საქართველოს კალათბურთელთა ნაკრები ზედიზედ მესამედ თამაშობს ევროპის ჩემპიონატის ფინალურ ეტაპზე. საინტერესო რუსტერი და კარგი მწვრთნელი. საუკეთესო ოპონენტებთან თამაშის გამოცდილება ნაკრებმა უკვე მიიღო და მთავარ მწვრთნელს, იგორ კოკოშკოვს ახალ დონეზე, მეოთხედფინალში გადასვლის კარგი შანსი აქვს.
ნაკრების ლიდერები სტაბილურად იღებენ სათამაშო დროს და აკომპანიატორებიც თითქმის არ იცვლებიან. ზაზა ფაჩულია ნაკრებში ყველაზე შეუცვლელი პერსონაა. ზაზა ბოლო სეზონში Milwaukee Bucks-ში ჯეისონ კიდის მოთამაშე-ასისტენტი იყო. თორნიკე შენგელიამ ესპანურ Laboral Kutxa-ში სამწლიანი კონტრაქტის პირველი სეზონი დაფარა და მოუმატებს, რუსეთში ითამაშა ვიქტორ სანიკიძემ და იტალიურ Cantu-ში დახურა რეგულარული ნაკრების მეორე ცენტრმა, გიორგი შერმადინმა. კოკოშკოვი ხორვატიაში, ევრობასკეტის პირველ ჯგუფურ ეტაპზე საინტერესო გუნდით ჩადის.
ნაკრების კანდიდატების ძირითადი ბირთვი სტაბილური კონტრაქტებით თამაშობდა. რამდენიმე ლეგიონერი (დუდა სანაძე, San Diego, NCAA და ოთარ ფხაკაძე, Langston University) თამაშის პარალელურად, სწავლობს და ეს შემოსავალი სტანდარტულ პროფესიულ კონტრაქტში არ გადის. და იცვლება ყველა მოთამაშის ღირებულებაც ჩემპიონატის დონიდან გამომდინარე. გადავხედოთ ნაკრების წევრების შარშანდელ და მოქმედ საკონტრაქტო პირობებს.
ზაზა ფაჩულია. 2014/2015 – MILWAUKEE BUCKS-ი (NBA). შემოსავალი – $5.2 მილიონი.
ახალ სეზონს ზაზა Dallas Mavericks-ში (NBA) დაიწყებს. თანხა უცვლელია. ჩანდლერ პარსონსის, უესლი მეთიუზისა და დირკ ნოვიცკის შემდგე, ზაზა „დალასის“ ყველაზე მაღალანაზღაურებადი მოთამაშეა.
თორნიკე შენგელია. 2014/2015 – LABORAL KUTXA (ესპანეთი). შემოსავალი – 600 000 ევრო.
შენგელიას კლუბთან სამწლიანი კონტრაქტი აქვს. შემდეგ ორ სეზონში თორნიკეს შემოსავალი შეადგენს, შესაბამისად, 700 000 და 800 000 ევროს. ფორვარდის პერსპექტივა და სურვილი NBA-ში დაბრუნებაა.
ვიქტორ სანიკიძე. 2014/2015 – UNICS-ი (რუსეთი). შემოსავალი – 600 000 ევრო.
სანიკიძემ „უნიქსთან“ 10-თვიანი კონტრაქტი გააფორმა. ყოველთვიური შემოსავალი შეადგენდა 60 000 ევროს. პარალელურად, ვიქტორს აქვს კონტრაქტი ქართულ სარეკლამო კომპანია Windfors-თან. შემოსავალი არ არის ფიქსირებული.
გიორგი შერმადინი. 2014/2015 – CANTU (იტალია). შემოსავალი – 120 000 ევრო.
შერმადინი მეორედ გადავიდა “კანტუში” და კლუბთან 6-თვიანი კონტრაქტი გააფორმა, რომლის მიხედვით, თვეში 20 000 ევროს იღებდა. დღეს გიორგი თავისუფალი აგენტია.
ნიკა მეტრეველი. 2014/2015 – AZZURRO BASKET 2013 (იტალია), შსს-აკადემია (საქართველო). შემოსავალი – 25 000 ევრო და 40 000 ლარი.
ნიკამ სეზონი იტალიაში დაიწყო. 5-თვიანი ხელშეკრულება, საშუალოდ 5 000 ევრო. მეტრეველი დაბრუნდა საქართველოში და სუპერლიგის ერთ- ერთი ძვირად ღირებული მოთამაშე გახდა. 5 თვეში შსს-მ ნიკას 40 000 ლარი გადაუხადა.
გიორგი ცინცაძე. 2014/2015 – შსს-აკადემია (საქართველო). შემოსავალი – 90 000 ლარი.
სუპერლიგის საუკეთესო მოთამაშე, ნაკრების ძირითადი გამთამაშებელი, სუპერფინალის MVP – ცინცაძეს ძალიან კარგი სეზონი აქვს. სუპერლიგის ჩემპიონთან შარშან გააფორმა 5-თვიანი კონტრაქტი და თვეში 18 000 ლარს იღებდა, რაც ქართველი მოთამაშის სახელფასო რეკორდი იყო სუპერლიგაში.
ბექა ბურჯანაძე. 2014/2015 – BASQUET CORUÑA (ესპანეთი). შემოსავალი – 23 000 ევრო.
ბექა ესპანეთში პროგრესირებს. ბურჯანაძემ კლუბისგან 10-თვიანი ხელშეკრულება მიიღო. თვეში – 2 300 ევრო. მოუმატებს ბურჯანაძე და გაიზრდება მისი ღირებულება. ეს ბექამაც იცის.
ბესიკ ლეჟავა. 2014/2015 – “დინამო” (საქართველო). შემოსავალი – 48 000 ლარი.
“დინამოს” ლიდერი და სუპერლიგის ვეტერანი, ლეჟავა გუნდში 8-თვიანი კონტრაქტით თამაშობს. თვეში 6 000 ლარს იღებს და „დინამო“ გადის ფინალში, სადაც აგებს სერიას შსს-თან 1:3.
ბექა წივწივაძე. 2014/2015 – შსს-აკადემია (საქართველო). შემოსავალი – 35 000 ლარი.
წივწივაძე სუპერლიგაში ერთ-ერთი საუკეთესოა. შსს-აკადემია ჩემპიონი გახდა და ბექა ამ გუნდის კაპიტანი იყო. კარგი კონტრაქტით – 5 თვე, საშუალოდ 7 000 ლარი.
