საქართველოს სტატისტიკის ეროვნული სამსახურის წინასწარი მონაცემებით, 2016 წლის აპრილში 2015 წლის აპრილთან შედარებით, საქართველოს საქონლის ექსპორტი 11%-ით (21 მილიონი დოლარით) შემცირდა, ხოლო იმპორტი 79%-ით (435 მილიონი დოლარით) გაიზარდა. თუმცა, თუ მიმდინარე წლის აპრილის ექსპორტს 2014 წლის აპრილს შევადარებთ, 30%-ით (72 მილიონი დოლარით) არის შემცირებული. ექსპორტი ჩამორჩება 2013, 2012 და 2011 წლების მაჩვენებელსაც.
2016 წლის აპრილში საქართველოს საქონლის ექსპორტმა 165 მილიონი დოლარი, ხოლო იმპორტმა 987 მილიონი დოლარი შეადგინა. უარყოფითი სავაჭრო ბალანსი კი 822 მილიონი დოლარია, რაც 2015 წლის აპრილის უარყოფით ბალანსზე 456 მილიონი დოლარით მეტია.
იანვარ-აპრილის ჯამურ მაჩვენბელს რაც შეეხება, ექსპორტი 12%-ით არის შემცირებული, ხოლო იმპორტი 14%-ით არის გაზრდილი.
საგარეო ვაჭრობის დეტალური მაჩვენებლები 20 მაისს გამოქვეყნდება
