ლარის გაცვლითი კურსის გაუფასურების ფონზე გაზრდილი ინფლაციური მოლოდინის გამო, ეროვნულმა ბანკმა რეფინანსირების განაკვეთი (მონეტარული პოლიტიკის განაკვეთი) 0.5% პუნქტით გაზარდა და ახალმა საპროცენტო განაკვეთმა 5.5% შეადგინა. ამასთან, ეროვნული ბანკის მონეტარული პოლიტიკის კომიტეტი მიზანშეწონილად მიიჩნევს საპროცენტო განაკვეთის ეტაპობრივ ზრდას – 2015 წლის ბოლოს 6.5%-მდე.
ეს ნიშნავს, რომ მოსახლოების იმ ნაწილს, რომელსაც რეფინანსირების განაკვეთზე მიბმული სესხი აქვს, სესხის მომსახურების საფასური გაუძვირდება.
