აგვისტოში ფულადი გზავნილებით $290 მლნ შემოვიდა – საიდან გადმორიცხეს ყველაზე მეტი?

საქართველოს ეროვნული ბანკის ინფორმაციით, 2024 წლის აგვისტოში ქვეყანაში შემოსული ფულადი გზავნილების მოცულობამ 290.6 მლნ აშშ დოლარი (784.4 მლნ ლარი) შეადგინა, რაც 0.3%-ით (0.9 მლნ აშშ დოლარით) მეტია 2023 წლის აგვისტოს ანალოგიურ მაჩვენებელზე.

აგვისტოში ყველაზე მეტი, 50.8 მლნ აშშ დოლარი აშშ-დან გადმორიცხეს. წლიური ზრდა 25%-ს შეადგენს.

გადმორიცხვებით მეორე ადგილზე იტალიაა, ხოლო მესამეზე – რუსეთის ფედერაცია.

ფულადი გზავნილების მიხედვით ქვეყნების ტოპ-ათეული და გადმორიცხული თანხების მოცულობის წლიური ცვლილება ამგვარია:

1. აშშ – 50.8 მლნ აშშ დოლარი (+25%)
2. იტალია – 49.3 მლნ აშშ დოლარი (+8.4%)
3. რუსეთი – 42.6 მლნ აშშ დოლარი (-29.7%)
4. გერმანია – 25.4 მლნ აშშ დოლარი (+22.4%)
5. საბერძნეთი – 22.4 მლნ აშშ დოლარი (+10.5%)
6. ისრაელი – 19.8 მლნ აშშ დოლარი (+18.9%)
7. ყაზახეთი – 9 მლნ აშშ დოლარი (-52.2%)
8. თურქეთი – 8.7 მლნ აშშ დოლარი (-5.2%)
9. ყირგიზეთი – 7.9 მლნ აშშ დოლარი (+62.4%)
10. ესპანეთი – 7.6 მლნ აშშ დოლარი (+21%)

აღსანიშნავია, რომ მიმდინარე წლის აგვისტოში საქართველოდან საზღვარგარეთ 33.1 მლნ აშშ დოლარი (89.4 მლნ ლარი) გადაიგზავნა, რაც 2023 წლის აგვისტოს (29.5 მლნ აშშ დოლარი) ანალოგიურ მაჩვენებელთან შედარებით 12.1%-ით მეტია.