გამოვიდა Forbes Georgia-ს 2023 წლის ოქტომბრის ნომერი.
ყდაზე | ყველაფერი მშენებლობისთვის
სამშენებლო მასალების მწარმოებელი და იმპორტიორი კომპანია GRC ახალბედა მოთამაშიდან ინდუსტრიის წამყვან კომპანიად მალევე იქცა. აღმასრულებელი დირექტორი ლევან ჯანყარაშვილი გეგმავს, ხარისხისა და ინოვაციის 20-წლიანი წარმატება მომავალში რეგიონზეც გაავრცელოს.
მოსაზრება და ფაქტები
საქართველოს 100 ყველაზე შემოსავლიანი კომპანია | ავტორი: კახი ჩაკვეტაძე
31.1 მილიარდი ლარი – სწორედ ამდენია საბანკო სექტორის მიღმა საქართველოს 100 უმსხვილესი კერძო კომპანიის ჯამური შემოსავალი.
რას ვყიდით ევროკავშირში? | ავტორი: ბესო ნამჩავაძე
უმსხვილესი 10 სასაქონლო ჯგუფი, რომლებზეც ევროკავშირში ექსპორტის 77% მოდის.
საქართველო და რეგიონი — ადამიანური კაპიტალის რეიტინგი
„არსებული მდგომარეობით, მომავალი თაობის ადამიანური კაპიტალის პოტენციალით საქართველო ფართო რეგიონის ქვეყნებს შორის ბოლო პოზიციებს იკავებს.“
კავკასიის ეკონომიკა უკრაინის ხარჯზე გაიზარდა | ავტორი: ეგნატე შამუგია
„კავკასიის ეკონომიკებზე რუსეთ-უკრაინის ომის ეფექტი მილევადია, მაგრამ ამ უკანასკნელის გავლენა სომხეთის ეკონომიკაზე კვლავ შეიმჩნევა. ბოლო ორწლიან პერიოდში სომხეთის ეკონომიკის გაფართოების დინამიკა რეგიონში გამორჩეულია. ეკონომიკური ზრდა კვლავ ორნიშნა მაჩვენებელთან ახლოს რჩება.“
ამიერკავკასიის ახალი რეალობა ყარაბაღის კონფლიქტის შემდეგ | ავტორი: გიორგი ცხადაია
„იმისთვის, რომ რეგიონის ახალ გეოპოლიტიკურ რეალობაში სწორად ნავიგაცია შევძლოთ, პირველ რიგში, არ უნდა მოვერიდოთ დღევანდელთან შედარებით უფრო თამამი ნაბიჯების გადადგმას. პასიურობით მხოლოდ რუსეთის გავლენის გაზრდასა და რეგიონის ქვეყნების სუვერენიტეტის დასუსტებას შევუწყობთ ხელს.“
კანდიდატის სტატუსი და ახალი რეკომენდაციები საქართველოს ეკონომიკისთვის | ავტორი: ბესო ნამჩავაძე
„8 ნოემბერს ევროკომისიამ საქართველოსთვის ევროკავშირის კანდიდატი ქვეყნის სტატუსის მინიჭების რეკომენდაცია გასცა. მიუხედავად იმისა, რომ საქართველოს მთავრობამ 2022 წლის ივლისში ევროკავშირის მიერ გაცემული 12 რეკომენდაცია სრულად არ შეასრულა, საქართველოს მაინც გაეხსნა გზა კანდიდატის სტატუსისკენ.“
როგორ შეივსება და დაიხარჯება 2024 წლის სახელმწიფო ბიუჯეტი | ავტორი: ბესო ნამჩავაძე
„საქართველოსთვის 2024 წელი საარჩევნო წელია. შესაბამისად, საინტერესოა, საიდან მიიღებს ბიუჯეტი თითქმის 25 მლრდ ლარს და რაში დახარჯავს ამ ფულს.“
Forbes-ის ლიდერბორდი: ტოპ-კრეატორები
სულ რაღაც სამ წელიწადში კჰაბი ლამე, 160 მილიონზე მეტი ფანით, გახდა ყველაზე პოპულარული ტიკტოკერი მსოფლიოში — ერთი სიტყვის თქმის გარეშე. ბრენდები ახლა დაჟინებით მოითხოვენ, რომ უხმო კომიკოსს ფული გადაუხადონ მისი სოციალური მედიის მაგიის წილის მისაღებად.
Forbes-ის სამყარო
მთელ პლანეტაზე, ჩვენი 45 ლიცენზირებული გამოცემა ექვს კონტინენტს, 27 ენასა და 14 დროის სარტყელს მოიცავს. ყველა მათგანს ერთი მისია აქვს: ანტრეპრენიორული კაპიტალიზმის მხარდაჭერა მისი ყველა ფორმით.
ინტერვიუ და პროფილი
ყველაფერი მშენებლობისთვის | ავტორი: დავით ცირამუა
2003 წელს ქართულ ბიზნესსექტორში ახალი კომპანია გამოჩნდა, ამბიციით, მოიპოვოს სამშენებლო სექტორის უპირობო ნდობა და იქცეს ინდუსტრიის წამყვან მოთამაშედ. სამშენებლო მასალების მწარმოებელი და იმპორტიორი კომპანია GRC-ის აღმასრულებელი დირექტორი ლევან ჯანყარაშვილი Forbes-თან კომპანიის ინოვაციის 20- წლიან ისტორიას აჯამებს.
საინვესტიციო კვლევების პიონერი | ავტორი: დავით ცირამუა
გალტ & თაგარტის წარმატებაში მნიშვნელოვან როლს თამაშობს კვლევის დეპარტამენტი, რომელიც 10 წელზე მეტია, ბიზნესსექტორისთვის კრიტიკულად მნიშვნელოვანი მონაცემებისა და რეკომენდაციების სანდო და მიუკერძოებელი წყარო. ამ მიმართულებას კომპანიაში ევა ბოჭორიშვილი უძღვება.
უნივერსალური ბანკი ახალი მიზნებით | ავტორი: კახი ჩაკვეტაძე
ლიბერთი, რომელიც 1.7 მილიონამდე მომხმარებელს ემსახურება, უნივერსალურ ფინანსურ ინსტიტუტად ჩამოყალიბებისკენ ისწრაფვის. „ჩვენიანი“ ლიბერთის ახალი დაპირება და ფილოსოფიაა, რომლის შუაგულში ბანკის თანამშრომლები და მომხმარებლები იქნებიან. ცვლილებებზე საცალო საბანკო მიმართულების დირექტორს, თორნიკე კორძაიას ვესაუბრეთ.
2023 წელი ენერგომარეგულირებლის თვალით | ავტორი: იზა გვარამაძე
საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარე, დავით ნარმანია Forbes-თან სემეკის 2023 წლის საქმიანობას აჯამებს.
ექიმი, მეცნიერი, ბიზნესმენი | ავტორი: სალომე პაპალაშვილი
პროფესორი მერაბ დვალი თბილისის სახელმწიფო სამედიცინო უნივერსიტეტის ემერიტუსი პროფესორი და თვალის კლინიკა „ახალი მზერის“ დამფუძნებელია. სამედიცინო და სამეცნიერო კარიერაში მისი წარმატება მის ბიზნესზეც ვრცელდება.
ნოვატორი პლასტიკურ ქირურგიაში | ავტორი: იზა გვარამაძე
„ტოტალ შარმი“ საქართველოში 2005 წელს გაიხსნა და მას შემდეგ პლასტიკური და ესთეტიკური ქირურგიის, ასევე დერმატოკოსმეტოლოგიის განვითარებაში მნიშვნელოვანი წვლილი შეაქვს. კლინიკის წარსულსა და მომავალზე „ტოტალ შარმის“ ხელმძღვანელი და წამყვანი ექიმი კონსტანტინე სულამანიძე გვესაუბრა.
საემიგრაციო სამართლის ძიებაში | ავტორი: კახი ჩაკვეტაძე
წლების წინ, უკრაინიდან ნიუ-იორკში ემიგრაციის შემდეგ, ლეონარდ გენდელბერგმა იურიდიული კომპანია GENDELBERG LAW დაარსა, რომელიც ადამიანებსა და ბიზნესებს საემიგრაციო სამართლებრივი სირთულეების დაძლევაში ეხმარება. კომპანია ქართველ იურისტებს ასაქმებს, რაც ქართული ბაზრის მიმართ განსაკუთრებულ აქცენტს განაპირობებს.
ვივეკის პოლიტიკური საინვესტიციო სარგებელი | ავტორი: ჯონ ჰიატი
ფანტასტიკურმა დაპირებებმა და თვითრეალიზებამ 38 წლის ვივეკ რამასვამი მილიარდერი გახადა. იმავე წესებით თამაშმა ხელი შეუწყო მის ადრეულ აღზევებას საპრეზიდენტო პოლიტიკაში. მოიგებს თუ წააგებს ის 2024 წელს, ის აქედან მაინც უფრო მდიდარი და ძლიერი გამოვა, ვიდრე ოდესმე ყოფილა – ზუსტად ისე, როგორც ჩაფიქრებული ჰქონდა.
$93 ტრილიონი ქონების ტრანსფერი | ავტორი: მეტ დუროტი
ბუმერები და მათი მშობლები ამერიკის საოჯახო სიმდიდრის ორ მესამედს აკონტროლებენ. მათ შორის უმდიდრესებმა ათწლეულები გაატარეს იმაზე ფიქრში, თუ რა ბედი ეწეოდა ქონებას მათი წასვლის შემდეგ. Forbes 400-ის ოთხმა, 77-დან 87 წლამდე წევრმა, ჩაატარა მასტერკლასი იმის შესახებ, თუ როგორ უნდა უზრუნველყოთ, რომ თქვენი ფული ქველმოქმედებასა და ბავშვებს გადაეცეს და არა ბიძია სემს.
ისტორია
ვერცხლის იმპერია: ჩინეთი და გარე სამყარო | ავტორი: ნიკა ხოფერია
მონღოლთა უზარმაზარი იმპერიის დაცემის შემდეგ შორეულ აღმოსავლეთსა და ევროპას შორის ურთიერთობა მკვეთრად შემცირდა. მდიდარი და თვითმყოფადი ჩინეთის ახალმა იმპერატორებმა ისტორიიდან ამოშანთეს და დაივიწყეს მონღოლური იუანის დინასტიის მმართველობის ხანა. ჩინური ცივილიზაცია, თავისი გეოგრაფიით, რელიგიითა და იდეოლოგიით, იზოლაციისკენ იყო მიდრეკილი, თუმცა აუცილებელი რესურსის, ვერცხლის გამო ჩინეთისთვის აუცილებელი იყო გარესამყაროსთან კონტაქტი. ეს ლითონი იმპერიის მამოძრავებელ ძალას წარმოადგენდა. ვერცხლმა ჩაკეტილი ქვეყნის კარი გააღო და ის მსოფლიო სავაჭრო სისტემის ნაწილად აქცია.
