დღეს ერთ-ერთ უძველეს ვისკის ბრენდზე უნდა მოგიყვეთ – ბრენდზე, რომელიც მრავალი წელია, ფუფუნებასთან ასოცირდება; რომლის დებიუტიც 1909 წელს შედგა და რომელიც მსოფლიოში პირველი ყველაზე ძვირადღირებული ვისკი იყო. დღეისათვის „ჩივას რეგალი” 150-ზე მეტ ქვეყანაში ოპერირებს და ყოველწლიურად 4,6 მილიონ პროდუქტს ყიდის.
მისი ისტორია 1836 წელს ძმებ ჯეიმს და ჯონ ჩივასებით იწყება, რომლებმაც საკმაოდ ახალგაზრდა ასაკში გადაწყვიტეს, მიეტოვებინათ ფერმერობა და მიჰყოლოდნენ უფრო დიდ ოცნებას. მათი იდეა მარცვლეულისა და ალაოს ვისკის შერევას უკავშირდებოდა, თუმცა თავდაპირველად ძმები სასურსათო მაღაზიებში მუშაობდნენ, სადაც ჯეიმსი ჩაის შერევის ხელოვნებას ეუფლებოდა. პარალელურად, მაღაზიის სარდაფებში განთავსებულ კასრებში ვისკის შერევაზეც დაიწყო მუშაობა და შექმნა ის სტილი, რომელიც დღემდე გამოიყენება და ასოცირდება ჰარმონიულ, გლუვ და მდიდრულ გემოსთან. 1857 წელს ძმებმა უკვე ოფიციალურად დააფუძნეს Chivas Brothers-ის საოჯახო ბიზნესი.
10 ფაქტი, რომელიც უნდა ვიცოდეთ ბრენდზე:
1. დიახ, ის შერეული ვისკია და ეს კარგია
შერწყმა, ისევე როგორც, ხატვა, შემოქმედებითი პროცესია. თუ მხატვრობაში ერთმანეთს ერევა ფერები, ვისკის შემთხვევაში, ალკოჰოლის შერევა ხდება, ეს კომბინაცია კი მას ჰარმონიულ, ღრმა და მრავალმხრივ ელფერს ანიჭებს. შერეული სკოჩი, როდესაც ის სწორად გაკეთდება, დაძველებული ალკოჰოლური სასმელებისგან იღებს მხოლოდ საუკეთესოს ალაოსა და მარცვლეულს, სასმელს კი ერთდროულად ანიჭებს სირთულეს, ხასიათსა და სიმსუბუქეს.
2. ძმებმა შექმნეს შერეული ვისკის სახეობა
როდესაც ძმებმა ჩივასებმა დაიწყეს ვისკის კეთება, მათ შეურიეს ალაოსა და ხორბლის ვისკი, რათა მიეღოთ მაღალი დონის სასმელი. ამ ტექნიკის მიზანი განსხვავებული გემოს მიღება იყო, რადგან ერთი ალაოს ვისკის შეიძლება ჰქონდეს მშვენიერი ინდივიდუალური გემო, მაგრამ ის ერთგანზომილებიანია და არ აქვს ბევრი ასპექტი. შერეული ვისკით კი შეგიძლიათ აწარმოოთ რაღაც ბევრად უფრო რთული და კომბინირებული.
3. Chivas Brothers-მა მოიპოვა სამეფო ორდერი
1842 წელს, როდესაც თავისი მეფობისას დედოფალი ვიქტორია პირველად ეწვია შოტლანდიას, Chivas Brothers-ს ევალებოდათ საქონლის მიწოდება მისი უდიდებულესობისთვის. დედოფალი იმდენად მოხიბლული დარჩა ძმების მომსახურებით, რომ თანამშრომლობის ერთი წლის თავზე მათ გადასცა სამეფო ორდერი, რაც სამომავლოდ იმის მიზეზი გახდა, რომ ბრენდის სახელად Chivas Regal აირჩიეს.
4. Chivas Regal გახდა პირველი „Luxury“ შოტლანდიური ბრენდი
მსოფლიო სცენაზე Chivas Regal პიონერი იყო, რომელმაც ფუფუნების საგნად აქცია ვისკის დალევა, რადგან მან აწარმოა საკმაოდ ძვირადღირებული სასმელი. გარდა შერევის უნიკალური ტექნოლოგიისა, მისი მაღალი ხარისხი და საფასური სხვა კომპონენტებზეცაა დამოკიდებული. მაგალითად, მის სიძველეზე, რადგან ვისკი კასრებში დაახლოებით 20 წელიწადი ინახება, ზოგჯერ მეტიც. ის დღემდე ემსახურება მიზანს, რომ იყოს ყველა სხვა კონკურენტისგან გამორჩეული.
5. იგი მზადდება შოტლანდიის უძველეს, მუდმივად მოქმედ დისტილერიაში
Chivas Regal-ის Heart Spirit იწარმოება Strathisla-ს დისტილერიაში, რომელიც შოტლანდიის ყველაზე ნაყოფიერ რეგიონში მდებარეობს. Strathisla არის უძველესი სამუშაო სახდელი ქარხანა მაღალმთიანეთში, რომელმაც თავისი პირველი პარტია 1786 წელს გამოიყვანა. ეს არის ადგილი, რომელიც ზოგადად, შოტლანდიურ ვისკის ნახევარი ათასწლეულის განმავლობაში აწარმოებს.
6. Chivas Regal-მა შერწყმა ხელოვნებად აქცია – დნმ-ის 3D პორტრეტები
დნმ-ის მოლეკულები ცხოვრობენ ჩვენი სხეულის თითქმის ყველა უჯრედში და ატარებენ ჩვენი მშობლებისგან გადმოცემულ ნიშან-თვისებებს, რათა გავხდეთ ის, ვინც ვართ. 2016 წელს ციფრული მხატვრები FIELD-დან, პარტნიორობდნენ Chivas Regal-თან, რათა დაეკავშირებინათ ხელოვნება დნმ-ის ანალიზთან. მათ გააცოცხლეს ხუთი თანამშრომლის დნმ იმ დისტილერიიდან, რომლებმაც შექმნეს Chivas Regal Ultis.
7. Chivas Venture – ახალგაზრდა ნიჭის მხარდაჭერა
ბრენდი ყოველთვის წარმატებასა და კეთილშობილებაზეა ორიენტირებული. პრინციპები, რომლებიც დამფუძნებლებს, ჯეიმს და ჯონ ჩივასებს ჰქონდათ ჯერ კიდევ მე-19 საუკუნეში, დღესაც შენარჩუნებულია. წელს ბრენდმა განაახლა ფორმატი, რომელიც მხარს უჭერს სოციალურ ცვლილებებს ადგილობრივ თემებში. ეს ცვლილება ნიშნავს, რომ ჩვენ შეგვიძლია შევიდეთ თემების გულში და დავეხმაროთ რეალურად მნიშვნელოვან საკითხებში. მომავალ ახალგაზრდა ნიჭს, რომელიც იბრძვის, ლიდერები ასწავლიან უნარებსა და შესაძლებლობებს, რათა მათ შეძლონ თავიანთი იმპერიის აშენება, მსოფლიოში სიკეთის კეთება.
8. ყოველთვის იზეიმეთ წარმატება ჩივასთან ერთად
Chivas Regal მისი არსებობის პირველივე დღიდან წარმატების სინონიმი იყო. ამ სტატუსის შესანარჩუნებლად Chivas-მა შეიმუშავა Chivas XV – სადღესასწაულო საშუალება შერეული შოტლანდიური ვისკით ტკბობისთვის. გარდა ამისა, შეიქმნა პარტნიორობა მემკვიდრეობის, გამბედაობისა და ინოვაციების ავთენტურ შერწყმაზე Balmain-თან, რის ფარგლებშიც ჩატარდა ღონისძიება, რომელიც ფუფუნებას, შთაგონებასა და წარმატებას ეხმიანება.
9. ერთი ალაოს და მარცვლოვანი ვისკის ნაზავი
Chivas Regal-ში იყენებენ შოტლანდიის საუკეთესო დისტილერიების ალაოსა და მარცვლოვანი ვისკის ნაზავს. ეს მოიცავს უაღრესად პატივცემულ Strathclyde-სა და Longmorn-ის დისტილერიებს და, რა თქმა უნდა, ლეგენდარულ Strathisla-ს, რომელიც აწარმოებს ერთ ალაოს ბრენდის ნარევების შესაქმნელად.
10. Chivas Regal თვლის, რომ შერევის ტექნიკა კარგად არა მხოლოდ ვისკიში, არამედ ცხოვრებაშიც მუშაობს
ეს ფილოსოფია გამოხატულია მსოფლიოს უდიდეს საფეხბურთო კლუბ მანჩესტერ იუნაიტედთან მხარდაჭერითა და პარტნიორობით, რაც უამრავ ადამიანს აერთიანებს უფრო დიდი მთლიანობის შესაქმნელად. როდესაც გუნდმა მოიგო პრემიერ ლიგა, ინგლისის თასი და ევროპის თასი იმავე სეზონში, ბრენდმა ამ მოვლენების პატივსაცემად, საგანგებოდ შექმნა პროდუქტი კიდევ უფრო გამორჩეული ნაზავის შესაქმნელად. გარდა ამისა, თითოეული ამ სერიიდან შემოსული თანხით ეხმარებოდა Beyond Sport Foundation-ს, რომელიც ხელს უწყობს სპორტის გამოყენებას სოციალური საკითხების მოსაგვარებლად მთელ მსოფლიოში.
სტატია მომზადებულია Marketer.ge-ის მიერ.
