მსოფლიოს უმსხვილესი კომპანიებისათვის გასული წელი ნაყოფიერი გამოდგა. განსაკუთრებით შედეგიანი 2024 წელი მსხვილი ბიზნესებისა და ინდუსტრიებისთვის იყო. მოწინავე ტექნოლოგიური კომპანიების, ენერგოსექტორის დომინანტი ფირმებისა და საფინანსო სექტორის წამყვანი კორპორაციების შემოსავლებმა გასულ წელს ხშირ შემთხვევაში ზოგიერთი სახელმწიფოს მშპ-ის მოცულობასაც კი გადააჭარბა.
სტატიაში წარმოგიდგენთ 2024 წლის 50 ყველაზე მოგებიან კომპანიას მსოფლიო მასშტაბით. მონაცემები პლატფორმა Fortune-ის სტატისტიკას ეფუძნება და 2024 ფისკალური წლის განმავლობაში კომპანიების მიერ გადასახადების შემდეგ გენერირებულ მოგებას ითვალისწინებს.
2024 წლის ყველაზე მოგებიანი კომპანია საუდის არაბეთის ნავთობმწარმოებელი Saudi Aramco იყო, რომლის მოგებამაც $120.7 მილიარდი შეადგინა. Saudi Aramco საბაზრო კაპიტალიზაციით მსოფლიოს მეექვსე ყველაზე მსხვილი კომპანიაა და მისი აქციების დიდ ნაწილს საუდის არაბეთის სამეფო ფლობს.
გასული წლის მეორე ყველაზე მოგებიანი კომპანია კი სმარტფონების, ლეპტოპების, სმარტსაათებისა და ყურსასმენების მწარმოებელი ამერიკული Apple-ი იყო. Apple-ის მოგებამ 2024 ფისკალურ წელს $97 მილიარდი შეადგინა, რაც კომპანიის პროდუქტების მაღალი მოგების მარჟის დამსახურებაა.
რეიტინგის მესამე პოზიციას უორენ ბაფეტის საინვესტიციო ფირმა Berkshire Hathaway იკავებს. კომპანიის მოგებამ 2024 წელს $96.2 მილიარდი შეადგინა. Berkshire Hathaway გასული წლის აგვისტოში $1-ტრილიონიანი კომპანიების „კლუბსაც“ შეუერთდა, სადაც ისეთი კორპორაციებია გაერთიანებული, როგორიცაა: Apple-ი, Microsoft-ი, Nvidia, Saudi Aramco და სხვა.
საინტერესოა, რომ 50 ყველაზე მოგებიანი კომპანიიდან 14 – ფინანსურ სექტორში, 12 – ენერგოსექტორში, 8 – ტექნოლოგიურ, 5 – ავტოინდუსტრიაში, 4 – სატელეკომუნიკაციო ბიზნესში, 3-3 კი ჯანდაცვის სექტორსა და საცალო გაყიდვებში საქმიანობს.
წარმოგიდგენთ 2024 წლის 50 ყველაზე მოგებიანი კომპანიის სრულ ჩამონათვალს:
| რეიტინგი | კომპანია | მოგება ($ მილიარდი) | ინდუსტრია |
| 1 | Saudi Aramco | 120.7 | ენერგეტიკა |
| 2 | Apple | 97 | ტექნოლოგიები |
| 3 | Berkshire Hathaway | 96.2 | ფინანსები |
| 4 | Alphabet | 73.8 | ტექნოლოგიები |
| 5 | Microsoft | 72.4 | ტექნოლოგიები |
| 6 | Industrial & Commercial Bank of China | 51.4 | ფინანსები |
| 7 | JPMorgan Chase | 49.6 | ფინანსები |
| 8 | China Construction Bank | 47 | ფინანსები |
| 9 | Meta Platforms | 39.1 | ტექნოლოგიები |
| 10 | Agricultural Bank of China | 38 | ფინანსები |
| 11 | Exxon Mobil | 36 | ენერგეტიკა |
| 12 | Johnson & Johnson | 35.2 | ჯანდაცვა |
| 13 | Toyota Motor | 34.2 | ავტოინდუსტრია |
| 14 | Bank of China | 32.8 | ფინანსები |
| 15 | Amazon | 30.4 | საცალო ვაჭრობა |
| 16 | Nvidia | 29.8 | ტექნოლოგიები |
| 17 | UBS Group | 27.8 | ფინანსები |
| 18 | Taiwan Semiconductor Manufacturing | 27.4 | ტექნოლოგიები |
| 19 | Bank of America | 26.5 | ფინანსები |
| 20 | Petrobas | 24.9 | ენერგეტიკა |
| 21 | HSBC Holdings | 23.5 | ფინანსები |
| 22 | UnitedHealth Group | 22.4 | ჯანდაცვა |
| 23 | TotalEnergies | 21.4 | ენერგეტიკა |
| 24 | Chevron | 21.4 | ენერგეტიკა |
| 25 | China National Petroleum | 21.3 | ენერგეტიკა |
| 26 | China Merchants Bank | 20.7 | ფინანსები |
| 27 | Stellantis | 20.1 | ავტოინდუსტრია |
| 28 | Shell | 19.4 | ენერგეტიკა |
| 29 | Deutsche Telekom | 19.2 | ტელეკომუნიკაციები |
| 30 | Wells Fargo | 19.1 | საცალო ვაჭრობა |
| 31 | Volkswagen | 17.9 | ავტოინდუსტრია |
| 32 | Sberbank | 17.7 | ფინანსები |
| 33 | Fanni Mae | 17.4 | ფინანსები |
| 34 | Visa | 17.3 | ფინანსები |
| 35 | Petronas | 16.3 | ენერგეტიკა |
| 36 | Tencent Holdings | 16.3 | ტექნოლოგიები |
| 37 | Walmart | 15.5 | საცალო ვაჭრობა |
| 38 | Mercedes-Benz Group | 15.4 | ავტოინდუსტრია |
| 39 | Comcast | 15.4 | ტელეკომუნიკაციები |
| 40 | China Mobile Communications | 15.3 | ტელეკომუნიკაციები |
| 41 | BP | 15.2 | ენერგეტიკა |
| 42 | Home Depot | 15.1 | საცალო ვაჭრობა |
| 43 | Tesla | 15.0 | ავტოინდუსტრია |
| 44 | Rosneft Oil | 14.9 | ენერგეტიკა |
| 45 | Novartis | 14.9 | ჯანდაცვა |
| 46 | P&G | 14.7 | სამომხმარებლო |
| 47 | China National Offshore Oil | 14.6 | ენერგეტიკა |
| 48 | AT&T | 14.4 | ტელეკომუნიკაციები |
| 49 | Broadcom | 14.1 | ტექნოლოგიები |
| 50 | Lukoil | 13.6 | ენერგეტიკა |
