რეგიონები, სადაც ყველაზე მეტი ადამიანი ცხოვრობს დახმარებაზე.
წლის დასაწყისიდან საარსებო შემწეობის მიმღებ პირთა რაოდენობა 25 172–ით გაიზარდა და მაისის მონაცემებით, თითქმის ნახევარი მილიონი – 467 284 პირი შეადგინა.
სოციალური მომსახურების სააგენტოს მონაცემებით, ჯამში საარსებო შემწეობას მოსახლეობის 12.5% იღებს.
რეგიონების მიხედვით, საარსებო შემწეობის მიმღებ პირთა რაოდენობა და წილი რეგიონების მთლიან მოსახლეობაში შემდეგია:
- აჭარა – 42 061 (12.5%)
- შიდა ქართლი – 47 048 (17.8%)
- ქვემო ქართლი – 46 649 (11%)
- სამცხე-ჯავახეთი – 11 756 (7.3%)
- სამეგრელო–ზემო სვანეთი – 56 657 (17.1%)
- მცხეთა–მთიანეთი – 15 393 (16.3%)
- იმერეთი – 64 771 (12.1%)
- კახეთი – 49 795 (15.6%)
- რაჭა–ლეჩხუმი და ქვემო სვანეთი – 13 444 (42.3%)
- გურია – 18 798 (16.6%)
- თბილისი – 100 907 (9%)
საარსებო შემწეობა, იგივე მიზნობრივი სოციალური დახმარება არის ფულადი სახის გასაცემელი, რომლის მიზანია შეფასების სისტემით იდენტიფიცირებული ღატაკი ოჯახების სოციალურ-ეკონომიკური მდგომარეობის გაუმჯობესება.
ამ მიზნით, მაისში სახელმწიფომ 27.7 მლნ ლარი გასცა. წლის დასაწყისიდან მაისის ბოლომდე პერიოდში კი 135 მილიონ ლარზე მეტი.
