თიბისი ლიზინგი „პორშე ცენტრი თბილისთან“ თანამშრომლობით მომხმარებლისთვის უპრეცედენტო შეთავაზებას აანონსებს. სრულად ელექტრო ახალი Porsche Macan-ის შეძენისას 0%-იანი ლიზინგით და 3-თვიანი საშეღავათო პერიოდით ისარგებლებთ.
თანამედროვე და კლასიკური Macan-ი 639 ცხენის ძალამდე სიმძლავრით გზებსა და უგზოობაზე განსაკუთრებული ელექტროპერფორმანსით გამოირჩევა. განახლებული და უფრო დახვეწილია დიზაინი როგორც ექსტერიერში, ისე ინტერიერში. ახალი Macan-ი გამოირჩევა სპორტული ავტომობილისთვის დამახასიათებელი მართვადობით, შემცირებულია დამუხტვის დრო, დაფარვის მანძილი კი მნიშვნელოვნად გაიზარდა და 654 კილომეტრს შეადგენს. ეს კი, თავის მხრივ, იმას ნიშნავს, რომ Porsche-ს ეს ეკომეგობრული მოდელი საუკეთესოა, როგორც ყოველდღიური გადაადგილებისთვის, ისე შორ მანძილზე სამოგზაუროდ.
„პორშე ცენტრი თბილისის და თიბისი ლიზინგის მრავალწლიანმა პარტნიორობამ მოგვცა შესაძლებლობა დაგვემუშავებინა უპრეცედენტო შეთავაზება, ისეთ მოთხოვნად და ექსკლუზიურ მოდელზეც კი, როგორიც 2025 წლის Porsche Macan-ია. ხაზგასმით გვინდა აღვნიშნოთ, რომ 0%-იანი ლიზინგით და საშეღავათო პერიოდით სარგებლობისთვის, სულ რაღაც 10%-იანი თანამონაწილეობაც საკმარისია, რაც იმას ნიშნავს, რომ მინიმალური პირველადი შენატანისა და დაბალი ყოველთვიური შენატანით მართავთ სრულად ელექტრო, თუმცა ამავდროულად კომფორტულ სპორტქარს“ – ეკა ანჯაფარიძე, თიბისი ლიზინგის ავტო მიმართულების უფროსი.
იცოდით, რომ პორშეს ახალი პლატფორმის,HV-ბატარეს წყალობით, DC-დამუხტვის სიმძლავრე 270 კილოვატამდეა?! შესაბამისი დამტენით ავტომობილის 10-დან 80 პროცენტამდე დამუხტვას დაახლოებით 21 წუთში შეძლებთ.
მადონა ბაკურაძე, „პორშე ცენტრი თბილისის“ კომერციული დირექტორი: „პორშე ცენტრი თბილისისთვის“ მუდმივად პრიორიტეტულია მომხმარებელს მეტი კომფორტი და მათზე მორგებული გადაწყვეტილებები შევთავაზოთ.
მოხარული ვართ, რომ Porsche Finance-ის მხარადაჭერითა და თიბისი ლიზინგთან თანამშრომლობით, ამჯერად პორშეს უახლესი ელექტრომობილის შეძენის პირობები ბევრად უფრო მოქნილი და მარტივი გავხადეთ. შეთავაზებისთვის სრულად ელექტრო Porsche Macan-ი მომხმარებლის მხრიდან მაღალი ინტერესის გათვალისწინებით შეირჩა. გარდა ამისა, ეს გადაწყვეტილება ეხმიანება ჩვენი კომპანიის „მწვანე პოლიტიკას“ ხელი შევუწყოთ ქვეყანაში ელექტრომობილების პოპულარიზაციას.“
დაინტერესებულ პირებს აღმაშენებლის ხეივნის №129-ში Destination Porsche კონცეფციით შექმნილ „პორშე ცენტრი თბილისის“ შოურუმში შეუძლიათ დაათვალიერონ ელექტრომობილი და მიიღონ ამომწურავი ინფორმაცია მისი მახასიათებლების შესახებ.
S
