მსოფლიოში ყველაზე გავრცელებული პაროლები

Visual Capitalist-მა, NordPass-ის მიერ ჩატარებულ კვლევაზე დაყრდნობით, მსოფლიოში ყველაზე გავრცელებული პაროლების სიას შემოგვთავაზა. როგორც კვლევამ აჩვენა, მილიონობით ადამიანი კვლავ ძალიან მარტივ და ჰაკერებისთვის ადვილად გამოსაცნობ პაროლებს იყენებს, რაც მათ უსაფრთხოებასთან დაკავშირებულ რისკებს მნიშვნელოვნად ზრდის.

ყველაზე ხშირად გამოყენებული პაროლები მარტივი ციფრული თანმიმდევრობებია. NordPass-ის მონაცემების მიხედვით, მათ შორის განსაკუთრებული პოპულარობით სარგებლობს – „123456“, რომელიც მონაცემთა გაჟონვებიდან შეგროვებული 2.5-ტერაბაიტიანი ბაზიდან 3 მილიონზე მეტჯერ დაფიქსირდა.

გარდა ციფრებისა, მომხმარებლები ხშირად იყენებენ კლავიატურის მარტივ შაბლონებს, მაგალითად როგორიცაა „qwerty“, ან მარტივ სიტყვებს, მაგალითად – „password“, „secret“ ან „iloveyou“. ზოგს ამ სიტყვებში მხოლოდ მცირე ცვლილება შეაქვს – მაგალითად „password1“ ან „Password“, თუმცა ეს დიდ განსხვავებას არ იძლევა და მაინც ადვილად გამოსაცნობი რჩება.

როგორ შევქმნათ ძლიერი პაროლი? NordPass-ი გვირჩევს, რომ მინიმუმ 20 სიმბოლო გამოვიყენოთ; დიდი და პატარა ასოები, ციფრები და სპეციალური სიმბოლოები (@, #, $, % და სხვა) ერთმანეთს შევურიოთ; არასდროს გამოვიყენოთ ერთი და იგივე პაროლი სხვადასხვა პლატფორმისთვის; გამოვიყენოთ ბრაუზერის მიერ შემოთავაზებული ძლიერი პაროლები (მაგალითად, Google Chrome-ის ფუნქცია).

პოზიცია	პაროლი	გამოყენების სიხშირე
1	123456	3,018,050
2	123456789	1,625,135
3	12345678	884,740
4	password	692,151
5	qwerty123	642,638
6	qwerty1	583,630
7	111111	459,730
8	12345	395,573
9	secret	363,491
10	123123	351,576
11	1234567890	324,349
12	1234567	307,719
13	000000	250,043
14	qwerty	244,879
15	abc123	217,230
16	password1	211,932
17	iloveyou	197,880
18	11111111	195,237
19	dragon	144,670
20	monkey	139,150
21	123123123	119,004
22	123321	106,267
23	qwertyuiop	101,048
24	00000000	99,292
25	Password	95,515

მონაცემები აღებულია NordPass-იდან, რომელმაც ყველაზე ხშირად გამოყენებული პაროლები 2.5-ტერაბაიტიან ბაზაზე დაყრდნობით გააანალიზა. ბაზა მოიცავს იმ მონაცემებს, რომლებიც სხვადასხვა პერიოდში გაჟონვის შედეგად ინტერნეტში გავრცელდა.