მომავლის განსხვავებული ხედვა, ინდუსტრიის ცვლილების ამბიცია, მრავალფეროვნება – ეს მხოლოდ მცირე ჩამონათვალია იმ მიზნების, რომლებიც სტუმარმასპინძლობის პროვაიდერმა კომპანია Multi Performer Agency-მ (MPA) ქართულ ბაზარზე შემოსვლისას დაისახა. კომპანია საქართველოში სულ რაღაც წელიწად-ნახევრის წინ გამოჩნდა, მომხმარებლისთვის სრულყოფილი ჰოსპიტალიტი გამოცდილების შესათავაზებლად.
MPA-ის სერვისები ორიენტირებულია როგორც სტუმართა კმაყოფილებაზე, ასევე ადგილობრივი ინდუსტრიის გაძლიერებასა და, რაც მთავარია, საერთაშორისო მასშტაბით, საქართველოს მიმზიდველობის ზრდაზე. კომპანიის წარმატებას საფუძვლად ქართული ტრადიციული სტუმარმასპინძლობა უდევს – გათანამედროვებული და არსებულ მოთხოვნებზე მორგებული სერვისებით.
და მაინც, რას გვთავაზობს MPA? – ქაოსური სექტორის სისტემურ მიდგომას, რომელიც საკუთარ თავში მრავალკომპონენტიანი ჯაჭვის თითოეულ რგოლს აერთიანებს. MPA მომხმარებელს ჰოსპიტალიტის სრულყოფილი გამოცდილებით უზრუნველყოფს ჩამოფრენიდან გამგზავრებამდე, იქნება ეს: სტუმართა დახვედრა, აეროპორტის ტრანსფერები, სასტუმროებში განთავსება, ტრანსპორტირება, კეიტერინგი, უსაფრთხოება.
თუმცა სერვისების ფართო სპექტრის მიუხედავადაც, არის დამატებით რამდენიმე ძირითადი მიმართულება, რომლებიც ბაზარზე MPA-ის კონკურენტულ უპირატესობას ყველაზე კარგად წარმოაჩენს.
ენტერტეინმენტი, სპორტული ღონისძიებების ჰოსპიტალიტი და კორპორაციული ჰოსპიტალიტი იმ სამ მთავარ მიმართულებას შორისაა, რომლებიც დღეისთვის MPA-ის სავიზიტო ბარათს წარმოადგენს. პირველი ორ შემთხვევაში, MPA-მ ბაზარზე მთავარი მოთამაშის სტატუსი უკვე მოიპოვა, კორპორაციული ჰოსპიტალიტი კი შედარებით ახალია და ამ ეტაპისთვის ყველაზე დიდ სტრატეგიულ მიზანს წარმოადგენს.
რაც შეეხება უშუალოდ კორპორაციული ჰოსპიტალიტის მიმართულებას, ამ მხრივ შეიძლება ითქვას, რომ MPA-ის ბაზარზე უშუალო კონკურენტი არ ჰყავს. ეს არის სრულად ახალი კონცეფცია, რომელიც საქართველოში MPA-ის ხელშეწყობით თავს წარმატებით იმკვიდრებს და განვითარების საკმაოდ დიდი პოტენციალიც აქვს. გრძელვადიან პერსპექტივაში საერთაშორისო მასშტაბითაც, თუმცა დღეს ძირითადი ფოკუსი სწორედ საქართველოა.
კორპორაციული ჰოსპიტალიტიც სერვისების ფართო სპექტრს მოიცავს, რომელიც მომხმარებელს ეხმარება როგორც მაღალი კორპორაციული კულტურის ჩამოყალიბებაში, ისე კლიენტებთან მჭიდრო ურთიერთობების დამყარებასა და შენარჩუნებაში. ამ ყველაფერს კი MPA საერთაშორისო გამოცდილებაზე დაყრდნობით და საერთაშორისო სტანდარტებთან შესაბამისობით აღწევს.
კორპორაციული ჰოსპიტალიტი მომხმარებლებს, აქციონერებსა და პარტნიორებს შორის პოზიტიური ურთიერთობების შენარჩუნებას უზრუნველყოფს მათზე მორგებული და სასიამოვნო გამოცდილების შეთავაზებით. MPA-ის გამოცდილებისა და რესურსების გამოყენებით, კომპანიები კორპორაციული სტუმარმასპინძლობის ინიციატივების ეფექტიანად განხორციელებასა და მყარი კორპორაციული კულტურის ჩამოყალიბებას ახერხებენ.
ეს სერვისი მიესადაგებათ კორპორაციებს, რომელთაც სურთ, უფრო მეტი უცხოელი სტუმარი მიიღონ, თუმცა ის ოპერაციები და აქტივობები, რომლებიც უშუალოდ ჰოსპიტალიტის შეეხება, აუტსორსზე გაიტანონ და პროფესიონალთა ჯგუფს მიანდონ. შედეგად, მაშინ როდესაც MPA-ის სახით, ჰოსპიტალიტიზე პასუხისმგებელი კომპანია არსებობს, მომხმარებლებს შესაძლებლობა აქვთ, მეტი ყურადღება უშუალოდ მათ სტუმრებსა თუ ინვესტორებს დაუთმონ.
MPA-სთან პარტნიორობით კომპანიებს აღარ უწევთ წვრილმანი დეტალების მოგვარება და მხოლოდ საქმისა და მოლაპარაკებებს ეფექტიან წარმართვაზე არიან ორიენტირებულნი. MPA საკუთარ თავზე იღებს ისეთ მნიშვნელოვან საკითხებს, როგორიცაა კონფერენციებისა და ფორუმებისთვის ადგილის, დიზაინის, საჭირო ინვენტარის შერჩევა, B2B-შეხვედრებისთვის ლოგისტიკის უზრუნველყოფა და ა.შ.
უშუალოდ კორპორაციული ჰოსპიტალიტი შემდეგ სერვისებს აერთიანებს: ფორუმები, კონფერენციები, სემინარები; B2B-შეხვედრები; პროდუქტის წარდგენის ივენთები; ოფიციალური სადილი; ტრანსპორტირება; ფესტივალებსა და სპორტულ ღონისძიებებზე კორპორაციული ზონის მოწყობა; გასართობი ღონისძიებები.
შესაბამისად, არა აქვს მნიშვნელობა, თქვენ საქმიანი შეხვედრების ორგანიზებაში გჭირდებათ დახმარება თუ გასართობ და სპორტულ ღონისძიებას აწყობთ – MPA-ის სერვისები სრულად შეძლებს მოერგოს თქვენს მოთხოვნებს, უზრუნველყოს მაქსიმალური კომფორტი და უსაფრთხოება, დაზოგოს თქვენი დრო და, რაც მთავარია, საერთაშორისო სტანდარტებზე მორგებული მომსახურება შემოგთავაზოთ.
შესაბამისად, მაშინ როდესაც MPA არსებობს, კომპანიებს შეუძლიათ სრულად მხოლოდ ღონისძიებების ბიზნესნაწილზე გადაერთონ და ჰოსპიტალიტის მიმართულება სააგენტოს ჯგუფს მიანდონ, რომელიც მათ საქმეს დიდი სიყვარულითა და, რაც მთავარია, პასუხისმგებლობით გაუძღვება.
ამ ეტაპზე მთავარი საქართველოს ბაზარია. ყველაფერს თავისი დრო აქვს: პრიორიტეტად მაღალი ხარისხი და ლოიალურ მომხმარებელთა რაოდენობის ზრდა რჩება, შემდეგ კი ახალი ბაზრების ათვისების სურვილი, ამბიცია და დიდი მოტივაციაც იქნება. S
