იაპონიაში ახალი ულტრათანამედროვე მატარებელი შექმნეს რომელიც არამხოლოდ უფრო სწრაფად და უფრო რბილად მოძრაობს, არამედ ის მიწისძვრის დროს მგზავრების უსაფრთხოდ გადაადგილებას უზრუნველყოფს.
ახალმა მატარებელმა 1 ივლისიდან უკვე დაიწყო სარკინიგზო რეისების შესრულება. ის ტოკაიდო-შინკანსენის ხაზზე მოძრაობს, რომელიც ტოკიოს სადგურს შინ-ოსაკას სადგურთან აკავშირებს.
მატარებელს საათში 360 კმ-ს სიჩქარის განვითარება შეუძლია. საოპერაციო სიჩქარე კი საათში 285 კმ-ია. ახალი მატარებელი გარეგნულად არ განსხვავდება მისი სხვა იაპონური წინამორბედებისგან – N700 და N700A მოდელებისგან.
თუმცა, გამორჩეულია მისი ინტერიერი, რომელიც მგზავრებს უფრო მეტ კომფორტს უქმნის. გადასაწევი სავარძლები და სპეციალური განათება უზრუნველყოფს ისეთ ატმოსფეროს, რაც მგზავრებს მშვიდად გადაადგილების შესაძლებლობას აძლევს.
