უძრავი ქონების ბაზარზე 2020 წლის მთავარი ტენდენცია შემდეგია – საცხოვრებლის პოტენციური მყიდველები უპირატესობას ისეთ ადგილებს ანიჭებენ, სადაც მათ მწვანე სივრცე და ზოგადად სივრცე დახვდებათ. ეს ნაწილობრივ პანდემიის შედეგად გამოწვეულმა ჩაკეტილობამ განაპირობა. დასაქმებულთა დიდი ნაწილი დისტანციურ მუშაობაზე გადავიდა, რაც იმას ნიშნავს რომ ახლა ადამიანებს სახლში უფრო მეტი სივრცე და ირგვლივ უფრო მეტი სიმწვანე სჭირდებათ. სწორედ ამიტომაც გაიზარდა მოთხოვნა მაგალითად დედაქალაქის შემოგარენში საცხოვრებელ ფართებზე, თუმცა, არც შორს წასვლაა საჭირო ამისთვის. მსგავს სივრცეს მყიდველი თბილისის შუაგულშიც იპოვის.
საუბარია „თბილისი გარდენსის“ საცხოვრებელ კომპლექსზე, რომელიც საბურთალოზე, ასათიანის ქუჩაზე მდებარეობს. კომპლექსი მოიცავს 2 ჰექტარზე გადაჭიმულ ბაღს, სადაც იქ მცხოვრებლების თქმით, თავი ზოგჯერ ნიუ-იორკის ცენტრალურ პარკშიც კი გეგონებათ. საცხოვრებელ კომპლექსში ერთი ცათამბჯენი „თაუერი“ უკვე დასრულებულია, 172 საცხოვრებელი ბინიდან კი მხოლოდ ხუთი გასაყიდი ფართია დარჩენილი. ეს იმაზე მეტყველებს, რომ პროექტმა წარმატებით იმუშავა და ზუსტად ის შესთავაზა მომხმარებელს, რაც მათ სურდათ.
„თბილისი გარდენსი“ შეიძლება ითქვას ყველა ტიპის მომხმარებლის გემოვნებაზეა მორგებული. საქმიან ადამიანზე, ჯანსაღი ცხოვრების მიმდევარზე, მშობელზე, ბავშვზე, მოხუცზე და ა.შ. საერთო ჯამში კი პროექტი შეიქმნა იმ ადამიანებისთვის, რომლებსაც სურთ იცხოვრონ ქალაქის ცენტრში და ამავე დროს დატკბნენ სრულყოფილი ცხოვრებით. გარდა იმისა, რომ იქ მაცხოვრებლები დილით მარადმწვანე ბაღში სეირნობენ, მათ აქვთ შესაძლებლობა ფიტნეს-დარბაზშიც ივარჯიშონ, ან აუზით ისარგებლონ. დაკავებული ადამიანებისთვის კი ბიზნესლაუნჯიც მზად არის, კონსიერჟის სერვისსა და მუდმივად თავისუფალ საპარკინგე სივრცეებზე რომ აღარაფერი ვთქვათ. გარდა ამისა, ბავშვებისთვის სპეციალურად სათამაშო მოედანი და აუზია მოწყობილი. ასევე, კომპლექსში არსებობს საცავიც, სადაც მაცხოვრებლებს თავიანთი ნივთების შენახვა შეუძლიათ. აქედან გამომდინარე, ალბათ იოლად წარმოსადგენია, როგორ არის მთელი კომპლექსის უსაფრთხოება დაცული. ამგვარად, თავისუფლად შეიძლება ითქვას, რომ მთელი ქალაქი ამ კომპლექსში იყრის თავს.
„თბილისი გარდენსის“ პროექტზე საერთაშორისო საინვესტიციო კომპანია Quadrum Global-ი მუშაობს. ავტორი კი ცნობილი ებრაული კომპანია MYS Architects-ია, რომელმაც ცათამბჯენის რთული კონსტრუქციის ყველა დეტალი Quadrum-თან ერთად დაგეგმა.
თავად საინვესტიციო კომპანია Quadrum-ის გუნდი 2005 წლიდან აქტიურად ახორციელებს ინვესტიციებს უძრავ ქონებაში მთელი მსოფლიოს მასშტაბით. მხოლოდ ამერიკის უძრავი ქონების ბაზარზე Quadrum Global-ის ინვესტიციების მოცულობამ 1 მლრდ დოლარი შეადგინა. კომპანია საქართველოში 2012 წლიდან მუშაობს.
ცნობისთვის, საერთაშორისო კომპანიის პირველი პროექტი – გართობისა და დასვენების ქალაქი East Point-ი იყო, რომელიც 2015 წელს გაიხსნა. შემდეგ კი კომპანიამ საცხოვრებელი უძრავი ქონების ბაზარზე დაიწყო ოპერირება, რაც საქართველოში ერთ-ერთ მიმზიდველ სექტორს წარმოადგენს უცხოელი ინვესტორებისთვის. ოფიციალური სტატისტიკური მონაცემების თანახმად, 2017 წელს, უძრავ ქონებაში უცხოური ინვესტიციების რაოდენობამ 222,6 მლნ აშშ დოლარი შეადგინა, 2018 წელს 130,7 მლნ აშშ დოლარი, 2019-სა და 2020 წელს კი მნიშვნელოვანი კლება დაფიქსირდა. თუმცა, ეს იმას არ ნიშნავს, რომ უცხოელ ინვესტორებს ინტერესი გაუქრათ ამ სექტორის მიმართ. ასე მაგალითად, „თბილისი გარდენსი“ კიდევ ერთ ცათამბჯენს აშენებს, რომელიც 2022 წლის ზაფხულში დასრულდება.
“პირველი “თაუერის“ მშენებლობა 2018 წელს დავასრულეთ, პროექტი ითვალისწინებდა მეორე ცათამბჯენის მშენებლობას თავიდანვე, თუმცა, პირველი ცათამბჯენის დასრულებისთანავე დავინახეთ რომ ძალიან დიდი იყო მოთხოვნა, ამიტომაც მივიღეთ გადაწყვეტილება, რომ პანდემიის წელს არ შეგვეჩერებინა მუშაობა ამაზე და წელსვე დაგვეწყო მეორე “თაუერის“ მშენებლობა“, – აღნიშნა „თბილისი გარდენსის“ მარკეტინგის დირექტორმა, თეიკო ლომინაძემ Forbes Georgia-სთან საუბრისას.
როდესაც “თბილისი გარდენსის“ უპირატესობებზე იქ მაცხოვრებლებს ვეკითხებით, ისინი უამრავ ასპექტს ასახელებენ. თუმცა, ერთ-ერთ ყველაზე მთავარ უპირატესობად შეიძლება მივიჩნიოთ ის, რომ მასზე მანჰეტენის დიზაინის ინდუსტრიის ერთ-ერთმა ლიდერმა ვინსენტ ვულფმა იმუშავა. ვულფის კომპანია უკვე 35 წელია წარმატებულია ნიუ-იორკში.
ვინსენტ ვულფი ხშირად მოგზაურობს და ატარებს საჯარო შეხვედრებს დიზაინის შესახებ. მისი მრავალი ჯილდო არის იმ მონდომების შედეგი, რასაც მთელი მსოფლიოს გარშემო განხორციელებული უამრავი წარმატებული პროექტი მოწმობს – მათ რიცხვში იხილავთ სასტუმროებს, საცხოვრებელ კომპლექსებს, რესტორნებს, ავეჯს, ნივთებს, ქსოვილებს, მაღაზიებსა და გოლფის კლუბსაც.
“თბილისი გარდენსში ყველა ბინის შიდა განლაგება ვინსენტ ვულფთან ერთად დავგეგმეთ და ჰარმონიულად მოვარგეთ შენობის სტრუქტურას. აქ დაათვალიერებ ბინის ექვსივე განსხვავებულ ტიპს, დაწვრილებით გაეცნობი მათ მახასიათებლებსა და ფასებს სართულების მიხედვით“, – აცხადებენ კომპანიაში.
მთლიანი პროექტის განხორციელებაში ჯამურად 45 მლნ აშშ დოლარის ოდენობის ინვესტიცია ჩაიდო.
