შინაგან საქმეთა სამინისტროს ინფორმაციით, მიმდინარე წლის ოქტომბერში, 2015 წლის ოქტომბერთან შედარებით, საქართველოში შემოსულ ტურისტთა რაოდენობა 21%-ით გაიზარდა. 2015 წლის ოქტომბერში 178 405 ტურისტი შემოვიდა, ხოლო 2016 წლის ოქტომბერში 215 620. იანვარ-ოქტომბერში კი ტურისტთა რაოდენობის ზრდამ 19.7% შეადგინდა.
ვიზიტორების რაოდენობა, რომელიც ტურისტებთან ერთად, ტრანზიტს და სხვა კატეგორიებს მოიცავს, ოქტომბერში 4.5%-ით გაიზარდა, იანვარ-ოქტომბერში კი, ჯამურად, 8.1%-ით არის გაზრდილი.
ოქტომბერში ყველაზე მეტი (125 665) ვიზიტორი სომხეთიდან შემოვიდა. მეორე ადგილზეა აზერბაიჯანი 119 967 ვიზიტორით, ხოლო მესამეზე თურქეთია 101 621 ვიზიტორით.
