BGEO-მ წლის პირველ კვარტალში 108 მილიონის მოგება მიიღო, რაც წინა წლის ანალოგიურ პერიოდთან შედარებით, 24,3%-ით მეტია. საანგარიშო პერიოდში ჯგუფის აქტივები 25,1%-ით გაიზარდა. აქედან ჯგუფის საბანკო ბიზნესის შემოსავალი 221 მილიონ ლარს შეადგენდა, რაც წინა წლის ანალოგიურ პერიოდთან შედარებით, 20,2%-ით მეტია, 2016 წლის მეოთხე კვარტალთან შედარებით კი 4,8%-ით ნაკლები.
საინვესტიციო ბიზნესზე BGEO-ს მოგების 19,7% მოდიოდა, რაც 21,3 მილიონი ლარია. საინვესტიციო ბიზნესიდან GHG-ის შემოსავალმა პირველ კვარტალში 186 მილინი ლარი შეადგინა. M2-ის შემოსავლებმა წლის პირველ სამ თვეში, 2,6 მილიონი შეადგინა, ამასთან კომპანიის გაყიდვებმა 10,1 მილიონი დოლარი შეადგინა, რაც 143 ბინის გაყიდვას მოიცავს.
რაც შეეხება კომუნალურ და ენერგეტიკულ ბიზნესს – GGU-ს შემოსავლებმა 2017 წლის პირველ კვარტალში 28,6 მილიონი ლარი შეადგინა. ჯგუფი აღნიშნავს, რომ GGU-ს მოგების ზრდა გადასახადების ახალ სისტემას უკავშირდება, რომელიც საქართველოში 2017 წლიდან შემოვიდა.
