დღეს, მთელი მსოფლიო აქტიურად მუშაობს ხელოვნურ ინტელექტთან დაკავშრებული ინიციატივების წახალისებაზე. ტექნოლოგიური ცენტრები წამყვან როლს თამაშობენ ამ მიმართულებით და მათ რიგებში საქართველოს ბიზნესისა და ტექნოლოგიების უნივერსიტეტი (BTU) თავის უნიკალურ ადგილს იმკვიდრებს. Massachusetts Institute of Technology (MIT)-ის მეწარმეობის ცენტრთან – Martin Trust Center for MIT Entrepreneurship პარტნიორობით, BTU-მ ხელოვნური ინტელექტის პრე-აქსელერაციის პროგრამა განახორციელა, სადაც სტარტაპებს წვდომა ჰქონდათ MTC-ის მიერ შემუშავებულ პლატფორმა Orbit-ზე. მსგავს გლობალურ ინიციატივებს საკმაოდ დიდი გავლენა აქვს ტექნოლოგიური ეკოსისტემის განვითარებაზე.
პროგრამაში მონაწილეობას იღებდნენ ხელოვნურ ინტელექტზე დაფუძნებული ქართული სტარტაპები, რომლებსაც შესაძლებლობა ჰქონდათ ემუშავათ როგორც ადგილობრივ, ისე საერთაშორისო ტრენერებთან და ექსპერტებთან. პროგრამის ფინალურ ეტაპზე სტარტაპებმა მათი ინოვაციური პროდუქტები და სერვისები ფართო აუდიტორიის წინაშე წარადგინეს.
ციფრული ეკოსისტემის განვითარებისთვის, BTU-ისა და MIT-ის პარტნიორობა არა მხოლოდ შთამბეჭდავი, არამედ თამამი განაცხადია და ძალიან მნიშვნელოვანია ქართული ეკოსისტემის გლობალურ პროცესებში ღიად ჩართვის თვალსაზრისით. BTU-ის მეწარმეობის ცენტრის მიერ განხორციელებული 6 კვირიანი პრე-აქსელერაციის პროგრამის ფარგლებში მონაწილე სტარტაპებმა გაიღრმავეს ცოდნა და იმუშავეს იმ უნარების დახვეწაზე, რაც ინოვაციური სტარტაპის შექმნასა და განვითარებას სჭირდება. ამასთან, პროგრამამ ხელი შეუწყო მათი სტარტაპული აზროვნების ჩამოყალიბებას, რაც სტარტაპებს დაეხმარებათ ბაზარზე არსებული გამოწვევების თამამად გადაჭრაში. როგორც ვახსენეთ, პროგრამის კიდევ ერთი განსაკუთრებული ხიბლი მისი მჭიდრო საერთაშორისო კავშირები იყო, კერძოდ კი MIT-ის Martin Trust Center-ის ახალ პლატფორმა Orbit-ზე წვდომა, რაც მონაწილეებს უნიკალურ შესაძლებლობებს სთავაზობს.
“Martin Trust Center for MIT Entrepreneurship-ის მიზანია მეწარმეობის გლობალურ დონეზე ხელშეწყობა და გვიხარია, რომ Orbit-ის პლატფორმისა და AI Jetpacks-ის მსგავსი ხელსაწყოებით შეგვიძლია მხარი დავუჭიროთ სტუდენტებსა და სტარტაპებს სხვადსხვა ქვეყნებში, მათ შორის საქართველოშიც. განსაკუთრები შთამბეჭდავია როდესაც ვხედავთ თუ როგორ იყენებენ ადგილობრივი მეწარმეები ამ ინსტრუმენტებს თავიანთი ინოვაციური იდეების განსავითარებლად.” – დაგ ვილიამსი, Orbit-ის პროდუქტის ხელმძღვანელი, Martin Trust Center for MIT Entrepreneurship.
პროგრამის ფარგლებში სტარტაპებს მენტორობას უწევდნენ ქართული სტარტაპ ეკოსისტემის გამოცდილი წევრები, მათ შორის თორნიკე ცირამუა და გიორგი მუმლაძე.
გიორგი მუმლაძემ აღნიშნა რომ პრე-აქსელერატორში მენტორის როლში ჩართვა განსაკუთრებით მნიშვნელოვანი იყო მისთვის. “საკუთარი გამოცდილების, შეცდომების თუ წარმატების სხვებისთვის გაზიარება, ჩემი საქმიანობის უმნიშვნელოვანესი ნაწილი მგონია. ჩვენ გავუზიარეთ დამწყებ სტარტაპებს ჩვენი გამოცდილება და მივეცით რჩევები თუ როგორ გადადგან პირველი ნაბიჯები, სწრაფად და ეფექტურად. ამასთან, პირადად ჩემი მიზანი იყო დავხმარებოდი გუნდებს, ,,გამარჯვებულის მენტალიტეტის’’ ჩამოყალიბებაში, რაც ძალიან მნიშვნელოვანი მგონია. გრძელვადიან პერსპექტივაში ასეთი მენტალიტეტი გადამწყვეტ როლს თამაშობს მათი ამბიციებისა და ლიდერული უნარების ჩამოყალიბეებაში”.
“პროექტის განმავლობაში, ჩვენი მიზანია მივცეთ პრაქტიკული რჩევები დამწყებ სტარტაპებს, და დავანახოთ თუ რამდენად მნიშვნელოვანია თამამად შეხვდნენ თითოეულ გამარჯვებას, გააანალიზონ რისკები და ისწავლონ შეცდომებზე.” — ამბობს თორნიკე ცირამუა.
BTU-ის ყოველწლიურ პრე-აქსელერატორის დემო დღეზე 6 სტარტაპი იყო წარმოდგენილი:
- LakLaka
- CLARSEN
- Memamule
- Ante
- The Article
- Starlive
დემო დღეზე, ჟიურის რჩეული სტარტაპი გახდა Starlive, რომელმაც BTU-ისგან 10,000 ლარი მიიღო გრანტის სახით. მეორე ადგილი დაიკავა სტარტაპმა LakLaka-მ, რომელმაც 3,000 ლარის ღირებულების ვაუჩერი მიიღო აუდიტორული და ბუღალტრული კომპანია FINO-ს პროფესიულ მომსახურებებზე. Axel-ის საინვესტიციო კომიტეტი დამატებით მხარს დაუჭერს Starlive-სა და CLARSEN-ს საინვესტიციო წინადადებების მომზადებაში.
სტარტაპებს აფასებდნენ: თორნიკე ცირამუა, დავით ციცქიშვილი, ერალფ ჰატიფოღლუ და კარინა რუბინშტაინი. ღონისძიებას მხარი დაუჭირა ისრაელის საელჩომ საქართველოში. რუბინშტაინმა ასევე საინსპირაციო სიტყვა წარმოთქვა.
BTU-ის პრე-აქსელერაციის პროგრამა ყოველწლიურად აძლევს ზრდის და განთვითარების შესაძლებლობას სტარტაპებს და ეხმარება მათ იყვნენ კონკურენტუნარიანები გლობალურ ტექნოლოგიურ ბაზარზე.
