პენტაგონის მიერ გავრცელებული განცხადების თანახმად, ChatGPT-ის შემქმნელმა OpenAI-მ 200 მილიონი დოლარის ღირებულების კონტრაქტი მიიღო, რომელიც აშშ-ის თავდაცვის დეპარტამენტისთვის ხელოვნური ინტელექტის ინსტრუმენტების მიწოდებას ითვალისწინებს.
„ამ კონტრაქტის ფარგლებში, შემსრულებელი სასაზღვრო მიმართულებისთვის ხელოვნური ინტელექტის პროტოტიპებს შეიმუშავებს, რათა ეროვნული უსაფრთხოების კრიტიკულ გამოწვევებს გაუმკლავდეს როგორც საომარ, ასევე საწარმოო სფეროებში“, – განაცხადა პენტაგონმა.
OpenAI-მ გასულ კვირას გაავრცელა ინფორმაცია, რომ ივნისის მონაცემებით, მისი პროგნოზირებული წლიური შემოსავლის მაჩვენებელი 10 მილიარდ დოლარამდე გაიზარდა, რაც კომპანიას საშუალებას აძლევს, 2025 წლის მიზნებს სრულად მიაღწიოს. ამაში კი ხელს ხელოვნურ ინტელექტზე მზარდი მოთხოვნაც შეუწყობს.
მარტში OpenAI-მ განაცხადა, რომ SoftBank Group-ის ხელმძღვანელობით დაფინანსების ახალი რაუნდის ფარგლებში 40 მილიარდ დოლარამდე მოიზიდავს და 300 მილიარდი დოლარის შეფასებას მიაღწევს.
მარტის ბოლოს მონაცემებით, OpenAI-ის ყოველკვირეული აქტიური მომხმარებლების რაოდენობა 500 მილიონს უტოლდებოდა.
