კინოინდუსტრიაში ყველაზე პრესტიჟული ჯილდოს, Oscars-ის 2025 წლის ნომინანტები ცნობილია. წლევანდელი დაჯილდოების ლიდერი ფრანგული წარმოების ესპანურენოვანი ფილმი Emilia Pérez-ია, ჯამში 13 ნომინაციით. Emilia Pérez-ი მხოლოდ ერთი ნომინაციით ჩამორჩება წარსულის რეკორდსმენებს, La La Land-ს (2016), Titanic-სა (1997) და All About Eve-ს (1950), რომელთაც ჯილდოზე მათი წარდგენის წელს, 14-14 ნომინაცია დაიმსახურეს.
ცნობისთვის, Emilia Pérez-მა ოქროს გლობუსის წლევანდელ დაჯილდოებაზე, „საუკეთესო მხატვრული ფილმი — მიუზიკლი ან კომედია“ კატეგორიაში გაიმარჯვა. ასევე ფილმს ოქროს გლობუსი „საუკეთესო არაინგლისურენოვანი მხატვრული ფილმის“ კატეგორიისთვისაც გადაეცა, ხოლო ზოი სალდანამ ჯილდო ქალის მეორეხარისხოვანი როლის საუკეთესო შესრულებისთვის მიიღო.
Oscars-ის 2025 წლის დაჯილდოებისთვის, 10-10 ნომინაციას ინაწილებენ Wicked-ი და The Brutalist-ი. ეს უკანასკნელი წლევანდელ ოქროს გლობუსზე გამარჯვებული გახდა კატეგორიაში – „საუკეთესო მხატვრული ფილმი — დრამა“. ფილმის რეჟისორი ბრედი კორბეტი – საუკეთესო რეჟისორად, ხოლო მამაკაცის როლის საუკეთესო შემსრულებლად ედრიენ ბროუდი დასახელდა.
„ოსკარის“ რიგით 97-ე დაჯილდოების ცერემონია ჰოლივუდში მდებარე „დოლბის“ თეატრში 2 მარტს გაიმართება. ღონისძიება პირდაპირ ეთერში ABC-ისა და Hulu-ს საშუალებით გადაიცემა.
წარმოგიდგენთ კინოაკადემიის უმაღლეს ჯილდოზე სხვადასხვა კატეგორიაში წარდგენილ ნომინანტებს
საუკეთესო ფილმი
Anora
The Brutalist
A Complete Unknown
Conclave
Dune: Part Two
Emilia Pérez
I’m Still Here
Nickel Boys
The Substance
Wicked
საუკეთესო რეჟისორი
შონ ბეიკერი, Anora
ბრედი კორბეტი, The Brutalist
ჯეიმს მენგოლდი, A Complete Unknown
ჟაკ ოდიარი, Emilia Pérez
კორალი ფარჟა, The Substance
მთავარი როლის შემსრულებელი საუკეთესო მსახიობი ქალი
სინთია ერივო, Wicked
კარლა სოფია გასკონი, Emilia Pérez
მაიკი მედისონი, Anora
დემი მური, The Substance
ფერნანდა ტორესი, I’m Still Here
მთავარი როლის შემსრულებელი საუკეთესო მსახიობი კაცი
ედრიენ ბროუდი, The Brutalist
ტიმოთი შალამე, A Complete Unknown
კოლმენ დომინგო, Sing Sing
რეიფ ფაინზი, Conclave
სებასტიან სტანი, The Apprentice
მეორეხარისხოვანი როლის შემსრულებელი საუკეთესო მსახიობი ქალი
მონიკა ბარბარო, A Complete Unkown
არიანა გრანდე, Wicked
ფელისიტი ჯოუნსი, The Brutalist
იზაბელა როსელინი, Conclave
ზოი სალდანა, Emilia Pérez
მეორეხარისხოვანი როლის შემსრულებელი საუკეთესო მსახიობი კაცი
იურა ბორისოვი, Anora
კირან კალკინი, A Real Pain
ედვარდ ნორტონი, A Complete Unknown
გაი პირსი, The Brutalist
ჯერემი სტრონგი, The Apprentice
საუკეთესო ორიგინალური სცენარი
Anora
The Brutalist
A Real Pain
September 5
The Substance
საუკეთესო ადაპტირებული სცენარი
A Complete Unknown
Conclave
Emilia Pérez
Nickel Boys
Sing Sing
საუკეთესო ანიმაციური ფილმი
Flow
Inside Out 2
Memoir of a Snail
Wallace & Gromit: Vengeance Most Fowl
The Wild Robot
საუკეთესო სრულმეტრაჟიანი დოკუმენტური ფილმი
Black Box Diaries
No Other Land
Porcelain War
Soundtrack to a Coup D’Etat
Sugarcane
საუკეთესო საერთაშორისო ფილმი
I’m Still Here, ბრაზილია
The Girl with the Needle, დანია
Emilia Pérez, საფრანგეთი
The Seed of the Sacred Fig, გერმანია
Flow, ლატვია
საუკეთესო ორიგინალური სიმღერა ფილმისთვის
El Mal (Emilia Pérez)
The Journey (The Six Triple Eight)
Like A Bird (Sing Sing)
Mi Camino (Emilia Pérez)
Never Too Late (ელტონ ჯონი: Never Too Late)
