ოსკაროსანი მსახიობი ტომ ჰენქსი და მისი მეუღლე რიტა უილსონი კორონავირუსით დაინფიცირდნენ. მათ ვირუსი ავსტრალიაში გადაღებების პერიოდში დაუდასტურდათ. როგორც წყვილი “ტვიტერზე“ წერს, ისინი იზოლაციაში არიან, რათა სხვა ადამიანებსაც არ გადაედოთ ვირუსი.
მსახიობები მადლობას უხდიან ავსტრალიელებს მხარდაჭერისთვის და მოუწოდებენ ყველას მიჰყვნენ ექსპერტების და სპეციალისტების რჩევებს კორონავირუსის გავრცელების პრევენციისთვის.
ავსტრალიაში კორონავირუსით დაინფიცირების 120-ზე მეტი შემთხვევაა დაფიქსირებული. ქვეყნის მთავრობამ $11,4 მლრდ დოლარის გამოყოფის შესახებ განაცხადა, რაც ეკონომიკის მხარდაჭერისთვის დაიხარჯება ეპიდემიის პერიოდში.
