საზღვარგარეთ დასაქმებულთა მიერ საქართველოში გადმორიცხული თანხები 2018 წლის აგვისტოში 2017 წლის აგვისტოსთან შედარებით 11.4%-ით (14 მლნ დოლარით) გაიზარდა. აგვისტოში სულ 136 მლნ დოლარი გადმოირიცხა, რაც აგვისტოს თვის რეკორდული მაჩვენებელია. არასდროს აგვისტოში საქართველოში 136 მლნ დოლარი და მეტი თანხა არ გადმორიცხულა.
აგვისტოში საქართველოდან საზღვარგარეთ 19 მლნ დოლარი გადაირიცხა, რაც 0.5 მლნ დოლარით ნაკლებია 2017 წლის აგვისტოს მაჩვენებელზე.
იანვარ-აგვისტოში, ჯამში, 1 024 მლნ დოლარი გადმოირიცხა, რაც 2017 წლის იანვარ-აგვისტოს მაჩვენებელზე 17.5%-ით (152 მლნ დოლარით) მეტია.
აგვისტოში საზღვარგარეთიდან ფულადი გზავნილების ზრდა მნიშვნელოვანწილად იტალიიდან, საბერძნეთიდან, ისრაელიდან და აშშ-დან ჩამორიცხვების ზრდამ განაპირობა.
ცხრილი: ქვეყნები, საიდანაც ფულადი გზავნილები ყველაზე მეტად გაიზარდა, მლნ დოლარი
წყარო: ეროვნული ბანკი
