კომუნიკაციების კომისიის მიერ გამოქვეყნებული ანგარიშის თანახმად, 2025 წლის III კვარტალში საქართველოს სატელევიზიო და რადიომაუწყებლების ჯამურმა კომერციულმა სარეკლამო შემოსავალმა 31.4 მილიონი ლარი შეადგინა, რაც გასული წლის ანალოგიურ პერიოდთან შედარებით 73.6%-იანი ზრდაა.
სადემონსტრაციოდ, მაღალი იყო ზრდა მხოლოდ ტელემაუწყებლების შემთხვევაშიც – ტელევიზიების სარეკლამო შემოსავალი 85%-ით გაიზარდა და 29.5 მილიონი ლარი შეადგინა.
ტელემაუწყებლების სარეკლამო შემოსავლის განაწილება ასეთია:
- 88.6% – პირდაპირი რეკლამა
- 6.7% – სპონსორობა
- 4.6% – პროდუქტის განთავსება
2025 წლის III კვარტალში ყველაზე დიდი კომერციული სარეკლამო შემოსავალი კვლავ „ტელეიმედს“ ჰქონდა. კომპანიის შემოსავალი წინა წლის იმავე პერიოდთან შედარებით 8.8 მილიონი ლარით გაიზარდა და 14.4 მილიონ ლარს გაუტოლდა.
ტელეკომპანიების კომერციული სარეკლამო შემოსავლები – 2025 წლის III კვარტალი
| ტელეკომპანია | ცვლილება (მლნ ლარი) | ჯამური შემოსავალი (მლნ ლარი) |
|---|---|---|
| ტელეიმედი | +8.8 | 14.4 |
| რუსთავი 2 (მედია ჰოლდინგი) | +4.6 | 6.7 |
| GDS TV | +1.5 | 2.1 |
| POSTV | +0.5 | 1.9 |
| ტელეკომპანია პირველი | +0.1 | 1.3 |
| BMG | +0.2 | 1.0 |
| ფორმულა | 0 | 0.8 |
| პალიტრანიუსი | +0.1 (გაორმაგდა) | 0.2 |
| საზოგადოებრივი მაუწყებელი | -0.3 | 0.2 |
| სილქნეტი | 0 | 0.2 |
ტელემაუწყებლების ზრდის ფონზე, 2025 წლის III კვარტალში, რადიოს სარეკლამო შემოსავალი 12%-ით შემცირდა, 1.9 მილიონ ლარამდე.
სარეკლამო შემოსავლები ამგვარად ნაწილდება:
-
88.5% – პირდაპირი რეკლამა
-
11.2% – სპონსორობა
