ქართველი ფორვარდი ხვიჩა კვარაცხელია ბოლო პერიოდის ნამდვილი აღმოჩენაა. Transfermarkt-ის ინფორმაციით, ის მიმდინარე სეზონში მსოფლიოში ყველაზე მეტად გაძვირებული ფეხბურთელია.
გასულ სეზონში ბათუმის ,,დინამოში’’ თამაშისას კვარაცხელიას ფასი 15 მილიონ ევროს შეადგენდა, ამჟამად კი მისი საბაზრო ღირებულება 85 მილიონ ევროს შეადგენს. ეს რა თქმა უნდა ქართველი შემტევის საოცარი თამაშითაა განპირობებული, რომელსაც იტალიის ჩემპიონატში ადაპტაცია საერთოდ არ გასჭირვებია და ამ სეზონში თვის საუკეთესო მოთამაშედ 3-ჯერ დაასახელეს.
ამჟამინდელი მონაცემებით, კვარაცხელია იტალიის სერია A-ს მეორე ყველაზე ძვირადღირებული ფეხბურთელია თანაგუნდელ ვიქტორ ოსიმენის შემდეგ, რომლის ფასიც 100 მილიონ ევროს შეადგენს.
ცნობისთვის, კვარაცხელიასთან ერთად რეიტინგში პირველ ადგილს ,,ჩელსის’’ არგენტინელი ნახევარმცველი ენცო ფერნანდესი იკავებს, რომელსაც ანალოგიური მაჩვენებელი აქვს.
