
ცენტრალიზაცია ბაზრის წინააღმდეგ | ავტორი: ეგნატე შამუგია
„საქართველოს მძიმე წარსული აქვს. სამოცდაათწლიანი ცენტრალიზებული მმართველობის სისტემა ქვეყანას დამოუკიდებლობის აღდგენის შემდეგაც მემკვიდრეობით გამოჰყვა. ამ მდგომარეობის რეალური ცვლილების ნება არცერთი პოლიტიკური ხელისუფლების პირობებში არ ყოფილა. პირიქით, ამ პერიოდში განხორციელებული ცვლილებების უმეტესობა ძალაუფლების მეტი ცენტრალიზაციისა და განმტკიცებისკენ იყო მიმართული. ასეთი რამ მოულოდნელი ნამდვილად არ არის, რადგან დეცენტრალიზაცია პოლიტიკური ძალაუფლების დათმობას ნიშნავს.“
Forbes-ის სამყარო
მთელ პლანეტაზე, ჩვენი 45 ლიცენზირებული გამოცემა ექვს კონტინენტს, 27 ენასა და 14 დროის სარტყელს მოიცავს. ყველა მათგანს ერთი მისია აქვს: ანტრეპრენიორული კაპიტალიზმის მხარდაჭერა მისი ყველა ფორმით.
ინტერვიუ და პროფილი
სიცოცხლის შემქმნელთა გუნდი | ავტორი: ნუნუკა ჭიღლაძე
აქ წარმატებას თავისი საზომი აქვს – მათ ხელში დაბადებულ ახალშობილთა რაოდენობა. ქართულ-გერმანული რეპროდუქციული ცენტრი GGRC თავისი არსებობის მეხუთე წელს სიახლეებით იწყებს: 2024 წლის იანვრიდან ერევანში ახალი კლინიკაც გაიხსნება. GGRC ARMENIA საერთაშორისო გაფართოების პირველი ნაბიჯია და ეს კლინიკური დირექტორის, ნინო მუსერიძის, გენერალური დირექტორის, გიორგი არჩვაძის, ფინანსური დირექტორის, გიორგი ჩაბაკაურისა და ჯიჯიარსიელთა მორიგი გამარჯვებაა.
პლასტიკური ქირურგია ახალი საოპერაციოდან | ავტორი: ნუნუკა ჭიღლაძე
ოცდაათწლიანი პროფესიული გამოცდილების მქონე პლასტიკური ქირურგი, ბრენდად ქცეული სახელითა და გვარით – ალექსანდრე კალანტაროვი – გაზაფხულიდან საკუთარი კლინიკის საოპერაციოდან განაგრძობს პაციენტების ცხოვრების სრულყოფასა და გალამაზებას.
ევროპული ღირებულებები, დასავლური სტანდარტი და სპორტის მხარდაჭერა | ავტორი: ანდრია დიდიშვილი
FLUTTER ENTERTAINMENT-ის ჯგუფის წევრი ქართული ბრენდის, aPeople-ის 2023 წლის საქმიანობასა და სამომავლო გეგმებს კომპანიის მარკეტინგის გუნდი აჯამებს.
საგანმანათლებლო ტრანსფორმაციის სათავეში | ავტორი: ანდრია დიდიშვილი
2001 წელს ნაქირავებ შენობაში სამი საბაკალავრო პროგრამით დაწყებული საგანმანათლებლო საქმიანობა, საქართველოს ეროვნული უნივერსიტეტი SEU-ს დამფუძნებელმა და რექტორმა, გია კავთელიშვილმა რეგიონის წამყვან კერძო საგანმანათლებლო ინსტიტუციად აქცია. SEU თანამედროვე კამპუსით, 41 000-ზე მეტი ქართველი და საერთაშორისო კურსდამთავრებულის წარმატებიის ისტორიითა და პროფესიონალთა გუნდით ამბიციური მომავლისთვის ემზადება.
ინოვაციურ არქიტექტურაში შენახული მემკვიდრეობა | ავტორი: იზა გვარამაძე
თბილისის პრესტიჟულ უბანში, ვერაზე, ბარნოვის 28/30-ში PREMIUM DEVELOPMENT-ის 7-სართულიანი პრემიუმ-კლასის საცხოვრებელი კომპლექსი შენდება. კომპანიამ, რომელიც მშენებლობის სექტორში 2019 წელს გამოჩნდა, პროექტში 10 მილიონი ლარის ინვესტიცია ჩადო. ძირითადი სამუშაოები უკვე ჩატარებულია, საცხოვრებელი კომპლექსის ინტერიერისა და ფასადის მოწყობა კი 2024 წლის აპრილში დასრულდება.
ბუნებასთან ჰარმონიაში | ავტორი: იზა გვარამაძე
თბილისის ცენტრიდან 7 წუთის სავალზე, ზღვის დონიდან 920 მეტრზე, კერძო საცხოვრებელი უბანი „წავკისი პანორამა“ შენდება. პროექტი, რომელშიც $30 მილიონზე მეტის ინვესტიცია ჩაიდო, ეკოლოგიურად სუფთა გარემოსა და თანამედროვე სტანდარტების ინფრასტრუქტურას აერთიანებს. „წავკისი პანორამა“ უბნის მშენებლობსა და გაყიდვებს დაგეგმილზე თითქმის ორი წლით ადრე ასრულებს, რის განმაპირობებელ ფაქტორებზეც, ასევე პროექტის შესახებ მნიშვნელოვან დეტალებზე კომპანიის მმართველი პარტნიორი გეგი ვასაძე საუბრობს.
მეწარმეთა შესახებ კანონის გზამკვლევი | ავტორი: ანიტა მუსკარია
„ასათიანი და ადვოკატების“ უფროსი ადვოკატი, სასამართლო მედიატორი ქეთევან ანდღულაძე მეწარმეთა შესახებ ახალმიღებულ კანონზე საუბრობს.
მისტერ ჩაი | ავტორი: მონიკა ჰანტერ-ჰარტი
მოდურ ბაზარზე, სადაც ხმაური ხშირად მეტია, ვიდრე გემო, AriZona Beverages-ის მილიარდერი დონ ვულტაჯო სანაძლეოს დებს, რომ მისი ახალი ალკოჰოლური სასმელები Twisted Tea-ს, უბრალოდ, უკეთესი გემოთი დაჩაგრავს.
ბაჭიას ფული | ავტორი: მარია გრასია სანტილინა ლინარესი
ბენიტო ანტონიო მარტინეს ოკასიომ პროფესიონალურად გამოიყენა მუსიკის სტრიმინგისა და სოციალური მედიის ძალა, რათა გამხდარიყოი პლანეტის ერთ-ერთი ყველაზე ცნობილი მუსიკოსი. გართობის, მოდისა და სპორტის სფეროებში იმპერიის ასაშენებლად „Bad Bunny“ ახლა თავის გლობალურ გავლენას იყენებს.
მაქინატორი | ავტორი: კენრიკ ქაი
ალექს ბუაზიზის HR-კომპანია სილიკონის ველის ისტორიაში ყველაზე სწრაფად მზარდი პროგრამული უზრუნველყოფის სტარტაპი გახდა დაპირებით, რომ მოაგვარებდა საზღვარგარეთ პერსონალის დაქირავების პრობლემას. მაგრამ მარეგულირებლები შიშობენ, რომ $12 მილიარდის შეფასებისკენ სწრაფვისას ის შესაძლოა ასცდა შესაბამისობის პარამეტრებს, რომლებსაც სავარაუდოდ უნდა ინარჩუნებდეს.
მებრძოლის შანსი | ავტორი: ბრეტ ნაიტი
ის სიღარიბეში გაიზარდა და დააგროვა $275 მილიონის ქონება, როგორც ერთ-ერთმა საუკეთესო მოკრივემ მსოფლიოში. თავისი ბიზნესიმპერიის შენების პროცესში, მილიარდერად გახდომის სურვილით, 33 წლის ჩემპიონი კანელო ალვარესი კიდევ ერთხელ გადის თავისი წონითი კატეგორიის მიღმა.
ისტორია
კონტინენტური სისტემა: ნაპოლეონი ბრიტანეთის წინააღმდეგ | ავტორი: ნიკა ხოფერია
„ნაპოლეონის მიერ კონტინენტური სისტემის შემოღება საფრანგეთის რევოლუციისა და ნაპოლეონის პერიოდის ერთ-ერთი მნიშვნელოვანი მოვლენა იყო. კონტინენტურ ევროპაში ძლიერების პიკზე მყოფი ფრანგთა იმპერატორი, რომელსაც არ შეეძლო, იარაღის ძალით გადაეწყვიტა ინგლისთან ომის ბედი, შეეცადა ეკონომიკურად გაენადგურებინა ანტიფრანგული კოალიციების ეს მთავარი დამფინანსებელი. „მინდა ზღვა ხმელეთის ძალით დავიპყრო“ – უთქვამს ნაპოლეონს. მაგრამ როგორ განხორციელდა ამ მასშტაბის პროექტი და რა შედეგები მოჰყვა მას?“
