სადაზღვევო კომპანია “არდისა” და მსოფლიოში წამყვან ჰოსპიტალების ქსელ „აჯიბადემს“ შორის მემორანდუმი გაფორმდა.
მემორანდუმის თანახმად “არდის” დაზღვეულები განახლებული პირობებითა და “ლოიალობის პროგრამით” „აჯიბადემის“ თურქეთის 16 ჰოსპიტალსა და 8 ამბულატორიულ კლინიკაში ისარგებლებენ.
„არდის“ ბიზნესის განვითარების დირექტორმა თეონა გოდერიძემ განაცხადა, რომ ლოიალობის პროგრამა – Health Point Card, ამ სახით სპეციალურად “არდის” დაზღვეულებისთვის შეიქმნა და როგორც ქართულ, ისე თურქულ ბაზარზე უპრეცედენტოა. მისივე თქმით, ამ მემორანდუმის მეშვეობით “არდელები” დამატებით 10-მდე პრივილეგირებულ მომსახურებას მიიღებენ.
„მათ შორისაა, ექსკლუზიური 25%-იანი ფასდაკლება „აჯიბადემის“ ყველა მომსახურებაზე, 40%-იანი ფასდაკლება სრულ სამედიცინო გამოკვლევაზე (Check up), ფიქსირებული მინიმალური ფასები უნიკალური კიბერ ინსტრუმენტით (Cyber Knife) ჩატარებულ ოპერაციებზე და პოზიტრონულ – ემისიურ კომპიუტერულ ტომოგრაფიაზე (PET-CT)“, – ამბობს თეონა გოდერიძე.
მომსახურება ასევე ითვალისწინებს, უფასო მეორე სამედიცინო აზრის დამუშავებას წერილობითი სახით, პირველად სტომატოლოგიურ გამოკვლევას ასევე უფასოდ, თურქეთის აეროპორტებში არსებული “აჯიბადემის” ლაუნჯ ზონებით სარგებლობას, აეროპორტში დახვედრას და უფასო პრემიუმ ტრანსფერს, მზარდ ფასდაკლებებს სხვადასხვა სასტუმროებსა და კვების ობიექტებში, სასწრაფო დახმარების მომსახურებას თურქეთში ყოფნისას და თარჯიმნის მომსახურებას.
აღსანიშნავია, რომ ლოიალობის პროგრამას პერიოდულად ასევე სხვა ბენეფიტები და მომსახურებები დაემატება, რომლებიც “არდის” დაზღვეულებისთვის ხელმისაწვდომი 5 წლის განმავლობაში ავტომატურად გახდება.
“არდის” გენერალური დირექტორის მიხეილ ჯაფარიძის თქმით, აღნიშნული მომსახურებებით სარგებლობის შესაძლებლობა არა მხოლოდ “Health Point Card”-ის მფლობელ “არდის” დაზღვეულს, არამედ მის მეუღლესა და შვილებსაც ექნებათ, რომლებიც შესაძლოა არ იყვნენ არდის ბენეფიციარები. ლოიალობის ბარათის გააქტიურება კი “არდის” ოჯახის ექიმების დახმარებით მოხდება.
„არდი“ დღეს 70 000-მდე დაზღვეულს ემსახურება და ჩვენი საერთაშორისო სერვისებით ყოველწლიურად 300-ზე მეტი ადამიანი სარგებლობს. „აჯიბადემის“ ქსელთან ჩვენი პარტნიორობის კიდევ უფრო გაფართოების შემდეგ მოლოდინი გვაქვს, რომ კიდევ უფრო მეტი ჩვენი დაზღვეული შეძლებს საჭიროების შემთხვევაში ქვეყნის გარეთ სამედიცინო მომსახურების მიღებას ან სულ მცირე მეორე სამედიცინო აზრის მოძიებას, რომელსაც სრულიად უფასოდ „არდი“ მათთვის დააორგანიზებს“, – ამბობს მიხეილ ჯაფარიძე.
“არდისა“ და “აჯიბადემის” წარმატებულ თანამშრომლობაზე ისაუბრა „აჯიბადემის“ აღმასრულებელმა დირექტორმა რასიმ ტოპუზიმაც და დასძინა, რომ პარტნიორების უპირველესი მიზანი „არდის“ დაზღვეულების ხარისხიან ჯანდაცვაზე წვდომის კიდევ უფრო გაზრდაა.
„ACIBADEM”-ის ქსელი ერთ-ერთი ყველაზე მოთხოვნადია ქართველი პაციენტების მხრიდან. არდისთან ჩვენი თანამშრომლობა 2019 წელს დაიწყო და კომპანიის ღირებულებების გათვალისწინებით იმდენად წარმატებული აღმოჩნდა, რომ მოლოდინს გადააჭარბა, ამიტომ გადავწყვიტეთ თანამშრომლობის ამ ახალ ეტაპზე გადავსულიყავით. იმედს ვიტოვებთ, რომ ლოიალობის ახალი პროგრამა „Health Point Card” მისი ამ განსაკუთრებული ბენეფიტებით, რომელიც სპეციალურად „არდის“ დაზღვეულებისთვის დავამუშავეთ, კიდევ უფრო მეტ კომფორტსა და კმაყოფილებას შექმნის „არდის“ დაზღვეული პაციენტებისთვის „ACIBADEM“-ის ქსელში მომსახურების მიღებისას“ , – აცხადებს აჯიბადემის აღმასრულებელი დირექტორი რასიმ ტოპუზი.
მემორანდუმის ხელმოწერის პარალელურად, ასევე მნიშნელოვანი შესაძლებლობა გახდა ცნობილი. „არდის“ აფილირებული და პარტნიორი ექიმები ACIBADEM University-ის ბაზაზე ყოველწლიურად კვალიფიკაციის ამაღლებასა და გადამზადებას შეძლებენ.
რაც შეეხება კონფერენციის დეტალებს, “აჯიბადემის” წარმომადგენლებმა, ჯანდაცვის მიმართულებით, სხვადასხვა მნიშვნელოვან თემაზე ისაუბრეს. აღსანიშნავია, “აჯიბადემის” გამორჩეული ონკოლოგ-გინეკოლოგის – პროფესორ ფარუკ აბიკეს ჩართულობა, რომელმაც საკუთარი ცოდნა და გამოცდილება ლაპარასკოპიული რობოტული (Da Vinci) ქირურგიის გამოყენებით, როგორც სამედიცინო სფეროს, ასევე კერძო და სახელმწიფო სექტორის წარმომადგენლებს გაუზიარა. აღსანიშნავია, რომ ეს მიმართულება ერთ-ერთი ყველაზე სწრაფად განვითარებადია, როგორც მსოფლიოში, ისე ACIBADEM-ის ქსელში და უახლესი სამედიცინო მიმართულების – ინტუიციური ქირურგიის ფორმირებას ემსახურება.
