მედიასააგენტო Reuters-ი საკითხთან დაკავშირებულ წყაროზე დაყრდნობით წერს, რომ Alphabet-ის შვილობილი კომპანია Google-ი გერმანიაში დაახლოებით 5 მილიარდი ევროს (5.8 მილიარდი აშშ დოლარი) ინვესტირებას გეგმავს. გავრცელებული ინფორმაციის თანახმად, ევროპის უდიდეს ეკონომიკაში ინვესტიცია ინფრასტრუქტურისა და მონაცემთა ცენტრის შესაძლებლობების გაფართოების მიზნით განხორციელდება.
Reuters-ის კიდევ ერთი წყაროს ცნობით, გეგმები მოიცავს ახალი მონაცემთა ცენტრის მშენებლობას დიცენბახში, ფრანკფურტთან ახლოს, ამავდროულად კი Google-ი გააფართოებს უკვე არსებულ ობიექტს ჰანაუში, რომელიც იმავე რეგიონში მდებარეობს.
Google-ს ინვესტიციის მოცულობაზე კომენტარი ჯერჯერობით არ გაუკეთებია.
ამერიკულმა ტექნოლოგიურმა გიგანტმა უკვე განაცხადა, რომ „გერმანიაში მილიარდობით დოლარს ჩადებს და მომავლის რეალურ პრობლემებს ინოვაციების, ხელოვნური ინტელექტისა და კლიმატ-ნეიტრალური ტრანსფორმაციის გზით გადაჭრის“.
გერმანიაში Google-ის ინვესტიციის შესახებ მეტი დეტალი, სავარაუდოდ, ცნობილი დღეს, 11 ნოემბერს ჩანიშნულ პრესკონფერენციაზე გახდება.
