საქართველოს სახელმწიფო ხაზინის ინფორმაციით, 2018 წლის პირველ კვარტალში, იანვარ-მარტში სახელმწიფო ბიუჯეტის საგადასახადო შემოსავლებმა 2.4 მილიარდი ლარი შეადგინა, რაც 6.4%-ით მეტია ამავე კვარტლის გეგმიურ მაჩვენებელზე. სახელმწიფო ბიუჯეტმა დაგეგმილზე 144 მლნ ლარით მეტი მიიღო. 2017 წლის პირველ კვარტალთან შედარებით საგადასახადო შემოსავლები 4.7%-ით, 106 მლნ ლარით არის გაზრდილი.
საგადახადო შემოსავლების გეგმაზე მეტის მობილიზება დამატებული ღირებულების, საშემოსავლოს და სხვა გადასახადების გადაჭარბებით შესრულებამ განაპირობა.
იანვარ-მარტში ბიუჯეტის შემოსულობები 2 962 მლნ ლარია, რაც 10%-ით მეტია დაგეგმილ მაჩვენებელზე.
პირველ კვარტალში ბიუჯეტის გადასახდელებმა (ხარჯებმა) 2 622 მლნ ლარი შეადგინა, რაც გადასახდელების კვარტალური გეგმის 94%-ით შესრულებას ნიშნავს.
რადგან შემოსულობების გეგმა გადაჭარბებით შესრულდა, ხოლო გადასახდელების გეგმა არ შესრულდა, შედეგად, იანვარ-მარტში ბიუჯეტის ნაშთი 339 მლნ ლარით გაიზარდა. გეგმის მიხედვით, ბიუჯეტის ნაშთის 51 მლნ ლარით კლება იყო გათვალისწინებული.
ცხრილი: სახელმწიფო ბიუჯეტის საგადასახადო შემოსავლები
|
მილიონ ლარებში |
I კვარტალი გეგმა |
I კვარტალი ფაქტი |
შესრულება |
|
საგადასახადები შემოსავლები სულ |
2236 |
2380 |
106.4% |
|
დამატებული ღირებულების გადასახადი |
1004 |
1065 |
106.1% |
|
საშემოსავლო გადასახადი |
695 |
717 |
103.2% |
|
მოგების გადასახადი |
235 |
236 |
100.4% |
|
აქციზი |
329 |
305 |
92.7% |
|
იმპორტის გადასახადი |
15 |
19 |
126.7% |
|
სხვა გადასახადები |
-41 |
39 |
95.1% |
