საქართველოს ბანკი ახალგაზრდებისთვის განათლების შესაძლებლობების შექმნას განაგრძობს. სწორედ ამ მიზნით, ფინანსური ინსტიტუტი საჯარო მეტყველების კონკურსის გენერალური სპონსორია.
ახლახან საჯარო მეტყველების კონკურსის ფინალური ტური გაიმართა, რომელშიც მონაწილეობა 11-მა ახალგაზრდამ მიიღო.
მათ მოამზადეს 5 წუთიანი სიტყვით გამოსვლა თემაზე „Unity, to be real, must stand the severest strain without breaking” (ნამდვილი ერთობა მაშინ შედგება, თუ უმძიმეს წნეხს გაუძლებს და არ გატყდება). შედეგად, ჟიურიმ სამი საუკეთესო შედეგის მქონე მონაწილე გამოავლინა.
2025 წლის საჯარო მეტყველების კონკურსის გამარჯვებული ნინი გაფრინდაშვილი გახდა, თემის სათაურით „Family Dinners”.
ნინი გაფრინდაშვილი საჯარო მეტყველების საერთაშორისო კონკურსის დასკვნით, ფინალურ ეტაპში მიიღებს მონაწილეობას, რომელიც 12-17 მაისს, ლონდონში გაიმართება.
კონკურსის ფარგლებში მეორე ადგილი დაიკავა ნია ნორაკიძემ, თემის სათაურით „Shelves That Hold Nations”, ხოლო მესამე ადგილის მფლობელი ნიკოლოზ პავლიაშვილი გახდა, თემით „Annoying, Messy, Woth it?”
2025 წლის საჯარო მეტყველების კონკურსის ჟიურის წევრები იყვნენ: დიდი ბრიტანეთის ელჩის მოადგილე- ჩარმიან ლივერი; ამერიკის შეერთებული შტატების საელჩოს წარმომადგენელი- ლორენ უილიამსონი; საქართველოს ბანკის წარმომადგენელი- ელენე ოქრომჭედლიშვილი; შეფასებისა და გამოცდების ეროვნული ცენტრის ყოფილი დირექტორი- სოფო გორგოძე და ESU-Georgia-ს პრეზიდენტი- მარინა ციციშვილი.
კონკურსის შესახებ დეტალური ინფორმაციის მისაღებად ეწვიეთ ვებგვერდს.
ინფორმაციისთვის, აღნიშნული პროექტი საქართველოში ინგლისურ ენაზე მოლაპარაკეთა კავშირის მიერ ხორციელდება და მასში მონაწილეობას 16-20 წლამდე ასაკის ახალგაზრდები იღებენ. ინგლისურ ენაზე მოლაპარაკეთა კავშირი 1918 წელს დიდ ბრიტანეთში დაარსდა, მისი მთავარი მიზანია ინგლისური ენის საშუალებით ხალხთა შორის მეგობრობისა და ურთიერთგაგების განმტკიცება. საერთაშორისო კონკურსი საჯარო მეტყველებაში ESU-ს ერთ-ერთი ყველაზე გამორჩეული პროგრამაა. საქართველოში ეს პროექტი 1998 წლიდან ხორციელდება. დღესდღეობით კონკურსში მონაწილე ქვეყნების რაოდენობა 60-ს ითვლის, ხოლო მონაწილეთა რიცხვი კი 1 000 000-ს აღწევს. პროექტის ფინანსური მხარდაჭერა საქართველოს ბანკმა 2012 წლიდან დაიწყო.
ახალგაზრდების მხარდაჭერის მიზნით, საქართველოს ბანკის CSR მიმართულებისთვის უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი – STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა.
საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს csr.bog.ge
