თანამედროვე ტექნოლოგიები, ახალი გზები მომხმარებლებთან დასაკავშირებლად, დამატებითი ფინანსური რესურსები — ესაა ის, რაც ნებისმიერ ბიზნესს ბაზარზე საკუთარი ადგილის დამკვირდებისთვის სჭირდება. ამ ყველაფერზე წვდომა კი — მით უფრო მცირე ან საშუალო ბიზნესისთვის — ადვილი არაა. ისინი ყოველდღიურად სხვადასხვა გამოწვევის წინაშე დგანან და იშვიათად რჩებათ დრო არასტანდარტული მიდგომების მოსინჯვისთვის. ეს კარგად ესმით საქართველოს ბანკში — იქ, სადაც მუდმივ რეჟიმში ფიქრობენ გზებზე, რომლებიც მცირე და საშუალო ბიზნესებს ახალ საფეხურზე გადაიყვანს, მისცემს მეტ რესურსსა და შესაძლებლობას ზრდისთვის.
სწორედ ამ მიზნით, საქართველოს ბანკმა ახლახან ბიზნესებს რამდენიმე მნიშვნელოვანი სიახლე წარუდგინა. კამპანიას „ბიზნესის დიდ განახლება“ წინა პლანზე გამოაქვს ახალი ტექნოლოგიური პროდუქტები და სერვისები, რომელთა მიზანია, მეწარმეებს დაუზოგოს დრო და რესურსები. უფრო კონკრეტულად, რას ნიშნავს „ბიზნესის დიდი განახლება“? — ამ კითხვაზე საქართველოს ბანკის მცირე და საშუალო ბიზნესის მიმართულების ხელმძღვანელმა, თორნიკე კუპრაშვილმა გვიპასუხა.
5 დიდი სიახლე
საქართველოს ბანკი ბიზნესი არაერთ მიმართულებას მოიცავს — ტექნოლოგიურ პროდუქტებს ყოველდღიური ფინანსური ტრანზაქციებისთვის, ციფრულ ინსტრუმენტებს ბიზნესის უკეთ სამართავად, ფიზიკურ საბანკო მომსახურებას და სხვა არაერთ შესაძლებლობას. განახლება კი, პრაქტიკულად, ყველა მათგანს შეეხო.
თორნიკე კუპრაშვილი ხუთ მიმართულებას გამოყოფს, რომლითაც ბიზნესებს შეუძლიათ დააჩქარონ პროცესები, მიიღონ კითხვებზე პასუხები, მოიპოვონ დამატებითი ფინანსური რესურსები და სხვა. ესენია: პასუხები ციფრულად ბიზნეს მობილბანკში; სხარტი, სრულად ციფრული ბიზნეს სესხი; Ads მენეჯერის ახალი ფუნქციონალები მეტი კომფორტისთვის და მალე — ფილიალებში ბიზნესის რეგისტრაცია და სატენდერო გარანტიები ბიზნეს მობილბანკში;
პასუხები ციფრულად ბიზნეს მობილბანკში
„დიდი განახლების“ ფარგლებში, საქართველოს ბანკის ბიზნეს მობილბანკში დამატებული ფუნქციონალები ერთ მნიშვნელოვან მიზანს ემსახურება — დაუზოგოს დრო ბიზნესს და მისცეს ინფორმირებული გადაწყვეტილებების მიღების შესაძლებლობა ნებისმიერ დროს“, — ასე განმარტავს თორნიკე კუპრაშვილი განახლების ერთ-ერთი ნაწილის — მიმოწერის მოდულის მნიშვნელობას.
მიმოწერის მოდულით მომხმარებლებს ბიზნეს მობილბანკში შეუძლიათ ბანკთან სწრაფი კომუნიკაცია დაამყარონ, მიიღონ პასუხები სასურველ კითხვებზე პირდაპირ ბანკის იმ გუნდებისგან, რომლებიც ყველაზე უკეთ იცნობენ ამ თემებს. მოდული მარტივია — იძლევა ახალი მიმოწერის გახსნის, არსებულის გაგრძელების, საჭირო ფაილების ჩამოტვირთვის, ადრესატების დამატების, მიმოწერის სტატუსზე დაკვირვების შესაძლებლობას და სხვა. ეს ყველაფერი აქამდე მხოლოდ ბიზნეს ინტერნეტბანკში იყო ხელმისაწვდომი.
სრულად ციფრული, სხარტი ბიზნეს სესხი
საქართველოში პირველად, ბანკმა ბიზნესს მნიშვნელოვანი ტექნოლოგიური სიახლე შესთავაზა. ესაა სრულად გაციფრულებული „სხარტი ბიზნეს სესხი“, უზრუნველყოფისა და დამატებითი დოკუმენტების გარეშე — ბიზნეს მობილბანკსა და ბიზნეს ინტერნეტბანკში.
ამიერიდან, ციფრულ არხებში ბიზნესს შეუძლია მოითხოვოს 80 000 ლარამდე თანხა, ორი პირობით — 3 თვემდე უპროცენტოდ ან 3-48 თვემდე ვადით (ეფექტური 19%-დან). სესხის გააქტიურება კი მობილბანკში, 2 წუთამდე დროშია შესაძლებელი.
Ads მენეჯერის ახალი ფუნქციონალები
რეგიონში უნიკალური პროდუქტით — Ads მენეჯერით, საქართველოს ბანკი უკვე არაერთი წელია, ბიზნესებს შეთავაზების შექმნის შესაძლებლობას აძლევს. შექმნილი შეთავაზება კი ქვეყნდება ბანკის იმ არხებში, რომელთაც 1 500 000-ზე მეტი მომხმარებელი იყენებს (მობილბანკში, sCoolApp-სა და Offers.bog.ge-ზე). დიდი განახლება Ads მენეჯერსაც შეეხო. ამჯერად მას ახალი ფუნქციონალი „Ad Quality” ემატება, რომელიც განსაზღვრავს, სად შეიძლება გამოჩნდეს ბიზნესის მიერ შექმნილი შეთავაზება — სოციალურ მედიაში, მობილბანკში, ნიუსლეთერში, SMS კომუნიკაციაში, თუ სხვა.
„ახალი ფუნქციონალით, ბიზნესებისთვის ვაჩენთ მეტ შესაძლებლობას, მიწვდნენ ჩვენს მომხმარებლებს. ამასთან მათთვის უფრო თვალსაჩინო გახდება, რომელი არხებით გავავრცელებთ ინფორმაციას აღნიშნული შეთავაზების შესახებ“.
სატენდერო გარანტია ბიზნეს მობილბანკში
„ბიზნესებს, რომლებიც ტენდერებში მონაწილეობას იღებენ, სატენდერო გარანტიის წარდგენა სჭირდებათ. ადრე აღნიშნული დოკუმენტის მიღება ფილიალში იყო შესაძლებელი, ჩვენ კი იგი ჯერ კიდევ გასულ წელს, ბიზნეს ინტერნეტბანკში არაუზრუნველყოფილი სატენდერო გარანტიების ფუნქციონალის დამატებით დავაჩქარეთ და გავამარტივეთ. წელს კი ფუნქციონალი ბიზნეს მობილბანკშიც დავნერგეთ, რითაც შესაძლებლობა გავაჩინეთ, რომ ბიზნესებმა გარანტია დისტანციურად 1 საათზე ნაკლებ დროში, მოითხოვონ“, — განმარტავს თორნიკე კუპრაშვილი.
ინფორმაციისთვის, სატენდერო გარანტია არეგულირებს იმ შემთხვევებს, ტენდერში მონაწილე კომპანია, გარკვეული მიზეზებით, ნაკისრ ვალდებულებას ვერ ასრულებს.
ბიზნესის რეგისტრაცია ფილიალში
მნიშვნელოვანი სიახლე დააანონსა საქართველოს ბანკმა ინდ.მეწარმეებისთვის, თუ საქმიანი ადამიანებისთვის, რომელთაც ბიზნესის წამოწყება სურთ. დასაწყისისთვის, ბიზნესის რეგისტრაცია საქართველოს ბანკის 5 ფილიალში იქნება შესაძლებელი და თბილისის ყველა დიდ უბანს მოიცავს.
„ამ სიახლით ჩვენ დამატებითი შეხების წერტილები შევქმენით მათთვის, ვისაც ბიზნესის რეგისტრაცია სურს და ამავე დროს უნდა, თავი აარიდოს შორ მანძილზე გადაადგილებას ან რიგებს. გვიხარია, რომ აქ არ ვჩერდებით და ბიზნესის რეგისტრაციის შესაძლებლობა მომავალში რეგიონებშიც გაჩნდება“, — აღნიშნავს თორნიკე კუპრაშვილი.
საგულისხმოა, რომ ფილიალში რეგისტრაციის შემდეგ, ბიზნესს შეუძლია იქვე ან ონლაინ გახსნას ბიზნეს ანგარიში და საჩუქრად მიიღოს: სასტარტო ნაკრები 6 თვე უფასოდ, ბიზნეს ანგარიში, ბიზნეს ბარათი, ტერმინალი 3 თვით მომსახურების საკომისიოს გარეშე და ონლაინ გადახდები საკომისიოს გარეშე.
„ეს ხუთი სიახლე დიდი განახლების მხოლოდ ერთი ეტაპია. ჩვენ მუდმივად ვისმენთ მომხმარებლების საჭიროებებს, ვიღებთ ინფორმაციას მათ ინტერესებზე, ვიკვლევთ გზებს, რომლებსაც გაუმჯობესებული სამომხმარებლო გამოცდილებისკენ მივყავართ. ამ ყველაფერს კი ერთიან სურათში ვუყურებთ და შემდეგ ვფიქრობთ გადაწყვეტებზე. ზემოთჩამოთვლილი თითოეული სიახლე ამ დიდი პროცესის ნაწილია. რაც მთავარია, არ ვჩერდებით და მომავალშიც არაერთ პროდუქტსა და სერვისს შევთავაზებთ ჩვენს მომხმარებლებს“, — ამბობს თორნიკე კუპრაშვილი.
საქართველოს ბანკი ბიზნესის შესახებ მეტი ინფორმაციის მისაღებად ეწვიეთ ვებგვერდს.
S
