ტექნოლოგიურ კომპანიებში გასულ წელს დაწყებული სამუშაო ადგილების შემცირების ტენდენცია 2024-შიც გრძელდება.
ვებსაიტ Layoffs.fyi-ის თანახმად, Microsoft-მა, Snap-მა, eBay-მა და PayPal-მა და სხვა 134-მა ტექნოლოგიურმა კომპანიამ წელს ასობით თანამშრომელი დაითხოვა. სამუშაო ადგილების რაოდენობა 34,000-თაა შემცირებული.
აღსანიშნავია, რომ შემცირების გეგმები უფრო მეტად სტრატეგიულია, ვიდრე სეზონური.
პანდემიის დროს კომპანიებმა ჭარბი ინვესტიციები განახორციელეს და დაქირავება გაზარდეს იმ მოლოდინით, რომ ციფრული ცხოვრების სტილზე გადასვლის სიჩქარე შენარჩუნდებოდა, თუმცა ასე არ მოხდა და 2023 წელს კომპანიებს 263,000 ადამიანის გათავისუფლება მოუწიათ.
ახლა კი სამუშაო ადგილების შემცირების ხარჯზე ტექნოლოგიურ კომპანიებს ხელოვნურ ინტელექტში ინვესტირების გაზრდა სურთ. 2024 წლისთვის მსგავსი გეგმები აქვთ Amazon-ს, Google-ს, Alphabet-სა და Spotify-საც.
ასევე წაიკითხეთ: ტექნოლოგიური გიგანტები თანამშრომელთა გათავისუფლებას წელსაც განაგრძობენ
