ლიბერთის კიდევ ერთი სიახლე, რომელიც სპეციალურად სოციალური ბარათის მფლობელებისთვის შეიქმნა. დღეიდან, მომხმარებლებს საშუალება ექნებათ მარტივად დაფარონ კომუნალური გადასახადები ლიბერთის ბანკომატში, თანხის განაღდებისა და შემდგომ გადახდის ოპერაციის განხორციელების გარეშე.
მომსახურების დადებითი მხარეები მხოლოდ ამით არ სრულდება, ასევე:
- კომუნალურების დაფარვას ბანკომატის დახმარებით აქვსნულოვანი საკომისიო;
- იმ შემთხვევაში, თუ მომხმარებელს უკვე დარეგისტრირებული აქვს აბონენტის ნომრები,ბანკომატი ავტომატურად გამოიტანს ეკრანზე დარეგისტრირებული აბონენტის იმ ნომრებს,რომლებზეც დავალიანება ფიქსირდება;
- ბანკომატის საშუალებით შესაძლებელიაარა მთლიანი თანხების გადახდაც:ლარების და თეთრების (პირობითად, 15.33 ლარის).
“ლიბერთის მიზანია გავაუმჯობესოთ და მაქსიმალურად გავუმარტივოთ ყოველდღიური ცხოვრება ჩვენს მომხმარებლებს.
სწორედ ამიტომ, დავნერგეთ კიდევ ერთი სერვისი, რომელიც სოციალური ბარათის მფლობელებს საშუალებას მისცემს მარტივად და ზედმეტი ძალისხმევის გარეშე დაფარონ კომუნალური გადასახადები ბანკომატიდანვე, ნულოვანი საკომისიოთი.” – აცხადებს დავით მესხიძე, ლიბერთის ციფრული პლატფორმებისა და არხების განვითარების ხელმძღვანელი.
ლიბერთი ქვეყნის ერთ-ერთი უმსხვილესი კომერციული ბანკია, რომელიც 1,7 მილიონზე მეტ ფიზიკურ პირს და 50 000-ზე მეტ მცირე და საშუალო ბიზნესს ემსახურება. ბანკის აქტივები 3 მლრდ ლარს შეადგენს და დასაქმებულია 4500-ზე მეტი თანამშრომელი. ლიბერთი ქვეყნის მასშტაბით წარმოდგენილია ყველაზე ფართო ქსელით – 360-ზე მეტი მომსახურების ცენტრით, 632 ბანკომატით, თვითმომსახურების და POS ტერმინალებით საქართველოს ყველა რეგიონსა და მუნიციპალიტეტში. განვითარებული ინფრასტრუქტურის გარდა, როგორც ფიზიკური, ასევე იურიდიული პირებისთვის ხელმისაწვდომია თანამედროვე ციფრული სერვისები და დისტანციური მომსახურება.
S
