უფასო ონლაინ ენციკლოპედია Wikipedia ყოველწლიურად პლატფორმაზე ყველაზე ხშირად მოძიებული თემების შესახებ მონაცემებს აქვეყნებს. როგორც აღმოჩნდა, 2023 წელს Wikipedia-ზე ყველაზე პოპულარული ChatGPT-ის შესახებ ინფორმაცია იყო.
ChatGPT ამერიკულმა სტარტაპმა OpenAI-მ, Microsoft-ის მხარდაჭერით, მსოფლიოს გასული წლის ნოემბერში წარუდგინა. ხელოვნური ინტელექტის ჩატბოტმა მომხმარებელთა აღტაცება მალევე დაიმსახურა. ცნობისთვის, ChatGPT-ის შესაძლებლობებში კოდის დაწერა, სხვადასხვა კითხვაზე პასუხის გაცემა, კვლევების ჩატარება, ასევე ესეებისა და რეზიუმეების დაწერა შედის.
მალევე ჩატბოტმა საზოგადოებაში მწვავე დებატები გამოიწვია გენერაციული ხელოვნური ინტელექტის პოტენციურ საფრთხესთან და მის რეგულირებასთან დაკავშირებით. როგორც საზოგადოების ნაწილი ფიქრობს, მას ყველაზე დიდი უარყოფითი გავლენა კულტურულ სფეროზე ექნება. გარდა ამისა, შიშობენ, რომ ChatGPT-ის მსგავსი ჩატბოტები გარკვეულ სამსახურებში ადამიანების ჩანაცვლებას შეუწყობს ხელს და სამუშაო ადგილების შემცირებას განაპირობებს.
2023 წელს Wikipedia-ზე მეორე ყველაზე მეტჯერ წაკითხული სტატია დაღუპულთა წლიური სია იყო. გარდაცვლილი ცნობილი ადამიანების შესახებ ცალკეულმა ჩანაწერებმა წელს ასევე დიდი ინტერესი გამოიწვია, მათ შორის მეთიუ პერისა და ლიზა მარი პრესლიზე მასალამ.
Wikimedia Foundation-ის მონაცემებით, ინგლისურენოვანმა Wikipedia-მ წელს 84 მილიარდზე მეტი ნახვა დააგროვა.
წარმოგიდგენთ 2023 წელს 25 ყველაზე პოპულარულ თემას ინგლისურენოვან Wikipedia-ზე:
1. ChatGPT: 49,490,406 ნახვა
2. სიკვდილიანობა 2023 წელს: 42,666,860 ნახვა
3. 2023 წლის კრიკეტის მსოფლიო თასი: 38,171,653 ნახვა
4. ინდოეთის პრემიერ ლიგა: 32,012,810 ნახვა
5. ოპენჰაიმერი (ფილმი): 28,348,248 ნახვა
6. კრიკეტის მსოფლიო თასი: 25,961,417 ნახვა
7. რობერტ ოპენჰაიმერი: 25,672,469 ნახვა
8. ჯავანი (ფილმი): 21,791,126 ნახვა
9. 2023 წლის ინდოეთის პრემიერ ლიგა: 20,694,974 ნახვა
10. პატჰაანი (ფილმი): 19,932,509 ნახვა
11. უკანასკნელი ჩვენგანი (სერიალი): 19,791,789 ნახვა
12. ტეილორ სვიფტი: 19,418,385: ნახვა
13. ბარბი (ფილმი): 18,051,077 ნახვა
14. კრიშტიანუ რონალდუ: 17,492,537 ნახვა
15. ლიონელ მესი: 16,623,630 ნახვა
16. პრემიერ ლიგა: 16,604,669 ნახვა
17. მეთიუ პერი: 16,454,666 ნახვა
18. ამერიკის შეერთებული შტატები: 16,240,461 ნახვა
19. ილონ მასკი: 14,370,395 ნახვა
20. ავატარი: წყლის გზა: 14,303,116 ნახვა
21. ინდოეთი: 13,850,178 ნახვა
22. ლიზა მარი პრესლი: 13,764,007 ნახვა
23. გალაქტიკის მცველები, ნაწილი მე-3: 13,392,917 ნახვა
24. რუსეთის შეჭრა უკრაინაში: 12,798,866 ნახვა
25. ენდრიუ ტეიტი: 12,728,616 ნახვა
