ფინანსურ სიძლიერესა და უსაფრთხოებაზე ნებისმიერი ბიზნესმენი თუ მეწარმე ყოველდღიურად ფიქრობს. მისი მიღწევის ერთ-ერთი გზა კი ბიზნეს ანაბარია, რომელიც კომპანიებს დამატებით რესურსებზე წვდომასა და უწყვეტი განვითარების შესაძლებლობას აძლევს.
საქართველოს ბანკის ბიზნეს მობილბანკში ხელმისაწვდომია ანაბრების მოდული და იგი ოთხი ტიპის ანაბარს აერთიანებს. ამ სტატიაში საქართველოს ბანკის ციფრული პროდუქტების ოუნერი, ანი ქობალია გვიამბობს, რატომ უნდა ისარგებლონ კომპანიებმა საქართველოს ბანკის ბიზნეს მობილბანკში ანაბრების მოდულით.
რომელ პროდუქტებს აერთიანებს ბიზნეს მობილბანკის ანაბრების მოდული?
საქართველოს ბანკის ბიზნეს მომხმარებლებს აქვთ შესაძლებლობა, გახსნან ოთხი ტიპის ბიზნეს ანაბარი – ვადიანი, მოთხოვნამდე, მოთხოვნამდე + და შეგროვებადი. თითოეულ მათგანს სხვადასხვა უპირატესობა აქვს. მაგალითად, ვადიან ანაბარს მაღალი საპროცენტო სარგებელი გამოარჩევს; მოთხოვნამდე ანაბრის სარგებელი წლის ბოლოს, ყოველდღიურ ნაშთზე ირიცხება და მისი გატანა ნებისმიერ დროს შეიძლება; მოთხოვნამდე + ანაბარს გამოარჩევს ის პირობა, რომ სარგებელი ყოველთვიურად ან წლის ბოლოს ირიცხება; შეგროვებადი ანაბრით კი მომხმარებლებს სარგებლის გატანის შესაძლებლობა როგორც ვადის ბოლოს, ისე ყოველთვიურად აქვთ.
რამდენად მარტივია ის გზა, რომელიც ბიზნეს მომხმარებელმა ციფრულ არხებში ანაბრის აღებისთვის უნდა გაიაროს?
მომხმარებელს ბიზნეს მობილბანკში მარტივად შეუძლია შეადაროს სხვადასხვა ტიპის ანაბრის პირობები და შეარჩიოს მისთვის სასურველი. სულ რამდენიმე ველის შევსებით ხსნის ანაბარს და ციფრული ხელმოწერით ადასტურებს, რაც კიდევ უფრო ამარტივებს მის ხელმისაწვდომობას და ზრდის მომხმარებლების კმაყოფილებას. რაც მთავარია, ეს ფუნქციონალი ციფრულ არხში ნებისმიერ დროს, 24/7-ზეა ხელმისაწვდომი
რამდენად ეხმარება ბიზნესებს ანაბარი საქმიანობის განვითარებაში და რა უპირატესობა აქვს ანაბრის გახსნას და მართვას ციფრულ არხებში?
ალბათ ყველა ვთანხმდებით იმაზე, რომ დროის დაზოგვა ძალიან მნიშვნელოვანია და ვცდილობთ, მომსახურება დისტანციურად მივიღოთ. ჩვენი სტრატეგიის დიდი ნაწილიც სწორედ დიგიტალიზაციას ეთმობა, შესაბამისად კომპანიებისთვის შეთავაზებულ პროდუქტებსა და სერვისებს ციფრულ არხშიც ხელმისაწვდომს ვხდით, ისევე, როგორც ეს ანაბრების შემთხვევაში გავაკეთეთ.
ამგვარად, მომხმარებელს შეუძლია, საკუთარ საჭიროებებზე მორგებული ანაბარი შეარჩიოს და თანხა კონკრეტული მიზნისთვის დააგროვოს. მაგალითად, თუ კომპანიას აქვს ფინანსური სახსრები, რომლის გამოყენებას უახლოს თვეებში არ გეგმავს, შეუძლია გახსნას ვადანი ანაბარი მინიმუმ 3 თვით და მიიღოს დარიცხული სარგებელი. ანაბრის გახსნის ხელმისაწვდომობა ციფრულ არხებში პროცესს უფრო კომფორტულს ხდის. დღის ნებისმიერ მონაკვეთში, ნებისმიერი ადგილიდან შესაძლებელია მისი გახსნა ბანკის ფილიალში მისვლის გარეშე, რაც ზოგავს მომხმარებლის დროს და მომსახურებას კიდევ უფრო კომფორტულს ხდის.
მოდულს ახლახან დაემატა შეგროვებადი ანაბარიც – მოგვიყევით მის შესახებ ვრცლად – რით არის ის გამორჩეული?
შეგროვებადი ანაბარი ხელს უწყობს ბიზნეს მომხმარებლის დანაზოგის ზრდას. მომხმარებლებს ვაძლევთ საშუალებას, დააგროვოს თანხა კონკრეტული მიზნისთვის მინიმუმ 10 ერთეულიდან და თანხის დამატება შეზღუდული არ არის. კომპანიის ჩარიცხვები შესაძლებელია ბიზნესმა თანხის დასაგროვებლად მიმართოს, რაც შესაძლებელია გამოყენებული იყოს საბიუჯეტო ხარჯებისთვის, ბიზნესის განვითარებისთვის და სხვა.
როგორ დაიხვეწა დროთა განმავლობაში ანაბრების მოდული, რა ტექნოლოგიური ინსტრუმენტები დაემატა და როგორ ცდილობთ მის გამარტივებას მომხმარებლისთვის?
გარდა იმისა, რომ მომხმარებელს მარტივი UX-ით ვთავაზობთ ანაბრების გახსნას ციფრულ არხებში, მას, ასევე, შეუძლია მიზნობრიობის მზა შაბლონები შეარჩიოს (საბიუჯეტო ხარჯებისთვის, მსხვილი ტექნიკის შესაძენად, მომავალი ბიზნეს გეგმებისთვის) და დააფიქსიროს სამიზნე თანხა, შემდეგ კი დააკვირდეს პროგრესს, რამდენად ახლოს არის მიზანთან.
აღსანიშნავია ისიც, რომ როცა მომხმარებელი თვითონ ხსნის ანაბარს ბიზნეს მობილბანკში, მას შეუძლია, დეტალურად გაეცნოს კონკრეტული ანაბრის პირობებს ამ არხში და შემდეგ მიიღოს გადაწყვეტილება.
ჩვენ მუდამ ვცდილობთ, დავამატოთ ახალი ფუნქციონალები მას შემდეგ, რაც უკუკავშირს მომხმარებლებისგან მივიღებთ. შესაბამისად, უახლოეს მომავალში ჩვენ ბიზნესებს კონკრეტულ ანაბარზე თანხის დამატების გამარტივებულ შესაძლებლობასაც შევთავაზებთ.
თუ გსურთ გახსნათ ანაბარი ბიზნეს მობილბანკით, ეწვიეთ ამ ბმულს. ხოლო თუ ჯერ არ ხართ საქართველოს ბანკის მომხმარებელი, გახსენით ბიზნეს ანგარიში მარტივად ონლაინ.
S
