Forbes: 2024 წლის 20 ყველაზე მაღალანაზღაურებადი მსახიობი

ამერიკულმა Forbes-მა 2024 წლის ყველაზე მაღალანაზღაურებადი მსახიობების სია გამოაქვეყნა. გამოცემის განცხადებით, შეფასებები გამოთვლილია აგენტებთან, იურისტებთან, მენეჯერებთან, აღმასრულებლებთან და ინდუსტრიის ექსპერტებთან გასაუბრებებზე, ასევე მონაცემთა წყაროებზე დაყრდნობით, როგორიცაა IMDBPro და Polestar-ი.

მაჩვენებლებში ასახულია გადასახადამდე შემოსავალი 2024 კალენდარული წლისთვის, რასაც აკლდება წარმომადგენლობის საფასური – 10% აგენტებისთვის, 10% მენეჯერებისთვის და 5% იურისტებისთვის, ინდუსტრიის სტანდარტის მიხედვით. თუმცა აღსანიშნავია, რომ ზოგიერთი მსახიობი აქედან არცერთს იხდის.

მსახიობებს კომპენსაცია ფილმების გამოსვლის წელსვე მიენიჭათ. მიუხედავად იმისა, რომ ანაზღაურება სხვადასხვა დროს, ეტაპობრივად ხდება (გადაღებამდე, გამოსვლის შემდეგ ან წლების შემდეგაც კი), სააღრიცხვო მიზნებისთვის, მსახიობის ყველა შემოსავალი ფილმიდან, მისი გამოსვლის წელსაა ჩაწერილი.

Forbes-ის რეიტინგში პირველ ადგილს დუეინ ჯონსონი იკავებს, რომელიც ყველაზე მაღალანაზღაურებადი მსახიობების სიის სათავეში ორი მსხვილი გარიგების წყალობით დაბრუნდა. პირველი არის Amazon-ისთვის რეჟისორ ჯეიკ კასდანის მიერ გადაღებული საშობაო კომედიური ფილმი Red One, რომელმაც გლობალურად კინოთეატრის სალაროებიდან არც ისე შთამბეჭდავი $185.9 მილიონი გამოიმუშავა. შედარებისთვის, ფილმის ბიუჯეტი $200-250 მილიონს შეადგენს. თუმცა ამ პროექტიდან ჯონსონს $50 მილიონი ერგო.

ანიმაციური ფილმიდან Moana 2 დუეინ ჯონსონმა, როგორც აღმასრულებელმა პროდიუსერმა, მოგების პროცენტი მიიღო, გარდა ამისა, მან პერსონაჟი მაუი გაახმოვანა. ფილმის შემოსავალმა გლობალურად $1-მილიარდიან ნიშნულს გადააჭარბა, რითაც ჯონსონმა კარგად იხეირა. მთლიანობაში მსახიობმა გასული წელს გადასახადების გამოკლებით $88 მილიონი გამოიმუშავა.

რეიტინგში მეორე პოზიციას რაიან რეინოლდსი იკავებს, რომელიც წლის ყველაზე დიდი ექშენ-ფილმის, Deadpool & Wolverine-ის მთავარი პროდიუსერი, თანასცენარისტი და მსახიობია. ფილმის გლობალურმა შემოსავალმა $1.3 მილიარდს გადააჭარბა, რაც რეინოლდსის გამომუშავებაზეც აისახა. თუმცა 2024 წელს Deadpool & Wolverine-ი მსახიობის ერთადერთი წარმატებული პროექტი არ ყოფილა, მან მონაწილეობა მიიღო ჯონ კრასინსკის IF-ში, ასევე მოგვევლინა Hulu-ს Welcome To Wrexham-ის ახალი სეზონის პროდიუსერად და It Ends With Us-ის სცენარის ავტორად. რეინოლდსმა გასულ წელს გადასახადების გამოკლებით $85 მილიონი იშოვა.

სიაში მესამე ადგილს ამერიკელი კომიკოსი, მსახიობი და პროდიუსერი კევინ ჰარტი იკავებს. 2024 წელი ჰარტისთვის მრავალფეროვანი პროგრამებით დატვირთული აღმოჩნდა – ითამაშა თეატრალურ დადგმაში Borderlands-ი, Netflix-ის ფილმში Lift-ი, Amazon Prime-ის ფილმში Die Hart 2: Die Harter-ი, სერიალში The Roku Channel-ზე (Die Hart სეზონი მესამე), სერიალში Peacock-ზე (Fight Night), რომ აღარაფერი ვთქვათ 90 სტენდ-აპ შოუზე. საერთო ჯამში გასულ წელს ჰარტმა გადასახადების გამოკლებით $81 მილიონი გამოიმუშავა.

2024 წლის 20 ყველაზე მაღალანაზღაურებადი მსახიობი

#1 დუეინ ჯონსონი – $88 მილიონი

($103 მილიონი გადასახადებამდე) 

#2 რაიან რეინოლდსი – $85 მილიონი 

($100 მილიონი გადასახადებამდე)

#3 კევინ ჰარტი – $81 მილიონი 

($108 მილიონი გადასახადებამდე)

#4 ჯერი საინფელდი – $60 მილიონი 

($70 მილიონი გადასახადებამდე)

#5 ჰიუ ჯეკმანი – $50 მილიონი 

($66 მილიონი გადასახადებამდე)

#6 ბრედ პიტი – $32 მილიონი 

($42 მილიონი გადასახადებამდე)

#7 ჯორჯ კლუნი – $31 მილიონი 

($37 მილიონი გადასახადებამდე)

#8 ნიკოლ კიდმანი – $31 მილიონი 

($41 მილიონი გადასახადებამდე)

#9 ადამ სენდლერი – $26 მილიონი 

($35 მილიონი გადასახადებამდე)

#10 უილ სმიტი – $26 მილიონი 

($30 მილიონი გადასახადებამდე)

#11 მარიშკა ჰარგიტეი – $26 მილიონი 

($29 მილიონი გადასახადებამდე)

#12 ჩენინგ ტატუმი – $24 მილიონი 

($28 მილიონი გადასახადებამდე)

#13 ჯეისონ სტეიტემი – $24 მილიონი 

($25 მილიონი გადასახადებამდე)

#14 მარკ უოლბერგი – $23 მილიონი 

($31 მილიონი გადასახადებამდე)

#15 მეტ დეიმონი – $23 მილიონი 

($30 მილიონი გადასახადებამდე)

#16 ჯონ სინა – $23 მილიონი 

($30 მილიონი გადასახადებამდე)

#17 დენზელ ვაშინგტონი – $23 მილიონი 

($27 მილიონი გადასახადებამდე)

#18 ჯეიკ ჯილენჰოლი – $22 მილიონი 

($26 მილიონი გადასახადებამდე)

#19 სკარლეტ იოჰანსონი – $21 მილიონი 

($25 მილიონი გადასახადებამდე)

#20 ხოაკინ ფენიქსი – $19 მილიონი 

($22 მილიონი გადასახადებამდე)