Gallup-ის თანახმად, მსოფლიოში მზარდი კონფლიქტების მიუხედავად, მსოფლიო მოსახლეობის 73% ღამით საკუთარ ქვეყანაში მარტო სეირნობისას თავს უსაფრთხოდ გრძნობს. უფრო მეტიც, ეს მაჩვენებელი თითქმის ორი ათწლეულის განმავლობაში ყველაზე მაღალია. მაგალითად, 2006 წელს უსაფრთხოების გლობალური აღქმა 63%-ს შეადგენდა, რაც წლების განმავლობაში სტაბილურად იზრდებოდა.
Gallup-ის 2025 წლის გლობალური უსაფრთხოების ანგარიშის მიხედვით, სინგაპური მსოფლიოში ყველაზე უსაფრთხო ქვეყნად არის მიჩნეული, რასაც დანაშაულის დაბალი მაჩვენებელი და კანონისა და წესრიგის მაღალი ხარისხი უწყობს ხელს. უფრო კონკრეტულად, სინგაპურში თავს უსაფრთხოდ ქვეყნის მოსახლეობის 98% გრძნობს, მათ შორის ქალების 97%.
ამის საპირისპიროდ, უსაფრთხოების აღქმის კუთხით, აშშ-ში გენდერული სხვაობა 26 პროცენტულ პუნქტს შეადგენს, სადაც ქალების მხოლოდ 58% გრძნობს თავს უსაფრთხოდ.
აღსანიშნავია, რომ აზიისა და ახლო აღმოსავლეთის ბევრი ქვეყანა უსაფრთხოების აღქმის მხრივ მაღალი რეიტინგით სარგებლობს, მათ შორის პირველ ათეულში არიან ტაჯიკეთი, ჩინეთი, საუდის არაბეთი და არაბთა გაერთიანებული საამიროები.
მეორე მხრივ, სამხრეთი აფრიკა მსოფლიოში ყველაზე ნაკლებად უსაფრთხო ქვეყნად მიიჩნევა. მოქალაქეები, არაეფექტიანი საპოლიციო სისტემისა და ქვეყნის ძალადობის ისტორიის გათვალისწინებით, ძარცვის ან თავდასხმის მაღალი რისკის წინაშე დგანან. ლათინურ ამერიკაში უსაფრთხოების ყველაზე დაბალი აღქმა ჩილეში აქვთ.
| ყველაზე უსაფრთხო ქვეყნები | % მოსახლეობის, რომელიც ღამით მარტო სეირნობისას თავს უსაფრთხოდ მიიჩნევს | ყველაზე ნაკლებად უსაფრთხო ქვეყნები | % მოსახლეობის, რომელიც ღამით მარტო სეირნობისას თავს უსაფრთხოდ მიიჩნევს |
|---|---|---|---|
| სინგაპური | 98 | ჩადი | 41 |
| ტაჯიკეთი | 95 | მიანმარი | 41 |
| ჩინეთი | 94 | ესვატინი | 40 |
| ომანი | 94 | ზიმბაბვე | 40 |
| საუდის არაბეთი | 93 | ჩილე | 39 |
| ჰონგ-კონგი | 91 | ეკვადორი | 38 |
| ქუვეითი | 91 | ლიბერია | 37 |
| ნორვეგია | 91 | ბოტსვანა | 34 |
| ბაჰრეინი | 90 | ლესოტო | 34 |
| არაბთა გაერთ. საამიროები | 90 | სამხრეთი აფრიკა | 33 |
