ამერიკულმა Forbes-მა NBA-ის ყველაზე ძვირადღირებული გუნდების 2025 წლის რეიტინგი გამოაქვეყნა. ზედიზედ მეოთხე წელია, სიაში პირველობას Golden State Warriors-ი ინარჩუნებს. გამოცემის შეფასებით, გუნდის ღირებულება $11 მილიარდს შეადგენს.
აღსანიშნავია, რომ Warriors-მა გასულ სეზონში $880 მილიონი გამოიმუშავა — ორჯერ მეტი, ვიდრე NBA-ის საშუალო მაჩვენებელია ($417 მილიონი). Forbes-ის დაკვირვებით, გუნდი ყველა კატეგორიაში პირველ სამეულში ხვდება, მათ შორის სპონსორობითა და პრემიუმ-ბილეთების გაყიდვით. ჩრდილოეთ ამერიკის სპორტულ ლიგებში Warriors-ი შემოსავლით მხოლოდ NFL-ის Dallas Cowboys-ს ჩამორჩება, რომელმაც 2024 წელს $1.2 მილიარდის შემოსავალი მიიღო.
მილიარდერ მარკ უოლტერის მიერ Los Angeles Lakers-ის $10 მილიარდად შეძენის შეთანხმება, რომელიც NBA-ის დამტკიცებას ელოდება, შესაძლოა სპორტული გუნდის საკონტროლო პაკეტის შესყიდვის ყველაზე ძვირადღირებული გარიგება გახდეს. თუმცა Lakers-ი ჯერჯერობით ვერ ახერხებს Warriors-ის გადასწრებას და მხოლოდ მეორე ადგილს სჯერდება.
Forbes-ის რეიტინგში მესამე ადგილზე New York Knicks-ია $9.75-მილიარდიანი ღირებულებით. ექსპერტების ნაწილი მიიჩნევს, რომ Lakers-ისა და Knicks-ის ფასები რეალურ შემოსავლებზე მეტად, მათი ბრენდის ისტორიულ ღირებულებასა და ბაზრის მასშტაბზეა დამოკიდებული.
NBA-ის საერთო შემოსავალი გასულ სეზონში 10%-ით გაიზარდა და $12.5 მილიარდს მიაღწია. 2025-26 წლებში კი კიდევ უფრო დიდი ზრდაა მოსალოდნელი – ახალი 11-წლიანი, $76-მილიარდიანი სატელევიზიო კონტრაქტის ძალაში შესვლის შემდეგ, რომელიც ლიგამ Disney-სთან, NBCUniversal-თან და Amazon Prime Video-სთან გააფორმა.
ამით NBA-ის 30 გუნდის საშუალო ღირებულება $5.4 მილიარდამდე გაიზარდა, რაც წინა წელთან შედარებით 21%-ით მეტია. ბოლო ტრანზაქციები, მათ შორის Boston Celtics-ის $6.7 მილიარდად და Portland Trail Blazers-ის $4.25 მილიარდად შეფასება, ლიგის მნიშვნელოვან ფინანსურ ზრდას ადასტურებს.
NBA-ის 10 ყველაზე ძვირადღირებული გუნდი
#1. $11 მილიარდი
Golden State Warriors
ერთწლიანი ცვლილება: 25% | შემოსავალი: 880 მილიონი დოლარი | საოპერაციო შემოსავალი: 409 მილიონი დოლარი | მფლობელები: ჯო ლაკობი, პიტერ გუბერი
#2. $10 მილიარდი
Los Angeles Lakers
ერთწლიანი ცვლილება: 41% | შემოსავალი: 551 მილიონი დოლარი | საოპერაციო შემოსავალი: 170 მილიონი დოლარი | მფლობელები: ჯერი ბასის ოჯახის ტრასტი, მარკ უოლტერი, ტოდ ბოული
#3. $9.75 მილიარდი
New York Knicks
ერთწლიანი ცვლილება: 30% | შემოსავალი: $532 მილიონი | საოპერაციო შემოსავალი: $98 მილიონი | მფლობელი: Madison Square Garden Sports
#4. $7.5 მილიარდი
Los Angeles Clippers
ერთწლიანი ცვლილება: 36% | შემოსავალი: 569 მილიონი დოლარი | საოპერაციო შემოსავალი: 154 მილიონი დოლარი | მფლობელი: სტივ ბალმერი
#5. $6.7 მილიარდი
Boston Celtics
ერთწლიანი ცვლილება: 12% | შემოსავალი: $458 მილიონი | საოპერაციო შემოსავალი: $116 მილიონი | მფლობელები: ბილ ჩისჰოლმი, გროუსბეკების ოჯახი
#6. $6 მილიარდი
Chicago Bulls
ერთწლიანი ცვლილება: 20% | შემოსავალი: 434 მილიონი დოლარი | საოპერაციო შემოსავალი: 160 მილიონი დოლარი | მფლობელი: ჯერი რეინსდორფი
#7. $5.9 მილიარდი
Houston Rockets
ერთწლიანი ცვლილება: 20% | შემოსავალი: $467 მილიონი | საოპერაციო შემოსავალი: $191 მილიონი | მფლობელი: ტილმან ფერტიტა
#8. $5.7 მილიარდი
Miami Heat
ერთწლიანი ცვლილება: 34% | შემოსავალი: $417 მილიონი | საოპერაციო შემოსავალი: $110 მილიონი | მფლობელი: მიკი არისონი
#9. $5.6 მილიარდი
Brooklyn Nets
ერთწლიანი ცვლილება: 17% | შემოსავალი: $402 მილიონი | საოპერაციო შემოსავალი: $50 მილიონი | მფლობელები: ჯოზეფ ცაი, კოხების ოჯახი
#10. $5.45 მილიარდი
Philadelphia 76ers
ერთწლიანი ცვლილება: 18% | შემოსავალი: $472 მილიონი | საოპერაციო შემოსავალი: $204 მილიონი | მფლობელები: ჯოშ ჰარისი, დევიდ ბლიცერი
