უნგრული Wizz Air-ის განცხადებით, 2026 წლის მარტისთვის ავიაკომპანია ვენის აეროპორტიდან ფრენებს სრულად შეწყვეტს. შესაბამისად, გაუქმდება ვენა-ქუთაისის მიმართულების რეისებიც.
როგორც ცნობილია, ფრენების ნაწილი 2025 წლის ოქტომბერში გაუქმდება, დანარჩენი რეისები კი – 2026 წლის მარტამდე.
Wizz Air-ის მმართველი დირექტორის, მაურო პენედას განმარტებით, ვენის აეროპორტში გადასახადები და სხვადასხვა მომსახურების ფასები ბაზის გახსნის პერიოდიდან მნიშვნელოვნად გაიზარდა, რის გამოც ავიაკომპანიისთვის იქ ოპერაციების გაგრძელება აღარ არის შესაძლებელი.
შეგახსენებთ, ივლისში Wizz Air-მა განაცხადა, რომ ექვსი წლის წინ გახსნილ აბუ-დაბის ზარალიან ბაზას დახურავდა და ყურადღებას აღმოსავლეთ ევროპაზე გადაიტანდა, რომელიც ცენტრალურ ევროპასთან ერთად მისი ბიზნესის დაახლოებით ორ მესამედს მოიცავს.
ავიაკომპანიამ ასევე ივლისში განაცხადა, რომ სექტემბრისთვის ისრაელში სრული დატვირთვით დაბრუნდება.
