ყავისა და დონატების ცნობილი ბრენდი Dunkin’-ი აცხადებს, რომ 2020 წლის ბოლოსთვის 450 ობიექტს ხურავს. Foxbusiness-ის ცნობით, საუბარია იმ ობიექტებზე, რომლებიც Speedway-ის ბენზინგასამართ სადგურებზეა განთავსებული და ეს არ ეხება რესტორნებს. ამის მიზეზი თავად Speedway-ს მფლობელ კომპანიასთან პარტნიორობის შეჩერება გახდა.
Dunkin’-ის წარმომადგენლებს აღნიშნულთან დაკავშირებით კომენტარი არ გაუკეთებია, მაგრამ ოფიციალურ განცხადებაში აღნიშნეს, რომ ისინი ფოკუსირებას აპირებენ კვების ობიექტების ქსელში დამოუკიდებელ რესტორნებზე.
“ამ ბენზინგასამართი ადგილებიდან გასვლით, დარწმუნებულები ვართ რომ უკეთ მოვახდენთ პოზიციონირებას Dunkin’s-ის უახლესი თაობის რესტორნების დიზაინით, რომელიც უფრო ფართო მენიუს და თანამედროვე გამოცდილებას უზრუნველყოფს. ჩვენ ასევე გავაგრძელებთ გაფართოებას ბენზინგასამართ სადგურებზეც, ასევე არატრადიციულ ლოკაციებზე, მათ შორის აეროპორტებში, უნივერსიტეტებში, პლაზებსა და სამხედრო ობიექტებზეც“, – განაცხადა რესტორნების ქსელის მთავარმა ფინანსურმა ოფიცერმა კეიტ ჯასპონმა.
შეგახსენებთ, ცოტა ხნის წინ Dunkin’-ში განაცხადეს, რომ ისინი აფართოებენ ქსელს და ასევე მენიუს უმატებენ ახალ სასმელებს, მათ შორის ჩაის და გამაგრილებელ სასმელს ზაფხულის განმავლობაში. ხოლო ივნისის თვეში განაცხადეს, რომ ისინი დამატებით 25 000 თანამშრომლის აყვანას გეგმავდნენ.
