საქართველოს ბანკი ბიზნესებს, რომლებიც რეგულარულად იღებენ გადახდებს, გამორჩეულ ციფრულ პლატფორმას – გადახდების მენეჯერს სთავაზობს. ეს არის ერთიანი სივრცე, საიდანაც შესაძლებელია, როგორც არსებული გადახდების ნახვა და მართვა, ასევე ახალი გადახდის მეთოდების დამატება. პლატფორმა ახლახან განახლდა – გაუმჯობესდა მისი ინტერფეისი და დაემატა ბმულით გადახდის მეთოდი.
თუ პროდუქციას/სერვისს სოციალური ქსელით ყიდით, რადგან არ გაქვთ საკუთარი ვებგვერდი და არც დეველოპერის რესურსი, მაშინ თქვენს ბიზნესს ბმულით გადახდის საუკეთესო შესაძლებლობას ვთავაზობთ.
სერვისი დაგეხმარებათ:
- მიიღოთ გადახდები ვებგვერდის შექმნის გარეშე;
- დაზოგოთ დრო და რესურსი;
- გაუმარტივოთ მომხმარებელს გადახდის პროცესი;
- გაზარდოთ გაყიდვები.
გარდა ამისა, განახლებული გადახდების მენეჯერი კიდევ უფრო ინტუიციური გახდა – ბიზნესები გადახდებზე სრულ ინფორმაციას იღებენ, ახალი ფუნქციონალებით შეუძლიათ მოითხოვონ ფიზიკური თუ ონლაინ გადახდების მეთოდები, გააანალიზონ მიღებული შემოსავლების დინამიკა და ეფექტიანად მართონ საქმიანობა.
გადახდების მენეჯერის მეშვეობით შესაძლებელია ვებგვერდზე გადახდის ღილაკის დამატება ან სრულიად დისტანციურად, ფიზიკური ტერმინალის მოთხოვნა. აღსანიშნავია, რომ ონლაინ გადახდის მეთოდის მოთხოვნაზე დასტურის მიღების შემდეგ, მის ინტეგრაციას სულ რამდენიმე წუთი სჭირდება. პლატფორმა ონლაინ გადახდების მრავალფეროვან მეთოდებსაც აერთიანებს. თითოეული მათგანი კი გადახდის პროცესს ამარტივებს და ბიზნესს გაყიდვების ზრდაში ეხმარება. პლატფორმაზე ხელმისაწვდომია:
- ბარათით გადახდა;
- BOG ავტორიზაციით გადახდა;
- PLUS და MR ქულებით გადახდა;
- GOOGLE PAY-ით გადახდა;
- APPLE PAY-ით გადახდა;
- ონლაინ განვადებით გადახდა;
- სასაჩუქრე ბარათით გადახდა;
- ნაწილ ნაწილ გადახდა;
- ბმულით გადახდა.
პლატფორმაზე ასევე ერთიანდება მიღებული გადახდების ისტორია, რაც ბიზნესს შესაძლებლობას აძლევს, მისთვის საჭირო ოპერაციები შეასრულოს. მაგალითად, დააბრუნოს ან გაყოს თანხა, გააუქმოს განვადება, გადმოწეროს ამონაწერები სასურველი პარამეტრებით ან ფორმატით და სხვა.
გაიგეთ მეტი გადახდების მენეჯერის შესახებ ამ ბმულიდან ხოლო თუ არ ხართ საქართველოს ბანკის მომხმარებელი, გახსენით ბიზნეს ანგარიში მარტივად ონლაინ.
