„ეს არის არდის ახალი ცხოვრების დასაწყისი, რომელიც თავის მომხმარებლებს ტრანსფორმაციის გზაზე ადამიანზე მორგებულ გადაწყვეტებს შესთავაზებს. ბრენდის ახალი მიდგომის საფუძველი ადამიანზე ორიენტირებული პოზიციონირებაა. არდი ყველა მისი პროდუქტის თუ მომსახურების დიზაინზე ფიქრისას ადამიანს აყენებს ცენტრში. არდი აზღვევს ყველაფერს, რაც ადამიანის ცხოვრებაში რეალურად ძვირფასია — იქნება ეს ჯანმრთელობა, პირადი ავტომობილი, ქონება, მოგზაურობა, გამოცდილებები, ნიჭი თუ სხვა. ყველაფერს, რისი დაზღვევაც ადამიანის უშფოთველ აწმყოს და ჰარმონიულ მომავალს განსაზღვრავს. სიახლეები მოიცავს როგორც სტრატეგიულ განახლებას, ისე ახალ ბრენდპლატფორმასა და ციფრულ ეკოსისტემას, რომლებიც ეტაპობრივად განახლდება მიმდინარე წლის ბოლომდე. უცვლელი რჩება არდის მომხმარებელთან ურთიერთობის სტანდარტი, რომელიც პირველი დღიდან იყო მისი გამორჩეულობის განმაპირობებელი. “ – მიხეილ ჯაფარიძე, არდის გენერალური დირექტორი.
არდი უკვე 15 წელია მომხმარებელზე ორიენტირებულ, საუკეთესო გამოცდილების მქონე მომსახურებას ქმნის საქართველოს სადაზღვევო ბაზარზე. გასულ წელს, ყველაზე მსხვილი ქართული საინვესტიციო კომპანია Georgia Capital PLC-იმ (LON: GCAP), არდის ინსტიტუციური ინვესტორი გახდა. 2025 წელი კი, კომპანიის ციფრული ტრანსფორმაციის და ბრენდის განახლების წელია.
არდი არამხოლოდ აზღვევს რისკებს, არამედ თავისი მომსახურების სტანდარტით, მომხმარებელთან დამოკიდებულებითა და ციფრული გადაწყვეტებით ადამიანს სრულად აშორებს დაზღვევასთან დაკავშირებულ დისკომფორტებს, უტოვებს მას დროს იფიქროს მხოლოდ მთავარზე. ამ ხედვიდან გამომდინარეობს ბრენდის მთავარი მიზანი: გახდეს კომპანია, რომელიც შფოთვისგან გათავისუფლებულ ადამიანს ცხოვრების ახალ გზებს უჩვენებს. ახალი სლოგანი – „ცხოვრების ჯერია“, განასახიერებს ბრენდის სწორედ ამ, განახლებულ მიდგომას. მისი მიზანია, მომხმარებელს დაუბრუნოს სიმშვიდე, ჩამოაშოროს ზედმეტი საფიქრალი, რათა ცხოვრების დრო გაცილებით საინტერესოდ გამოიყენოს – გამოსცადოს ახალი შესაძლებლობები, შეცვალოს გარემო, იპოვოს საკუთარი თავი, მოტივაცია მისცეს გარშემომყოფებს და ამასთან, იცხოვროს მეტი სიმშვიდით.
“ერთგვარი გამოწვევაა, როდესაც ბრენდს ისტორიულად მხოლოდ დადებითი მემკვიდრეობა აქვს და მისი განახლება და ცვლილება თან შესამჩნევი და ამავდროულად ბუნებრივი უნდა იყოს. არდის ძალიან ძლიერ კორპორაციულ გამოცდილებას, პერსონალურ სადაზღვევო პროდუქტებში, ციფრულ გამოცდილებასა და სამომხარებლო ადვოკატირების ნაწილში თანაბრად გამოვიყენებთ. ძალიან დატვირთული და სიახლეებით სავსე პერიოდი იწყება ბრენდის ცხოვრებაში.” – სალომე გველესიანი, არდის მარკეტინგის ხელმძღვანელი.
არდი ამარტივებს გამოცდილებას, ადაპტირდება მომხმარებლის ცხოვრების რიტმთან და ციფრული გადაწყვეტილებების დახმარებით ანაცვლებს ზედმეტ პროცესებს ეფექტური ალტერნატივებით. განახლებული აპლიკაცია ციფრული საკომუნიკაციო სივრცეა, სადაც თავმოყრილი იქნება სრულყოფილი სერვისები, 24 საათიანი მხარდაჭერა და პერსონალიზებული გამოცდილება. აპლიკაცია არ არის დამატებითი ფუნქცია – ის ბრენდის განსახიერებაა, რომელიც მომხმარებელს საშუალებას მისცემს მართოს თავისი დრო და ცხოვრების რისკები მარტივად, სწრაფად და კომფორტულად. განახლებული აპლიკაცია მომხმარებლისთვის ხელმისაწვდომი იქნება უახლოეს პერიოდში.
ბრენდის ახალი სტრატეგია შემუშავდა კრეატიულ სააგენტო „სუპერმარკეტთან“ თანამშრომლობით. პროექტმა მოიცვა კომპანიის იდენტობის სრულფასოვანი გარდაქმნა – არქეტიპული სტრუქტურის გადახედვა, ვიზუალური და ვერბალური სტილის განახლება, მომხმარებელთან კომუნიკაციის ენის ხელახალი ფორმულირება. სტრატეგიულ ნაწილზე „სუპერმარკეტის“ გუნდიდან გიორგი ტაბატაძემ, ვასკა ჩუბინიძემ, ეკა ყიფიანმა და სანდრო ციცქიშვილმა იმუშავეს. ბრენდის ვიზუალურ ნაწილზე კი არტ დირექტორმა, თეონა შელიამ იმუშავა.
„ვაცნობიერებთ, რომ ჩვენს მომხმარებლებს აქვთ ბევრი რამ, რაც მათთვის მნიშვნელოვანია. ამიტომაც ვაზღვევთ ადამიანებს და ყველაფერს, რაც მათ ხარისხიან ცხოვრებას განსაზღვრავს. ჩვენი მიზანია, ვიყოთ ბრენდი, რომელიც არამხოლოდ აზღვევს რისკებს, არამედ ადამიანს სრულფასოვნად და მშვიდად ცხოვრების საინტერესო გზებსაც კარნახობს თანამედროვე, ცვალებად სამყაროში“ – თეონა გოდერიძე, არდის ბიზნესის განვითარების დირექტორი.
S
